قصه سريعه بكل :) قصه الفلاش كنت في 2013 مكسد...

[Ali Fakree Eldin ElSallabi]

قصه سريعه بكل
قصه الفلاش

كنت في 2013 مكسد مع صاحبي علي (سعودي الجنسيه ) في مالطا وقاعدين نسمعو في اغاني علي منظومة الصوت بتاعه في الشقه بتاعه في منطقه البيشافيللي
المهم طلعت من الشقه وروحت للهوتيل ونسيت الفلاش بتاعي في المنظومة بتاعه
وفلاشي هذا عندي عليه شغل وحاجاات مهمه وفي نفس الوقت فيه عرم اغاني
كنت طالع تاني يوم شور روما
فكلمته قتله تو انمر عليك ناخذ الفلاش بتاعي وانعدي بعدها للمطار
قاللي انا عندي كلاس توا ومش حنطلع منه اللا االساعه 12 الظهر
وانا كانت طيارتي الساعه 10 ونص
قتله خليه معاك
وانا مروح من روما لمالطا تو انجي ناخذه منك
قاللي تم
عديت لروما قعدت فيها 4 ايام وبعدها عديت من روما لهولندا ورديت بعدها لمالطا
كلمته
قالي جتني رحله ضروريه لامريكا عشان باته مريض وقاعد ايتعالج غادي
قتله امتي مروح
قاللي اسبوع
وانا كنت مروح تاني يوم لليبيا
المهم قعدت عي تواصل معاه بعد روحت ليبيا
وفي شهر 3 عديت لماطا اخري
كلمته وخذيت منه الفلاش ( هوا مقيم في مالطا )
قاللي فلاشك عدا معايا لامريكا والمانيا وكندا
وانا طبعا رقالي وحقدت علي الفلاش بتاعي كيف ايزور امريكا قبلي وايعدي ايشوف نيويورك والتايم سكوير قبلي
المهم ان فلاشي فاز عليا
وحققلي احلامي

#قصه_فلاشي

 

[Anssam F. El-Gibani]

هههههههههههههه حتي اني حقدت عليه، و ذكرتني بصورة الذبانة ع روشن الطيارة وكاتبين عليها ان هي سافرت وانا لا

 

[Siraj Mahmoud]

أنا عندي شنطة سفر ظهر مسميها الشنطة السعيدة
الشنطة هذه سافرت بها ل 8 دول
ومشت مع خويا لدولتين ما زلت ما زرتهن هن ماليزيا وتايلاند

 

[Lavenderlibya Rana]

ههههههههه فلاش سمح ماشاءالله وحظه اسمح اخري

 

[Mayar El Saiti]

هههههههه انا حقدت عليك انت والفلاش

 

[Hajer A Alzwae]

وانا حقدت

 

[Alaa Aimable]

حتى انآ حقدت عليه

 

[مودة مفتاح]

انا حقدت حتى ع بو صاحبك حتى ولو مريض

 

[Dina El Gallal]

ليش رقالك خلى الفلاش يوسع خاطره شوية

 

[Eman Younis]

هههههههه حلوه فاز عليا

 

[Albatool Alabeedy]

ياريتني أفلاشك
Hadeel Kandas
شفتي عدا لامريكا واحنا لا

 

[Tama Hadia]

خطرت عليا ورقة امتحاني الي مشت لليابان وانا حلم حياتي نشوف اليابان
القصه كلها جانا استاذ ليبي في الجامعه متخرج من اليابان ودكتور في الجامعه عادي دار لنا امتحان جزئي بعد الحزئي طول صارت الثوره ، خذا الاوراق ومشي لليابان بعد قالها لنا قعدت نحسد في ورقه عليها اسمي مشت ونا قعدت

 

[Hanod Najm]

ايهبل. الفلاش. يستحق. يسافر. عشان. لونه. Pink. ههههههههه

 

[Bello Gargoum]

الحظ حتى ف الفلاشات

 

[Bushra Al-eman]

انا حقدت على صاحب الفلاش و صاحب صاحب الفلاش

 

[Ansam ELmehdwey]

هههههههههههههههه عليك فلاش محظوظ

 

[Masarra Elhemali]

قصتي اني وفيزتي

 

[Wo Odi]

هههههه فلاشك ما خطمش عليه الحظ الليبي