Y
Yousef Hneísh
:: مسافر ::
#مطار_ترافل_لوفرز
مطار طبرق العالمي " الجزء الثاني "
الجزء هذا أطول من الاول راهو
بعد ال 24 ساعة المشوقات فاليوم الأول وبعد ما روحنا للهوتيل نضنا ثاني يوم وعالمطار مرة اخرى اندورو في اي طيارة اتحطنا حتى فتازربو المهم في ليبيا
قالولنا في طيارة ماشية طرابلس وبتنزل في طبرق تمشو فيها ؟ توكلنا على الله طبرق طبرق لانه الابرق صكر ومفش حل اخر
الطيارة مفروض تطلع 4 المهم طلعنا 12 فالليل وصلنا طبرق قالولنا العائلات اللي بينزلن في طبرق ينزلو وكنا ممكن اربع او خمس عائلات واللي مكملين لطرابلس ينزلو بيش يختمو وايردو ما عدا كبار السن
نزلنا للمطار وحسيت انه جايين لعرب فالليل ومش قايليلهم ..
البيبان مصكرات والمطار خاوي عدا كم شخص
ختمنا دخول وقلنالهم كيف ايصير فالشناطي في مطار اسطنبول خذو ارقام البوردينق وقالولنا حنخلوهن اخر وحدات بيش ايكونن جنب باب مخزن الطيارة
المهم الجماعة قالولنا معندنش حد اينزل الشناطي وجماعة المناولة مش قاعدين توكلنا على الله وعدينا للطيارة علي كرعينا وركبنا للكابتن اللي كان مصكر راصه حتى هو ان مخزن الشناطي ما ينفتحش لانه وقت بيروحو لطرابلس وبعد ركوب ونزول بين الكابتن وجماعة المطار وتدهوير بين العجل قنعناهم انهم يفتحولنا الباب وايجيبولنا السلوم ونحنا تو انطلعو شناطينا بروحنا
جا السلوم وركبنا للمخزن وياريتنا ما ركبنا ايرباص 330 وامعبية فل والجماعة فاتونا لا حطو الشناطي عالباب لا شي بح مفيش شناطي
نزلنا وردينا للمطار وهنا جا السؤال الساعة 3 فالليل والمترو متاع طبرق صكر خلاص كيف بنروحو اصلا
بارك الله فيهم هالكم موظف اللي قاعدين صكرنا نحنا وياهم المطار وطفينا الضوايا وطلعنا من باب الحوش قصدي المطار " هو فعلا باب حوش حديد فردة وحدة " وصكرناه بالمفتاح وتوزعنا في سيارتين وانطلقنا
في اللي صكر راسه بيروح وفي اللي عنده اقارب المهم قعدت اندور في فندق كلهن فل وختمت علي شقة فوسط البلاد الساعة 4 الفجر
تاني يوم خذيت تاكسي للمحطة وحلف ما ياخذش مني فلوس لما سمع قصتنا وشالنا بيش ناخذو شناطينا من المطار لانهم قالولنا تعالو تاني يوم تو ايجن فرحلة بكرة وطلع الموضوع وهمي وروحنا لبنغازي بدون شناطي
بعد شهر بالتمام والكمال جن الشناطي للبريقة ومن البريقة لبنغازي
The End
اللي هون عليا الموضوع هضا كله موقف الناس في طبرق اللي فعلا صبو معانا تصباية خوت
بارك الله فيهم وجزاهم عنا خير الجزاء
واللي تعب روحه وقرا هذا كله انحب انقوله شكرا جزيلا
مطار طبرق العالمي " الجزء الثاني "
الجزء هذا أطول من الاول راهو
بعد ال 24 ساعة المشوقات فاليوم الأول وبعد ما روحنا للهوتيل نضنا ثاني يوم وعالمطار مرة اخرى اندورو في اي طيارة اتحطنا حتى فتازربو المهم في ليبيا
قالولنا في طيارة ماشية طرابلس وبتنزل في طبرق تمشو فيها ؟ توكلنا على الله طبرق طبرق لانه الابرق صكر ومفش حل اخر
الطيارة مفروض تطلع 4 المهم طلعنا 12 فالليل وصلنا طبرق قالولنا العائلات اللي بينزلن في طبرق ينزلو وكنا ممكن اربع او خمس عائلات واللي مكملين لطرابلس ينزلو بيش يختمو وايردو ما عدا كبار السن
نزلنا للمطار وحسيت انه جايين لعرب فالليل ومش قايليلهم ..
البيبان مصكرات والمطار خاوي عدا كم شخص
ختمنا دخول وقلنالهم كيف ايصير فالشناطي في مطار اسطنبول خذو ارقام البوردينق وقالولنا حنخلوهن اخر وحدات بيش ايكونن جنب باب مخزن الطيارة
المهم الجماعة قالولنا معندنش حد اينزل الشناطي وجماعة المناولة مش قاعدين توكلنا على الله وعدينا للطيارة علي كرعينا وركبنا للكابتن اللي كان مصكر راصه حتى هو ان مخزن الشناطي ما ينفتحش لانه وقت بيروحو لطرابلس وبعد ركوب ونزول بين الكابتن وجماعة المطار وتدهوير بين العجل قنعناهم انهم يفتحولنا الباب وايجيبولنا السلوم ونحنا تو انطلعو شناطينا بروحنا
جا السلوم وركبنا للمخزن وياريتنا ما ركبنا ايرباص 330 وامعبية فل والجماعة فاتونا لا حطو الشناطي عالباب لا شي بح مفيش شناطي
نزلنا وردينا للمطار وهنا جا السؤال الساعة 3 فالليل والمترو متاع طبرق صكر خلاص كيف بنروحو اصلا
بارك الله فيهم هالكم موظف اللي قاعدين صكرنا نحنا وياهم المطار وطفينا الضوايا وطلعنا من باب الحوش قصدي المطار " هو فعلا باب حوش حديد فردة وحدة " وصكرناه بالمفتاح وتوزعنا في سيارتين وانطلقنا
في اللي صكر راسه بيروح وفي اللي عنده اقارب المهم قعدت اندور في فندق كلهن فل وختمت علي شقة فوسط البلاد الساعة 4 الفجر
تاني يوم خذيت تاكسي للمحطة وحلف ما ياخذش مني فلوس لما سمع قصتنا وشالنا بيش ناخذو شناطينا من المطار لانهم قالولنا تعالو تاني يوم تو ايجن فرحلة بكرة وطلع الموضوع وهمي وروحنا لبنغازي بدون شناطي
بعد شهر بالتمام والكمال جن الشناطي للبريقة ومن البريقة لبنغازي
The End
اللي هون عليا الموضوع هضا كله موقف الناس في طبرق اللي فعلا صبو معانا تصباية خوت
بارك الله فيهم وجزاهم عنا خير الجزاء
واللي تعب روحه وقرا هذا كله انحب انقوله شكرا جزيلا