N
Nora Ahmed
:: مسافر ::
#مطار_ترافل_لوفرز
للعلم القصه طويله وتبي صبر
الرحله داخلية من البريقه لطرابلس
تالت يوم العيد.. عدد الركاب من عائلتي 9 كراسي
كان يوم الاحد وصلنا للمطار زحمة كالعادة.. مااااااااعنديش النية في الرحلة نهااائي نبي نقعد في البريقه
تفاجأنا بعد ماوصلنا ان صايرة مشكلة في الحجوزات وحجزنا ماوصلش من الاساس لادارة النقل.. وصعب تلقي 9 كراسي فاضيات في وقتها
بعد نقاش حاد وشبه مشكله حصلنا كرسيين ركب فيه خالي وخويا والباقي روح
اليوم التاني
وصل لبابا تلفون ان جارنا وبمثابة الاب ليه توفي رحمة الله عليه.. مشينا للمطار.. اها كلنا
بابا حصل كرسي والباقي روح
اليوم الثالث
كانت في مشكله في مطار راس لانوف والزويتينه وكانت الرحلات تطلع من البريقه
يعني كان في 3 رحلات لطرابلس
في الصبح مشوا خواتي الاربعه في رحلة البريقه وحصلوا وركبوا
اللي قعد :- انا وماما وخويا واختي قالولنا ياتركبوا في رحلة راس لانوف او الزويتينه
رحلة راس لانوف جت مليااااانه ومشت.. رحلة الزويتينه مشت للحقل عبت اكثر من اللازم وصلت للبريقه خذت 7 ركاب ومشت
وبالتأكيد نحن مش من ال7 ركاب
ورووووحنااا
اليوم الرابع
تسقدنا للمطار وتوقف بينا السيارة في نص الطريق مافيش بنزينا ومنقطعة اصلا.. وقابلنا صديق الوالد ف الطريق ووصلنا
وصلنا للمطار وطبعاا حفظوووناااا.. حصلنا تذاكر والطيارة وصلت وشناطينا شالوهم وبنطلعوا عشان بنركبوا الطيارة
صارت مشكلة بين واحد من الامن ومدير في الشركة عشان الحجوزات.. المدير يتعفلق يصدر امر ان الطيارة تروح لطرابلس بدون ركاب
وروووحنااااا
اليوم الخامس
اتصلوا بينا إدارة النقل ع الحوش
حوش فلان؟
نعم
رقم الباج كذا كذا؟
نعم
تفضلوا اليوم للمطار الساعه 1 الظهر باذن الله عندكم حجز 4 كراسي
شكرااا
نبوا نمشوا للمطار ومافيش بنزينا ومعظم الجيران مسافرين
لذلك طلع خويا بيشوف حد عنده سيارة ولله الحمد طلع وتقابل مع صديق الوالد اللي ماشي اصلا للمنطقه اللي فيها المطار ووافق انه يوصلنا
طلعنا من الحوش نلقوها سيارة اسعاف
وتسقدنا.. وصلنا للمطار شافونا المرحليين وجوهم قعدن ألوان..
شن في؟
للاسف قررنا من ساعه بس ان الرحله تكون للعزاب فقط.. مش العائلات.
بس انتم اتصلتوا؟
نأسف علي الاتصال
خويا جا لماما.. قاللها انا مش مسااافر تبي تروحي؟
قالتله بلكي في امل اصبر
قاللها هي نشوفك طيبه.. سلام
وروح خويا
ونحن بكككككل برادة وجه قعدنا في المطار علي امل نحصلوا حجز
وفعلا في الاخيرررر بكل قعدن 3 كروت صعود من نصيبنا
وصار من الرحلة
ملاحظات :
- خالي وبابا مش من المخطط ان يسافروا بس ربي سخرلهم
- المشيه ماعنديش فيها نية بس لان ردوني مرتين.. او 5 مرات بالاحري .. صكرت راسي ع المشيه زايد ناقص
- المطار وقتها للاسف كان فوضى بس الحمدلله توا افضل.. والشي هذا وارد في وضع البلاد حاليا (نبرد علي روحي)
- وماكرهتش السفر ومازال وجهي بارد ومشيت بعدها وصارلي مايشابه هالموقف
وبس
للعلم القصه طويله وتبي صبر
الرحله داخلية من البريقه لطرابلس
تالت يوم العيد.. عدد الركاب من عائلتي 9 كراسي
كان يوم الاحد وصلنا للمطار زحمة كالعادة.. مااااااااعنديش النية في الرحلة نهااائي نبي نقعد في البريقه
تفاجأنا بعد ماوصلنا ان صايرة مشكلة في الحجوزات وحجزنا ماوصلش من الاساس لادارة النقل.. وصعب تلقي 9 كراسي فاضيات في وقتها
بعد نقاش حاد وشبه مشكله حصلنا كرسيين ركب فيه خالي وخويا والباقي روح
اليوم التاني
وصل لبابا تلفون ان جارنا وبمثابة الاب ليه توفي رحمة الله عليه.. مشينا للمطار.. اها كلنا
بابا حصل كرسي والباقي روح
اليوم الثالث
كانت في مشكله في مطار راس لانوف والزويتينه وكانت الرحلات تطلع من البريقه
يعني كان في 3 رحلات لطرابلس
في الصبح مشوا خواتي الاربعه في رحلة البريقه وحصلوا وركبوا
اللي قعد :- انا وماما وخويا واختي قالولنا ياتركبوا في رحلة راس لانوف او الزويتينه
رحلة راس لانوف جت مليااااانه ومشت.. رحلة الزويتينه مشت للحقل عبت اكثر من اللازم وصلت للبريقه خذت 7 ركاب ومشت
وبالتأكيد نحن مش من ال7 ركاب
ورووووحنااا
اليوم الرابع
تسقدنا للمطار وتوقف بينا السيارة في نص الطريق مافيش بنزينا ومنقطعة اصلا.. وقابلنا صديق الوالد ف الطريق ووصلنا
وصلنا للمطار وطبعاا حفظوووناااا.. حصلنا تذاكر والطيارة وصلت وشناطينا شالوهم وبنطلعوا عشان بنركبوا الطيارة
صارت مشكلة بين واحد من الامن ومدير في الشركة عشان الحجوزات.. المدير يتعفلق يصدر امر ان الطيارة تروح لطرابلس بدون ركاب
وروووحنااااا
اليوم الخامس
اتصلوا بينا إدارة النقل ع الحوش
حوش فلان؟
نعم
رقم الباج كذا كذا؟
نعم
تفضلوا اليوم للمطار الساعه 1 الظهر باذن الله عندكم حجز 4 كراسي
شكرااا
نبوا نمشوا للمطار ومافيش بنزينا ومعظم الجيران مسافرين
لذلك طلع خويا بيشوف حد عنده سيارة ولله الحمد طلع وتقابل مع صديق الوالد اللي ماشي اصلا للمنطقه اللي فيها المطار ووافق انه يوصلنا
طلعنا من الحوش نلقوها سيارة اسعاف
وتسقدنا.. وصلنا للمطار شافونا المرحليين وجوهم قعدن ألوان..
شن في؟
للاسف قررنا من ساعه بس ان الرحله تكون للعزاب فقط.. مش العائلات.
بس انتم اتصلتوا؟
نأسف علي الاتصال
خويا جا لماما.. قاللها انا مش مسااافر تبي تروحي؟
قالتله بلكي في امل اصبر
قاللها هي نشوفك طيبه.. سلام
وروح خويا
ونحن بكككككل برادة وجه قعدنا في المطار علي امل نحصلوا حجز
وفعلا في الاخيرررر بكل قعدن 3 كروت صعود من نصيبنا
وصار من الرحلة
ملاحظات :
- خالي وبابا مش من المخطط ان يسافروا بس ربي سخرلهم
- المشيه ماعنديش فيها نية بس لان ردوني مرتين.. او 5 مرات بالاحري .. صكرت راسي ع المشيه زايد ناقص
- المطار وقتها للاسف كان فوضى بس الحمدلله توا افضل.. والشي هذا وارد في وضع البلاد حاليا (نبرد علي روحي)
- وماكرهتش السفر ومازال وجهي بارد ومشيت بعدها وصارلي مايشابه هالموقف
وبس