جماعة الي برا لما تطلعو كيف توفقو ف صلاتكماني...

[Meme Wab]

جماعة الي برا لما تطلعو كيف توفقو ف صلاتكماني سجادتي ف شنطتي وممخلية وين مصلية مرات نخش لمحل ملابس وناخد غرفة تبديل ونصلي فيهاوندور ف مطاعم عربية نصلي فيها ولا لو كنت ف الكورس نسكر ف الفصل ونصليوهادي اخر مرة ف حديقة ركبت ف منطقة عالية مافيها حد صليت ونزلت☻☻لكن صلاة ف الدنيا الخضرا هادي من الاخيراسأل الله ان يتقبل مني ويوفقني

 

[Eman Khalifa]

الحق ماعمري صليت برا لان مانعرفش نركز ونخاف كان في المكتبه ندور جهه فاضيه ونصلي لان الطلبه حتى لو شافوك صدفه يتقبلوا في الموضوع ومستحيل يمرو جنبك او يزعجوك وكان في مكان تاني نخلي فيهن لغاية مانروح وحاليا في الشتاء كارثه العشاء يأذن 6 وشويه فنروح للحوش مصليه الصبح فقط والباقي كله مره وحده لما نروح ربي يقدرنا ويغفرلنا بصراحه مش عارفه شن الحل

 

[Wb Ahmad]

ربي يتقبل منك تشرح النفس التصلايه ف مكان اخضر

 

[Asma M Altrhoni]

نحن لو ماشين مكان بعيد نصلو في الحوش الظهر والعصر جمع تقديم و دائما ناخذو في الصلاية معانا.

 

[Anssam F. El-Gibani]

ماشالله ربي يحفظك

 

[Haneen Hamama Bossnaina]

احلى مافي تركيا ان الموضوع هذا بذات مافيش مشاكل بين الجامع والجامع جامع ماشاء الله ومافيش اي مكان مافيش مصلى او مسجد صغير

 

[Randa Garman]

ماشاء الله ربي يتقبل منك ويثبتك

 

[Zakaria Salem]

الحق نصلي في الصبح قبل ما نطلع بس والباقي كله بعد نروح نحطهن مره وحده

 

[Muftah Elteghe]

الحمد لله اغلب المدن الاوروبية في اماكن للصلاة ومنتشرة في مطارات واغلب مولات كبيرة مخصصة مكان للصلاة وحتي جامعات دايرة مكان للصلاة

 

[Evo MH]

نسأل الله ان يتقبل منك ومنا
فعلا الصلاة علي التراب في الطبيعة تشرح الصدر

 

[Neveen Berrwin]

ماشاء الله عليك ربي يثبتك ويهدينا جميعا

 

[Raja Shwishin]

مش مخلية مكان يعتب عليا، حتى في محطات القطارات و المطارات. يا رب يكونوا لنا شهود...

 

[Dina El Gallal]

ربي يتقبل منك حبيبتي بس نصيحة كيف المكان الي فالصورة مرات يكون كله نجاسة و خصوصا انهم برا لازم يطلعو بكلابهم حشاك في الأماكن هذي

 

[Zeze Myth]

ربي يبارك لك و يتقبل منك و يعينك

 

[Ali Algzairi]

تقبل الله منك بس لما تصلي خلي في حاجز قدامك يعني ما يكونش زي فالصورة .. مثلا حطي شنطة بعد السجادة أو يكون مكانك مقابل شجرة

 

[Nonna Mokasabi]

انا مرة درت زيك، من اللي مصورنيش ومن اللي ما سالنيش، وحي علس صحباتي الاجنبيات دارولي فيلم وموضوع كبير وقائمة معبية اسئلة كيف ىعليش وامتي

 

[Kämîlíã Ál Àšplÿ]

نلم فيهن لين نروح لان الحق عالقات محاضرات و بعدها شغل و مكانات كلهن زحمه ما فيش كيف ربي يغفرلنا و يسامحنا

نجرو و راء الدنيا لا جينا من دنيا لا اخره

 

[Wijdan Boshrida]

ماشاء الله ربي يثبتك.. حتى انا نفس الشي في وسط مطاعم ايطاليا ومولاتها وفي مالطا وفالاردن ومصر وين مانكون نستأذن بس من صاحب المكان والحق يحترمو فالشي هذا وبرضو حتى في شغلي نسيب الحاله اللي في يدي ونصلي.. بصدق ربي انعم علينا واااجد لازم نعطوه حقه وزياده . السفر نعمة من ربي في ناس متمنيين يسافرو . فليش بمجرد ما الشخص يسافر ينسى فضل ربي عليه ومايصليش ؟؟!!. صورة حلوه وربي يثبتك

 

[Elham Haman]

صلاة المسافر! - جمع تقصير

 

[Rahma Benghazi Libya]

ماشاء الله ربي يتقبل منك