A
Ali Fakree Eldin ElSallabi
:: مسافر ::
#قصه_اليوم
#قصه_وليد_صاحبي_في_بيزا
بما انكم احسن اعضاء وربي يحفظكم وديما رافعين راسي ومش مقصرين معايا لايكات وكومنتس وبوستات في القصتين الي فاتو
خليني نحكيلكم ثالث قصه من اسفاري وانشالله تعجبكم
قصه طياره بيزا المشئومه
وقبل منبدا في القصه نبي انقوللكم اني عندي اثنين اصحابي
اسمهم وليد وادم منعرفش انسافر الا بيهم
وغالبيه مواقف سفري ديما صايرات معاهم
انتوكلو علي الله ونبدو القصه
بعد يوم طويل ومتعب واجهنا فيه عده مواقف متعبه , وخسرنا فيه عرم فلوس وحكيت عليه اليوم هذا في كم بوست من قبل
المهم
كانت طيارتنا الساعه 9 في الليل من من بيزا في ايطاليا / الي مالطا
وكنا متاخرين وواصلين من بروكسيل اخر وحدين ومزال ع الطياره نص ساعه وتطلع
صبينا في طابور طويل وقدنا انراجو انراجو انراجو
لعند وصلنا اول وحدين قالولنا مش هذا الطابور بتاع رحله مالطا بكل , طابور رحله مالطا في مكان واحد اخر
جرينا باسرع ما يمكن ولقينا الموظفه الي تعطي في كروت الصعود خلاص تبي اتسكر الرحله
وقالتلنا هيا بسرعه الطياره قريب تطلع
تمينا اوراقنا ع السريع وجرينا جري شور الطياره
طلعنا من اخر بوابه الي بعدها اتشيلك الحافله للطياره
وفجاة وليد يبحت يمين يسار
ميلقش الشكاير الي كانن معاه
بحت فيا قالي الشكاير عندك قتله لا
بحت في صاحبي الاخر قالــه الشكاير عندك ؟
قاللـه لا
والمشكله ان كنا قريبين من الطياره يعني معش ينفع انردو بككل حتا جوازاتنا انختمن
قتله فوتهن الشكاير
قاللي شاري فيهن حاجات بحق 500 يورو منقدرش انفوتهن
وقاللنا حاولو اتعطلو الطياره لبال مجبت الحاجاات وجيت
طبعا انا طفيت بطمه الضمير الي عندي وقتله انا راكب الطياره وبنرقد
( كنت راقد الساعه 4 في الفجر ونايض من الساعه 8 ومتشحور ورقدت في مطار بروكسيل قريب ساعتين وجوي مش تمام بكل )
قتله تبي تركب متبيش تركب مليش دعوه انا خاش نبي نرقد
المهم ركبت الطياره بروحي ويلايا واحد صيني
وادم (صاحبنا ) حاول انه ايدير اي طروح عشان ايعطل الطياره شويه لعند ما ( وليد ) ايجيب حاجااته وايجي
انا اول محطيت راسي علي الكرسي رقدت علي طول
ونضت والمضيفه اتقول انننا وصلنا مالطا
الفكره الي كانت في راسي اول منضت
( هل ركب وليد للطياره ) ؟
ولا الطياره فاتاته وطلعت ؟
نزلت اول واحد من الطياره وقعدت انراجي في اصحابي ينزلو
( طبعا كل واحد قمعز في كرسي بروحه )
نزلو اول عشره
ووليد مش فيهم
نزل قروب واحد اخر
ووليد مزال
بعدين شفت ادم نازل ووليد مش معاه
عديتله نجري قتله وليد ركب ؟
قاللي مش عارف وشكله حتا هوا كان راقد
المهم قعدنا انراجو
انراجو
انراجو
واخيرا نزل وليد اخر واحد من الطياره ونحنا طبعا جرينا عليه وتضبيط وعياط اتقول مروح من الحج
وقعد يحكيلنا انه وقف صاحب الباص الي ايوصل للطياره وسكنله في راسه عشان ايرد بيه
وقعد يقنع فيهم انه ناسي حاجاته
ودزو معاه رجل امن
وقصه حزينه وفي الاخير خلوه ايجيب شكايره وردوه للطياره
المهم بعد مطمنا علي وليد نزل بالسلامه نسينا الجو الشين الي كان صاير في اليوم كله عدينا للهوتيل سعداء وفرحانين
ومكنش عارفين ان الهوتيل الي ماشيين له حيصرلنا فيه موقف واحد اخر ووواحد منا حيواجه احتمال انه يبات في الشارع
( ولكن هذه قصه اخري )
انشالله عجبتكم قصه وليد في بيزا
والي يبي القصه الجديده ايقولي
#سافر_الي_بيزا_واشحوور_في_المطار
#قصه_وليد_صاحبي_في_بيزا
بما انكم احسن اعضاء وربي يحفظكم وديما رافعين راسي ومش مقصرين معايا لايكات وكومنتس وبوستات في القصتين الي فاتو
خليني نحكيلكم ثالث قصه من اسفاري وانشالله تعجبكم
قصه طياره بيزا المشئومه
وقبل منبدا في القصه نبي انقوللكم اني عندي اثنين اصحابي
اسمهم وليد وادم منعرفش انسافر الا بيهم
وغالبيه مواقف سفري ديما صايرات معاهم
انتوكلو علي الله ونبدو القصه
بعد يوم طويل ومتعب واجهنا فيه عده مواقف متعبه , وخسرنا فيه عرم فلوس وحكيت عليه اليوم هذا في كم بوست من قبل
المهم
كانت طيارتنا الساعه 9 في الليل من من بيزا في ايطاليا / الي مالطا
وكنا متاخرين وواصلين من بروكسيل اخر وحدين ومزال ع الطياره نص ساعه وتطلع
صبينا في طابور طويل وقدنا انراجو انراجو انراجو
لعند وصلنا اول وحدين قالولنا مش هذا الطابور بتاع رحله مالطا بكل , طابور رحله مالطا في مكان واحد اخر
جرينا باسرع ما يمكن ولقينا الموظفه الي تعطي في كروت الصعود خلاص تبي اتسكر الرحله
وقالتلنا هيا بسرعه الطياره قريب تطلع
تمينا اوراقنا ع السريع وجرينا جري شور الطياره
طلعنا من اخر بوابه الي بعدها اتشيلك الحافله للطياره
وفجاة وليد يبحت يمين يسار
ميلقش الشكاير الي كانن معاه
بحت فيا قالي الشكاير عندك قتله لا
بحت في صاحبي الاخر قالــه الشكاير عندك ؟
قاللـه لا
والمشكله ان كنا قريبين من الطياره يعني معش ينفع انردو بككل حتا جوازاتنا انختمن
قتله فوتهن الشكاير
قاللي شاري فيهن حاجات بحق 500 يورو منقدرش انفوتهن
وقاللنا حاولو اتعطلو الطياره لبال مجبت الحاجاات وجيت
طبعا انا طفيت بطمه الضمير الي عندي وقتله انا راكب الطياره وبنرقد
( كنت راقد الساعه 4 في الفجر ونايض من الساعه 8 ومتشحور ورقدت في مطار بروكسيل قريب ساعتين وجوي مش تمام بكل )
قتله تبي تركب متبيش تركب مليش دعوه انا خاش نبي نرقد
المهم ركبت الطياره بروحي ويلايا واحد صيني
وادم (صاحبنا ) حاول انه ايدير اي طروح عشان ايعطل الطياره شويه لعند ما ( وليد ) ايجيب حاجااته وايجي
انا اول محطيت راسي علي الكرسي رقدت علي طول
ونضت والمضيفه اتقول انننا وصلنا مالطا
الفكره الي كانت في راسي اول منضت
( هل ركب وليد للطياره ) ؟
ولا الطياره فاتاته وطلعت ؟
نزلت اول واحد من الطياره وقعدت انراجي في اصحابي ينزلو
( طبعا كل واحد قمعز في كرسي بروحه )
نزلو اول عشره
ووليد مش فيهم
نزل قروب واحد اخر
ووليد مزال
بعدين شفت ادم نازل ووليد مش معاه
عديتله نجري قتله وليد ركب ؟
قاللي مش عارف وشكله حتا هوا كان راقد
المهم قعدنا انراجو
انراجو
انراجو
واخيرا نزل وليد اخر واحد من الطياره ونحنا طبعا جرينا عليه وتضبيط وعياط اتقول مروح من الحج
وقعد يحكيلنا انه وقف صاحب الباص الي ايوصل للطياره وسكنله في راسه عشان ايرد بيه
وقعد يقنع فيهم انه ناسي حاجاته
ودزو معاه رجل امن
وقصه حزينه وفي الاخير خلوه ايجيب شكايره وردوه للطياره
المهم بعد مطمنا علي وليد نزل بالسلامه نسينا الجو الشين الي كان صاير في اليوم كله عدينا للهوتيل سعداء وفرحانين
ومكنش عارفين ان الهوتيل الي ماشيين له حيصرلنا فيه موقف واحد اخر ووواحد منا حيواجه احتمال انه يبات في الشارع
( ولكن هذه قصه اخري )
انشالله عجبتكم قصه وليد في بيزا
والي يبي القصه الجديده ايقولي
#سافر_الي_بيزا_واشحوور_في_المطار