O
OmranOo Abdelgalil
:: مسافر ::
لقيت الجماعه ينزلو في مواقف فالسفر فحتى انا عندي غناوة بنغنيها
رحلتي كانت من بنغازي لاسطنبول لتورنتو والترانزيت كانت مدته ساعه فقط في شهر 4-2014 الفتره هذكي بعد طلعت حفتر الاوله واعلانه محاربة داعش ف تسكر مطار بنغازي يوم وانا رحلتي كانت ثاني يوم، ثاني يوم فتحوا الرحلات الدوليه وطلعت طيارتي متأخره ساعه ف فاتتني الطياره الاخرى ف برموني جماعة الخطوط التركيه واندكيت في هوتيل علي حسابي بمبلغ وقدره الليله.
وبرموني برمة اخرى ان الكرسي امتاعي فالرحله الاولى كاين درجه ثانيه ف حطوني فالدرجه الثالثه في كرسي فالنص، علي يساري فرخه صينيه كملتها وكال ثوم وحاجات غريبه وهلي يميني حاشاكم واحد "شاذ" كملها راقد وحاط راسه علي كتفي ومدة الرحله 12 ساعه بدون توقف. وانا بحكم رشاقتي وحجمي الصغير ف كنت واخذ راحتي عالاخر لعند معش عرفت انتحرك ولا نرقد
وصلت لتورنتو كان عندي صاحبي يراجي فيا قتله حجزلتي في فندق قالي عيب يا راجل موضوعك تم. حط الف خط تحت تم
المهم وصلنا للهوستل اللي ساكن فيه هو وقالي انا واخذ غرفه فيها سريرين ف تعال اقعد معايا. الهوستل نضامهن اصلاً تأجر بالسرير مش بالغرفه يعني السرير الاخر ما كانش شوره
المهم حطيت حاجاتي وطلعنا ادهورنا "رحنا" وبعد روحنا قتله يا راجل تعال انتأكدوا مالحجز بالك انت املخبط
مشيت سألتهم قالولي انت كيف تجي تحط دبشك وتطلع بدون حجز وبدون ما تدفع. معناها انت جاي اتبيع مخدرات
صلو عالنبي يا هو اي مخدرات لالا لازم نتصلو بالشرطه ويجو يتفاهمو معاك. يا هو راهو مازلت بعجاج بنغازي اي مخدرات اللي بنبيعهن هنا صكروا راسهم. مع جية شاب ليبي كندي تعارك معاهم وهزبهم ولزوني ومشيت قعدت في فندق ب مبلغ وقدره مره اخرى وصاحبي الحيوان ما لزوش
رحلتي كانت من بنغازي لاسطنبول لتورنتو والترانزيت كانت مدته ساعه فقط في شهر 4-2014 الفتره هذكي بعد طلعت حفتر الاوله واعلانه محاربة داعش ف تسكر مطار بنغازي يوم وانا رحلتي كانت ثاني يوم، ثاني يوم فتحوا الرحلات الدوليه وطلعت طيارتي متأخره ساعه ف فاتتني الطياره الاخرى ف برموني جماعة الخطوط التركيه واندكيت في هوتيل علي حسابي بمبلغ وقدره الليله.
وبرموني برمة اخرى ان الكرسي امتاعي فالرحله الاولى كاين درجه ثانيه ف حطوني فالدرجه الثالثه في كرسي فالنص، علي يساري فرخه صينيه كملتها وكال ثوم وحاجات غريبه وهلي يميني حاشاكم واحد "شاذ" كملها راقد وحاط راسه علي كتفي ومدة الرحله 12 ساعه بدون توقف. وانا بحكم رشاقتي وحجمي الصغير ف كنت واخذ راحتي عالاخر لعند معش عرفت انتحرك ولا نرقد
وصلت لتورنتو كان عندي صاحبي يراجي فيا قتله حجزلتي في فندق قالي عيب يا راجل موضوعك تم. حط الف خط تحت تم
المهم وصلنا للهوستل اللي ساكن فيه هو وقالي انا واخذ غرفه فيها سريرين ف تعال اقعد معايا. الهوستل نضامهن اصلاً تأجر بالسرير مش بالغرفه يعني السرير الاخر ما كانش شوره
المهم حطيت حاجاتي وطلعنا ادهورنا "رحنا" وبعد روحنا قتله يا راجل تعال انتأكدوا مالحجز بالك انت املخبط
مشيت سألتهم قالولي انت كيف تجي تحط دبشك وتطلع بدون حجز وبدون ما تدفع. معناها انت جاي اتبيع مخدرات
صلو عالنبي يا هو اي مخدرات لالا لازم نتصلو بالشرطه ويجو يتفاهمو معاك. يا هو راهو مازلت بعجاج بنغازي اي مخدرات اللي بنبيعهن هنا صكروا راسهم. مع جية شاب ليبي كندي تعارك معاهم وهزبهم ولزوني ومشيت قعدت في فندق ب مبلغ وقدره مره اخرى وصاحبي الحيوان ما لزوش
