في ال2013 كنت في ايطاليا وزرت مدينه فيرونا...

[Ali Fakree Eldin ElSallabi]

في ال2013 كنت في ايطاليا وزرت مدينه فيرونا وجيت حكيت عليها لأمي لما روحت
وبما ان امي طفولتها كلها كانت في ايطاليا
قالتلي لازم اتشيلني انشوفها اخري
وانا عشان غبي وعشان كنت نشري في اليورو ب 1.80 وعدتها وقلتلها حاضر
ولعند اليوم كل منحكيلها ع السفر اتقولي انتا واعدني برحله لايطاليا وقالتها لخالتي وعماتي والعائله كلها عشان اتحطني في الامر الواقع
واليورو ب 6 جنيه
شن اندير ؟

 

[Tama Hadia]

كل شي يهون فدا الأم

 

[Ahmed Gzeri]

الحمدلله امي طفولتها في بنغازي ، يعني موضوعي ساهل انا ، هيا امي البسي جلبابك ندهورك في بنغازي

 

[Rewy Alshareif]

قوليلها ايطاليا الفترة هـذي فيها مـيليشيا وسـيرها لـحد مـ تنسـى الموضوع✌

 

[Albatool Alabeedy]

عيب توعدها ومتوفيش الوعد لو انا امك نقولك الله لايسامحك لو مشلتنيش لي ايطاليا

 

[Moony Almsalati]

ان شاء الله ربي يعطيها طول العمر وينزل اليورو وتشيلها

 

[Meimona Salem]

فيرونا

 

[Asmaa Elmenefi]

ان شااء الله اتشلها لايطاليا وبلدان العالم كلهاا ربي يحفظكم وطول عمر الوالده

 

[Bushra Al-eman]

عشان مرة اخرى تعرف معنى لا تؤجل عمل اليوم للغد
ربي يطول في عمرها و تسافر بيها

 

[Ayota Rafa]

ربي يحفظها ويطولك في عمرها وينزل اليورو وتاخذها لإيطاليا

 

[Alaa Aimable]

ههههههههه ربي يحفظها ان شاء الله ينزل اليورو وتاخذها وشيلني معاها

 

[Mandolin Ben Halim]

ننقانك شيلها

 

[Nosa Alojlly]

قوللها كل تأخيره فيها خيره وحتقتنع وادعي ان ليورو ينزل

 

[Asia Mohameed]

ربي يحفظهالك ويطول في عمرها وعمرك وتلف بيها ايطاليا كلها وزيد عليها اسبانيا مني انا

 

[Nouria Najeeb]

ماهو كان ما اجلتش الموضوع وشلتها دغري راه توا مريح راسك
ربي يطول في عمرها وتشيلها قريب

 

[Eslam ElGhidari]

هههههه ربي يطولك في عمرها وتسفرها ويجي من يرفعنى حتى انى ههههه

 

[Bushraa Elbarasi]

إيطاليا وفيرونا اخرى اكثر بلاد نحبها وخاطري نمشيلها ونشوف حوش روميو وجولييت

 

[Bushii Alabeedi]

لحق قبل مايقعد ب 16

 

[Anssam F. El-Gibani]

نصيحة شيلها توا تخاف يتأزم الوضع اكثر ويوصل اليورو ب12

 

[Mohamed Aldrsse]

الامر الواقع