#موقف_سريع_من_اسفاري خلوني نحكيلكم موقف سريع...

  • بادئ الموضوع بادئ الموضوع Ali Fakree Eldin ElSallabi
  • تاريخ البدء تاريخ البدء
عرض العطلة
A

Ali Fakree Eldin ElSallabi

:: مسافر ::
#1
#موقف_سريع_من_اسفاري

خلوني نحكيلكم موقف سريع بكل
في مالطا 2013 كنت قاعد يوم واحد في مالطا ومتوكل بعدها شور اسبانيا بنحضر الكلاسيكو غادي شهر مارس
يعني صقع وجو سمح بكل
وفي اليوم هذا من حظي الاسود نمرض مره خفيفه بس مزعجه
مرضه متخليكش تطلع من الهوتيل
المهم كلمت صاحبي عايش في مالطا
قتله تعال كسد معايا في الهوتيل عشان مش قادر نطلع
جا قعد معايا 3 ساعات في الدار شكلي عديته ( البكتيريا بتاعي قويه وفعاله :) )
قعد يعطس حتا هوا وسخن وراسه قعد ايلف نفس الاعراض الي عندي انا بالضبط
والمشكله في الهوتيل انه جاي في نهايه شارع ميرقدش بكل
وكله حفلات وعالم نايض وحياه هبال :)
فنحنا نسمعو في الهرجه الي لوطا وخاطرنا ننزلو نهيجو وفي نفس الوقت المرض مانعنا
والصوت كل ما له يعلي ويعلي
ونحنا ضاربنا الطل والمشكله التلفزيون فيه قنوات مالطيه وايطاليه بس يعني متقدرش اتمشي وقتك الا ع النت
قلت لصاحبي خلينا انديرو كل واحد دوش بلكي انصحصحو
خش دار دوش
وطلع
بعدها درت دوش
وطلعت
قلتله : ينقني حاس روحي احسن هيا ننزلو :)
( وطبعا انا كذاب بكل والمرض زاد بزياده مش وقف بعد الدوش )
قاللي حتا انا حاس روحي احسن ( كذاب برضو )
المهم نزلنا لعند لوطا قاللي بنشري دخان من السوبر ماركت قبل منخشو للشارع
قتله اوكي
تكينا ع السوبر ماركت خذا دخان
وبعدها خشينا للشارع النايض
صاحبي بححت فيا بحسره وقاللي
( هيا انروحو يا راجل ينقنها الريح ضربتني )
بحتت فيه وانا انقول الحمد لله جت منه مش مني
لاني حتا انا كنت نرعش ونكذب علي روحي وبنهيج باي طريقه وخلاص وانا مزال ضاربني المرض
المهم روحنا للهوتيل ولقيت روحي متضبط البطانيه وراقد وراحت عليا ليله سمحه في مالطا :(
وصاحبي بات عندي وتاني يوم نضنا زي ال قروده مفينا شي
المهم انقهرنا وخلاص

#موقف_سريع :)
#مسافر_مريض :(
14691029_1201996419856879_4144765316361982669_n.jpg
 
عرض العطلة
عرض العطلة
عرض العطلة
عرض العطلة
أعلى أسفل
عودة
قائمة