السلام عليكم ورحمة الله وبركاته، في موضوع مهم...

[Saud Bin Faisal]

السلام عليكم ورحمة الله وبركاته،
في موضوع مهم جداً حاب أنبه في المبتعثيين والله يحمي الجميع يارب..
وان شاء الله الرسالة توصل للجميع وبالأخص مُلاك السيارات مثل الهوندا
والنيسان وبعض الشركات اليابانية والأمريكية مثل الفورد بالأخص المودلات
اللي من 2000 تقريبا إلى 2011..

النداء أو Recall للسلامة يعتبر الأكبر في تاريخ أمريكا لخطورة موضوع
ال airbag حق السلامة أنه ممكن لا سمح الله أنه ينفجر أو يكون دفعه بالخروج
أقوى وأكثر من اللازم في حالة حدوق الحادث ويسبب حالة وفاة للسائق
لأنه صارت مع بنت اللي في الفيديو ب تكساس والله يكفينا الشر..

فقلت أنقل لكم الخبر لأنه وصلني أكثر من بريد خلال السنة الحالية
وأنا كنت مطنش صراحة وغلط وتقصير أعتبره، لأنه يوم كلمت أقرب
ديلير لوكالة هوندا عن طريق الموقع تقدر تشييك /Recall Information for Safety & Defects | Honda Owners Site

قالوا لي التصليح وكلش ببلاش لانه هذا طلب من National Highway Traffic Safety Administration أقرو السيكشن الأخير بالبريد اللي أرسلوه لي
يوضح هالنقطة التصليح المفروض يكون ببلاش ماتدفع شيء لهم..

*الموضوع مره مهم، خصوصا البعض ممكن ما وصله البريد أو ماعنده خبر
أو كان مطنش في البداية ويتوقعه صيانة دورية أو اي ان كان وسلامتكم..

ف ياليت الكل يأخذ وقته ويتأكد من سياراته إذا وصله بريد أو يملك أحد موديلات
هالسيارات والله يحفظ الجميع من كل مكروه ويردكم سالمين..

وهذا بعض الفيديوهات توضح أهمية الخبر والمشكلة اللي صايرة:

 

[Mostafa Alabed]

نعم الوكالة تصلح السيارة مجانا ومجبورة تعطي سيارة بديلة سواء من عندهم او من عند شركات التاجير مثل انتربرايس

 

[Rayed Abdulwahab]

وش الشركات اللي تندرج تحت هالشي

 

[Zaid Fuhaid]

جزاك الله خير
انا والله يوصلني من شركة هوندا كثير ومطنشهم لاني احسبه بفلوس. هل تتوقع يصلحون الاير باق ببلاش لي موديل سيارتي ٢٠٠٣ اكورد
شكرا مسبقاً

 

[Faddagih Alfaddagih]

اللهم سلم سلم
جزاك الله خير

 

[Abdullah AlHazmi]

جزاك الله كل خير على التنبيه

 

[Abdullah AlHazmi]

 

[Seema Alqahtani]

مافهمت

 

[Rana Alq]

كمان حتى لو اشتريت من شخص اخر اقدر اروح الوكاله يسوها ببلاش او ياخذو علي؟؟