R
Raja Shwishin
:: مسافر ::
#مطار_ترافل_لوفرز
بما ان مواقف المطار لا تنتهي و اغلبها من النوع النكدي اللي ينتهي بإنك تضحك علي روحك، حرت اي موقف كان الاسوأ، باش نشارك بيه. انك تبات من غير شناطي لان الطيارة فاتت عليك و الا لما تنسى الجواز عند الموظف لما تاخذ التاكس ....
فأخترت المرة الاولى...
كانت الوجهة من طرابلس الى نيس على الخطوط الملكية الهولندية KLM ، يعني لازم ترانزيت في هولندا، و طبعا الشناطي اخترت انهم دايركت الى نيس ما فيش لزمة ينزلوا في هولندا...
للاسف نوصلوا نلقوا طيارتنا لنيس فاتتنا، و بما اننا علي خطوط محترمة لازم يبيتونا في فندق لثاني يوم و هذا اللي كان، بس من غير شناطي اعطونا تشيرتات و شنطة صغيرة فيها معجون اسنان و فرش اسنان و شعر.....الخ اشياء كانت شنطة ايدي تحوي ما هو اهم و اكثر منها.
يعني الواحد يوم يزور هولندا و يبات فيها يرقد بحوايجه بس كان لازم نستغل الفرصة، نضنا بكري و درنا دورة حوالين الفندق و الحدائق المحيطة بيه حاجة خيال.
تم توصيلنا للمطار و التوجه لنيس، و كانت المفاجأة ان الشناطي متعنا ما وصلتش، الشعور و انت تشوف الناس كلها تطلع و السير يدور فاضي الا من شنطة فوشيا تخلى عنها صاحبها لا يوصف. مش معقولة حنباتوا بحوايجنا للمرة الثانية غير اني عندي مؤتمر و دورة لازم نحضرهم، اليوم الاول اصلا فات عليا فكيف حنحضر اليوم الثاني و اللي بعده.... و هذا دايرين روحنا اذكياء كل واحد حاط لبسة كاملة في شنطة اللي معاه باش كان راحت شنطة واحد فينا يحصل باش يبدل، ما خطر علينا بيريحوا بالجملة، من يومها بطلت جو البدلة الاحتياطي..
خذوا مني رقم الشناطي و اوصافهم و عنواني و تليفوني، كان رقم ليبي طبعا، يعني طلعتلي الفاتورة رقم .
ثاني يوم حضرت الدورة بالحوايج نفسهمو كلي ثقة، و قعدت شادتها وراهم لين اكدولي انهم لقوهم قاعدين في هولندا و خلاص شحنوهم و حيوصلوا في الليل، توكلت علي ربي و مشيت لكان حضرت مهرجان كان ، نتفرج علي جماعة الريد كاربت اكيد بنفس الحوايج اللي ليا يومين لابستهم و راقدة بيهم، لما روحت لقيت الشناطي في الفندق...
بما ان مواقف المطار لا تنتهي و اغلبها من النوع النكدي اللي ينتهي بإنك تضحك علي روحك، حرت اي موقف كان الاسوأ، باش نشارك بيه. انك تبات من غير شناطي لان الطيارة فاتت عليك و الا لما تنسى الجواز عند الموظف لما تاخذ التاكس ....
فأخترت المرة الاولى...
كانت الوجهة من طرابلس الى نيس على الخطوط الملكية الهولندية KLM ، يعني لازم ترانزيت في هولندا، و طبعا الشناطي اخترت انهم دايركت الى نيس ما فيش لزمة ينزلوا في هولندا...
للاسف نوصلوا نلقوا طيارتنا لنيس فاتتنا، و بما اننا علي خطوط محترمة لازم يبيتونا في فندق لثاني يوم و هذا اللي كان، بس من غير شناطي اعطونا تشيرتات و شنطة صغيرة فيها معجون اسنان و فرش اسنان و شعر.....الخ اشياء كانت شنطة ايدي تحوي ما هو اهم و اكثر منها.
يعني الواحد يوم يزور هولندا و يبات فيها يرقد بحوايجه بس كان لازم نستغل الفرصة، نضنا بكري و درنا دورة حوالين الفندق و الحدائق المحيطة بيه حاجة خيال.
تم توصيلنا للمطار و التوجه لنيس، و كانت المفاجأة ان الشناطي متعنا ما وصلتش، الشعور و انت تشوف الناس كلها تطلع و السير يدور فاضي الا من شنطة فوشيا تخلى عنها صاحبها لا يوصف. مش معقولة حنباتوا بحوايجنا للمرة الثانية غير اني عندي مؤتمر و دورة لازم نحضرهم، اليوم الاول اصلا فات عليا فكيف حنحضر اليوم الثاني و اللي بعده.... و هذا دايرين روحنا اذكياء كل واحد حاط لبسة كاملة في شنطة اللي معاه باش كان راحت شنطة واحد فينا يحصل باش يبدل، ما خطر علينا بيريحوا بالجملة، من يومها بطلت جو البدلة الاحتياطي..
خذوا مني رقم الشناطي و اوصافهم و عنواني و تليفوني، كان رقم ليبي طبعا، يعني طلعتلي الفاتورة رقم .
ثاني يوم حضرت الدورة بالحوايج نفسهمو كلي ثقة، و قعدت شادتها وراهم لين اكدولي انهم لقوهم قاعدين في هولندا و خلاص شحنوهم و حيوصلوا في الليل، توكلت علي ربي و مشيت لكان حضرت مهرجان كان ، نتفرج علي جماعة الريد كاربت اكيد بنفس الحوايج اللي ليا يومين لابستهم و راقدة بيهم، لما روحت لقيت الشناطي في الفندق...