#دوره_حياه_الاجنبي معلش بوست طويل مش حيقراه...

[Ali Fakree Eldin ElSallabi]

#دوره_حياه_الاجنبي

معلش بوست طويل مش حيقراه الا الي خاطره يقرا

ماذا لو لم نكن ليبين ولم نولد في ليبيا

راهو نضنا في الصبح سعيدين وابتسامه كبيره علي وجوهنا زي ما في الصوره الاولي
وراه فطرنا فطور سمح علي منظر سمح زي الي في الصوره الثانيه
وراه طلعنا نجروا وانديرو رياضه ع الصبح بقمه الراحه والنشاط من غير محد ايبحت نحنا في ايش انيدرو زي ما في الصوره الثالثه
وراه طلعنا نشربو قهوه في ستاربكس نظيف زي الي في الصوره الرابعه
وراه سقنا البشكليطه الي في الصوره الخامسه( من غير محد اينققر علينا وايبحت فينا )
وراه ادهورنا في الحديقه الي في الصوره السادسه ولعبنا فيها منغير محد ايعد عليك انفاسك (زي ماعندنا هنا )
وبعدها ممكن انردو انحطو البشكليطه في الحوش ونطلعو بالمواصلات العامه الي تنقلك لاي مكان زي ما في الصوره السابعة
وراه تلاقينا مع اصحابنا وتعشينا في ماكدونالز او في اي مطعم اخري زي ما في الصوره الثامنه
وراه روحنا ورقدنا وابتسامه كبيره تعلو وجوهنا ونحنا عارفين ان بكره حيكون يومنا جميل ورائع مفيهش نقص سيوله ولا حرب ولا دره كبد ولا اي حاجه شينه زي ما في الصوره التاسعه والاخيره

#عيش_الخيال_للحظة

 

[Ňájãţ Âbüžåkûk]

صح الله. مجرد اني نقرا تخيلت
هو تقدر اديرهن لما تكون ليبي و عايش برا

 

[Manona Elwerfali]

خاطري فيها الحياة هذي

 

[Hajar Alferjani]

زمان أقصى امنياتي نطلع بالبشكليطة برا و نسوقها للمعهد ليش لا هكي و الله الا محافظه ع البيئة و رياضة لكن هيت مجتمع يفهم هلي برواحهم ضحكوا عليا قالولي انت في ليبيا راه

 

[Orayda S. Gaderbouh]

هذي حتى الليبي الي عايش برا بس رياضة الصبح يجيبها ربي الباقي كله ندير فيه ههههههههه

 

[Semo F Alarbi]

فعلاً كيف ما قالت هنو المشكلة ان الناس ما تبيش تغير روتينها يعني شنو يبي يصير في الدنيا كان رقد بدري و ناض بدري قبل موعد الشغل او الكلية او المدرسة و خذا ساعة رياضة بعدها فطر فطور صحي و طلع للشارع مبتسم... الرياضة هي الأساس و الله تغير النفسية بطريقة ما حدش يتوقع الا اللي مجربها

 

[Mi Ra]

مجرد الخيال
فرحني

 

[Asma M Altrhoni]

ما نبي نحبطك بس مش الكل هكي، حياتهم 24 ساعة خدمة علي حالهم يطلعو من الساعة 7 الصبح يروحو 6 العشية ما تخايلي ان حياتهم مثاليه، كل حياتهم يجرو علي الفلوس و المعيشة، ما عندهم حاجة بلاش كل حاجة بفلوس التعليم المستشفيات الموصلات الكهرباء والماء والطرق، نحن العرب بصفة عامة نسمعو في كلام الناس و هذا الي مخرب علينا

 

[Mâlâk Swêét]

اساسا الخيال هذا هو اللي مخليني عايشه لعند توا

 

[Nahla Boushnaf]

Idris ElSharif Tell them about the truth bro

 

[Nona Elhasse]

والله حتي اجازتهم الاجانب مش فالحوش لازم تلقاهم يطلعو برا او سياحه بلاد تانيه يعرفو قيمه العطله ويغيرو جو

 

[Fadwa El-Feituri]

أنا ديما نتخيل في لقطة الفطور في الصبح تخش تفطر في مقهى أو bakery بنته خبزة وكروسان طازة وتشرب قهوة والا كاكاو ساخن وبنة هواء الصبح ويكون صقع والجو مندّي

 

[Abdalsalam Al Amami]

نبي نعرف ليش مانطورو من ارواحنا وانتحضرو وننظرو كل حاجه بايجابيه وكل حاجه عندنا لا عيب حرام ماتجيش
ومش عارف شنو
بصراحه نحنا اللي هلكنا عادتانا المتخلفه والتفكير اللي وخرنا الي الخلف ....

 

[Mo Ahmed]

سملة علينا لينا الله

 

[Srri SB]

عليش تخطر علينا في همنا ده حنا مش ناقصييين

 

[Schatze Hamid]

غريب الكلام هذا يطلع من شخص ديما يسافر زيك...ممكن لأن سفرك ديما سياحه وما عشتش أقامه في دوله اوروبيه...حرام حياتهم كلها شغل وجري زي الحمير حاشاكم. ..ينوض في الفجر يدير فطوره بروحه حتى لو متزوج لأن كل واحد مسؤول عن نفسه هذا لو عنده وقت والا يأخذ من الطريق أي حاجه ياكلها وهو يجري من قطار لقطار أو من باص لباص وبعدها يقعد في الشغل الساعه 6 ويروح حيله مهدود ويدير عشاه وكان عنده كلب حاشاكم يطلعه شويه ويروح يرقد...في عطلة نهاية الأسبوع بيدير الشوبينق امتاعه وكل حاجه عندهم غاليه...الكسبر والمعدنوس يشروا فيه بالعود وغالي بكل وبيغسلوا دبشهم وينظفوا حوشهم وفي آخر الشهر يأخذوا راتب يا دوب يسد ايجار الشقه والضرائب والمصاريف وبعد يفضل شويه يوفروها للاجازه السنويه اللي يديروا فيها كل الحاجات اللي ذكرتهن في الصور. ..يعني العيشه اللي مكتوبه فوق يعيشوا فيها شهر واحد بس في السنه وممكن أقل...نحن في ليبيا أقل شعب يشتغل وأكثر شعب يأخذ في فلوس بدون مقابل وكل حاجه عندنا رخيصه حتى توا رغم الغلاء اللي صاير مازال بلادنا رخيصه بالمقارنة بيهم ومع ذلك ما نحمدوش في ربنا وديما نشكل. ..والله بلادنا بلاد عز وخير غير تبي شعب يحبها ويستغل بيش يخليها احسن بلاد في الدنيا

 

[Nouria Najeeb]

البوست زاد نسبة الكآبة عندي

 

[Nour Shallouf]

لين عيونى دمعن هذا عليش ديما خاطري نعيش برا لأنك تكون انسان حر ومش خايف من كلام الناس ان شاء الله كل حد يحقق اللي يتمناه وأمنيتي في روتيني تكون رياضة الجري في الصبح وفي العشيه بالبشكليطه

 

[Hammady El MaGhabi]

Mãrwå Bìšhåri نحنا اصحاب ولازم ننقهرو مع بعضنا .. بعجني سناريو متاع بوست ..!

 

[Alfayha'a Mif Alwerfal'e]