#مطار_ترافل_لوفرز الموقف الثالث...

[Ali Fakree Eldin ElSallabi]

#مطار_ترافل_لوفرز

الموقف الثالث

#أغرب_وامتع_راس_سنه_في_حياتي

الموقف هذا مصارش في مطار
بس لازم نحكيه وخلاص لانه نادره من نوادر السفر بتاعي
الموضوع هذا صار قبل راس السنه بتاع 2014 بثلاث ايام
كنت مسافر في 2013 اكثر من 7 مرات فرصيدي من الاجازات في الشركه الي نشتغل فيها#صفر
وقريب يخصمو مني بالناقص
وانا خاطري انقضي رأس السنه في دوله اوروبيه
وجت علي بالي باريس
قلت لمديري نبي اجازه حتا غيرمدفوعه
قالي ميصير شي لاني مزطته بكل من كثره الاجازات الي ناخذ فيهن وانا خاطري انسافر باهي كيف ايصير ؟
وانا من النوع الي لما انحط حاجه في راسي لازم انديرها يابالك السفر الي انحبه اكثر حاجه في العالم
المهم قررت اندير خطه شريره وربي ايسامحني عليها
حجزت التذكره بتاعي علي يوم الاربعاء الساعه 11 في الظهر ( اقرب موعد للسفر)
من مطار طرابلس لروما ومن روما لباريس
وحجزت فندق بالفيزا بتاعي
والمشكله الكبيره بكل ان يوم راس السنه كان يوم الاربعاء ( تخيلو )
وجيت للعمل يوم الأربعاء كأي يوم عادي
والعمل بتاعنا مفيهش توقيع علي اوراق حضور
فيه بصمه
يعني لازم اتجي تبصم عشان يعرفو انك جيت
جت بصمت الساعه 8 ( وشطنه السفر بتاعي في شنطه سيارتي )
والساعه 8 وربع كنت في المطارعلي رحله الافريقيه لطرابلس (وطبعا من شارع دبي لعند مطار بنينا عداد السياره سكر ال200 ) ودرست السياره في المطار
وصلت الساعه 9 ونص بلكي لطرابلس
راجت ساعه في المطار لعند مقربت رحلتي لروما
رنيت علي المدير قتله ان خويا مرض مرضه شينه ولازم نطلع بيه شور تونس في الليل واضطريت اني انروح من العمل عشان نشقي بي اجراءات السفر
وميزه شركتنا انها كبيره وثلاث ادوار يعني مش حيعرف لو اني قاعد او مش قاعد
المسكين صدقني وقاللي الحمد لله علي سلامته وطمنا عليك والجو هذا
عموما
ركبت طيارتي
ونزلت في باريس يوم الاربعاء ع المغرب
تاكسي للهوتيل
ودغري طلعت شور البرج
وكنت حاجز فندق يبعد عن البرج 6 دقائق مشيا
عشت الاجواء الباريسيه لعند فجر اليوم الثاني <3
والساعه 8 الصبح روحت رقدت في الفندق وانا مهدود حيلي
قعدت في باريس اربعاء وخميس وجمعه وسبت ويوم الاحد كانت العوده بتاعي
الساعه 5 الصبح من باريس لروما ووصلت لمطار طرابلس قريب الساعه 9 في الصبح
وكنت في بنغازي 10 ونص
حطيت الشناطي في الحوش وعديت بصمت في العمل كاي يوم عادي عشان ميخصموش من مرتبي

ملاحظة هامه :

اي حد من شركتنا قاعد في الجروب يفطن لروحه وايفكنا من الشير

#السفر_وعمايله
#مديري_المسكين

 

[Boshy Madi]

هههههههههههههههه عليك كفاح عندك هظا كله عشان ميفوتكش راس السنه

 

[Monia Bugrain]

ههههههه وااو تخيلت الجري ..بس صح راس السنه و وقت الكريسمس برا احلى وقت لو انا شاب كنت درت هك

 

[Schatze Hamid]

اي حد يعرف المدير يدير له منشن...عندنا اعتراف كتابي

 

[Mima Aboshagur]

مغامرة تستحق هههههه

 

[Aisha Alathram]

طاح سعدك عليك مغامرات

 

[Najla Abdullah]

وكيف درت ف التأشيرة

 

[Moony Almsalati]

غير قولي اسم المدير بس عشان نمنشنه يعوينك انا راضية حتى بروما عادي

 

[Rana If]

مبدع ف التخطيط انت ماشاءالله عليك مفروض تفكر تدير مكتب تنسيق رحلات

 

[Heba Kord]

هههههه يعطيك الصحه

 

[تامي المجبري]

يعوينك

 

[Waled Alkraz]

نلقانك فززت
صحه لك والله

 

[Asma Bader]

ههههههههههه اهم حاجه ممشتش في خاطرك

 

[Elghani Weaty]

ههههههههه احلى شى المغامرة

 

[Hanadi Elghemari]

تصكير راس واو الصراحه والصوره جميله ❤

 

[Orayda S. Gaderbouh]

مجنون ههههههههههههه

 

[Aya Elhade]

اصرار و كفاح

 

[Lamya Elsallak]

مجنون والله انت

 

[Wewa Benghasher]

هههههههههههههههه عليك كفاح لكن كان فالوقت الحالي راهو مازالت تراجي في رحلتك فالابرق

 

[Manona Ims]

تسكير راس من النوع الشرير صحه لك حتى هيا باريس مش اي حاجه