انا الان بالسعوديه اريد نصائحكم انا مخطوبة من...

  • بادئ الموضوع بادئ الموضوع Yasmeen Mem
  • تاريخ البدء تاريخ البدء
عرض العطلة
#21
ع سبيل المثال انا متزوجه ومتحمله الغربه وزوجي في السعوديه عشان دوامه مامددو له في الاجازه وانا جالسه هنا مع بناتي الثلاث وكل واحده في مكان الحضانه والروضه والمدرسه وانا ادرس مجاستير في الرياضيات وانا متحمله كل هالضغوطات عشان في النهايه الشهاده هي الي راح تنفعني واستفيد منها اذا خلصت دراسه ف مثل ماقالو لك سلاح المراه هو التعليم والحصول علئ اعلئ المراتب ب اذن الله ...موفقه.
 
#22
انا انتهيت من دراسة فترة اللغة بعدها تزوجت وانا حاليا في مرحلة البكلوريوس. زوجتي الان تدرس انجليزي وكل شيء مرتب وجميل.
انا انصح تخلينة ياخذ لغة بالاول بعدين تتزوجو، حتى الزوج يصير فاهم الديرة وعارف والانظمة. موفقين
 
#23
إذا رضي اهلك عن دينه وخله ووافقتي عليه , استخيري وتزوجي, مالها دخل مبتعث أو غير مبتعث, ولازم تفهمين أن الغربه صعبه ومو سهله وخصوصا إذا توكم عرسان, قد تنجح بتوفيق الله أولا ثم بالدعاء, وممكن تفشل.
 
#24
أولا: طبعا لا تكتفين ، كملي دراسه !
ثانيا: تأكدي زين أن هذا الشخص كفء "ويٌعتمد عليه ويخاف الله" ، لأنه ما راح يكون زوجك بيكون سندك وأهلك وكل شي لك بالغربة.
الحياة بعد الإبتعاث حياة جديدة ، والزواج طبعا حياة جديدة. إذا عندك قدرة على التكيف السريع مع ظروف جديدة وبيئة مختلفة، وشريك حياة انتي ما راح تعرفينه زين إلا بالغربة ،،، فا ليش لا .. ممكن تتزوجون وتكملون دراستكم مع بعض.
أما إذا تحسين أنو زواجكم ممكن يعطلكم عن تحقيق هدفكم اللي هو الشهادة ، هينا انصحك بتأجيل الزواج لان الدراسة أولوية لكم أنتم الاثنين لان الشهادة راح تحدد المصير الوظيفي والمادي طول العمر.
 
#25
في امريكا بنات يحضرون دكتوراه وازواجهم يدرسون وعندهم ثلاثه او اربعه اطفال ،، وماشاء الله الحياه ماشيه ومتوفقين وسعيدين.. الموضوع بس تفاهم،، ومدام زوجك معيد يعني صغير بالعمر والجيل الاخير ماعنده تعقيد بامور الزواج وادارة المنزل وهالاشياء ،، استغلي الفرصه وكمليها مو كل مره راح يصير فيه بعثه.. الله يوفقكم يارب
 
عرض العطلة
#28
تزوجي لكن لا تجيبي اطفال عشان لا يعطل وقت دراستك .مع اني اشوف حرام وقهر لاي رجل في العالم ينام ويتعببب مع مراته وفي الاخر ما يجيب اطفال بس الانسان ضعيف دراسته اهم من شريك حياته لانه شريك الحياه ممكن يكون مؤقت لكن الدراسه نتايجها في وجهك على طول .. الله يوفقك ويدلك ويلهمك على الخير فين ما كان ..واي شخص يقرأ كلامي اذا عنده رأي يقلي الله يحيه
 
#29
حياتك الزوجية تعتمد إعتماد كبير على الزوج...إذا كان الزوج صالح حياتك بتكون فيها بركة و كذلك إذا كان متعلم و فاهم بعد يكون الزواج موفق بقوة سواء كان مبتعث أم لا...فإذا كان صالح و حسب ما انتي كاتبه انه معيد بالجامعة يعني شخص متعلم و مخه مو مصدي و لا متحجر راح يكون موفق 100%.

و لي رحت جهة الإبتعاث انت كملي دراستك ...ضبطت معك اضبطت ..شفتي الموضوع صعب و ما يمدي ماستر إذا اكتفي بالبكالريوس...كله يعتمد عليك و على إرادتك ..ماله دخل زواج ولا لأ.
و أضيف أيضا أنه اذا هو دخل ماستر و خلص لغة يعني صار له خبرة و يمديه يساعدك ...
 
#30
الف مبروك
ولكن ابيك تعرفي الزواج للمرأة حياتها كل بتكون لزوجها
يعني بعد كم من شهر تقولي طفشتي ومشاقة لأهلك وأصحابك وتبي ترجعي للسعودية هذي ممكن من الاسباب اللي تكون سبب واقفه في حيات المراأة بعد زواجها
 
عرض العطلة
#31
لا مشكلة أبدا, القرار يعتمد على شخصيتك و أهدافك,
الزواج والابتعاث جميل جدا لكي تآزروا بعضكم بعضا, فالغربة مريرة جدا.
الدراسة سويا جميلة كذلك لكنها قد تكون مستحيلة مع الحمل و التربية.
ولي تجربة في ذلك.
وربنا يوفقنا وإياكم.
 
#32
يعتمد ع التفاهم والانسجام بين الطرفين، ما راح يأثر موضوع الغربة والابتعاث، بالأخير هالشي مؤقت.. مجرد محطة راح تمرون عليها مرور الكرام وبالعكس راح تكون أيام حلوة وجميلة والغربه إيجابياتها اكثر من سلبياتها.. راح تتعلمو كيف تعتمدو ع انفسكم بكل شي.. راح تحسو باستقلالية تامة وراح تكونون قريبين جدا من بعض.. وهالشي لصالح علاقتكم.. لأنو ماعندكم بالغربة أحد يتدخل بحياتكم.. راح تحلون مشاكلكم بأنفسكم وتزعلون بعض وتراضون بعض وتعيشون أحلى حياة.. هالكلام أقوله من واقع تجربة.. الغربه فيها تخليكم قريبين من بعض أقوى شي وتعطيكم فرصه أكبر تتعرفو ع بعض وتعيشو حياتكم بهدوء. وبالنهاية يعتمد الموضوع في نجاح العلاقة ع توفيق الله سبحانه وتعالى.. تمنياتي لكم بالتوفيق والنجاح.
 
#34
اول شي مبروك وبالتوفيق. ثاني شي طبعا ادرسي ماجستير معاه وابدأي من الحين تجيبي قبول مبدئي في نفس جامعته او عالاقل في نفس المدينة. واذا معدلك عالي في الباكالوريوس قدمي على وظيفة معيدة قبل تطلعي.
انا صارتلي نفس حالتك قبل 10 سنين بالضبط انا معيد وهي كملت باكلوريوس كان باقيلها سنة امتياز خلصت وجات درست معاي ماجستير ورجعت قدمت على الجامعة في السعودية وصرنا الاثنين محاضرين والحين ندرس دكتوراة مع بعض بحمد الله. مدام بدون اطفال مالك اي خيار ثاني غير الدراسة لأن بتملي طول اليوم في البيت. مع الاطفال الوضع اصعب بس مازال مو مستحيل. يعتمد عالحالة المادية فقط لأن مصاريف الحضانة تهد الحيل خاصة اذا اكثر من طفل.
 
#35
الدراسة مع بعض مافي اي مشكلات بحكم خبرتي ٥ سنوات ولللللللللكن لو صار في حمل ف ... بصراحة ما اعرف اوصف صعوبة الموضوع

بالنسبة لي انا الحمدلله عندي ٣ اطفال ولكن اتكم كمولود جديد صعبة جدا جدا جدا من نواحي جدا كثير

موفقة،
 
عرض العطلة
#37
انا كنت طالب مبتعث وزوجتي كذلك طالبة مبتعثة وقابلنا بعض في مرحلة اللغة واخوكم عينه طويلة والحمدلله وفقنا الله واتزوجنا ولنا الان 6 سنين وبينا طفل وطفلة ربي يحفظهم واتخرجنا الحمدالله مع بعض
لازم الزوجين يشيلون بعضهم البعض والاعتذار والاحترام مبدئ مهم في العلاقة
لازم يكون عندكم قابلية للتنازل حتى تستمر العلاقة ونسيان مبدئ الكرامة لان اثنينكم كرامتهم وحدة وكلكم مكمل لبعض واهانة اي طرف هي اهانة للنفس قبل كل شيئ
الخلفة في بداية الامر صعبة لانها مسؤولية وتحتاج جهد ووقت وهذا صعب جدا مع الدراسة لكن مثل ماذكرت لك اذا كان هناك طرف يتنازل راح تستمر الحياة زي الحلاوة حتى بوجود الاطفال
نصيحة اخوك تأكدي من تفكير المتقدم لك لان الزوج اللي يرى ان في ادائه لمهام الزوجة سواء كل المهام او جزأ منها عيب فهذا صعب التعامل معه ويمكن يكون عائق امام مستقبلك
لست بصدد تحليل الشخصيات لكن مجتمعنا الذكوري انشأ جيل نسي ان النبي صلى الله عليه وسلم كان ينظف بيته مع ام المؤمنين عائشة رضي الله عنها
اختم بآية (وعاشروهن بالمعروف) فسرها البعض على انها الصبر على اذى الزوجة...
الله يوفقك ويختار لك الصالح
 
#38
انا اشوف انها فرصة اتتك على طبق من ذهب و الكثير يحاول في دراسة على حساب ابدولة دون جدوى

فرصة الحصول على لغة و مؤهل عالي لا تقدر يثمن و لا تفوت فقد لا تتكرر

و لا تقولين لو و لو لمشاكل من نسج الخيال
ان حصلت مشكلة اجتهدي و شاوري في الحل في حينها
فقد لا يحصل شئ
 
#40
عادلي شهادتك من جامعته واختبري ايلتس في السعوديه وتعالي مباشرة على الجامعه

والله دراسة اللغه للي ما يحتاجها مضيعه للوقت
 
عرض العطلة
عرض العطلة
عرض العطلة
أعلى أسفل
عودة
قائمة