اليوم حنحكيلكم قصتين سريعات بكل اذكرتهن امس...

[Ali Fakree Eldin ElSallabi]

اليوم حنحكيلكم قصتين سريعات بكل اذكرتهن امس
صارنلي في الغربه

اول وحده قصه ال200 يورو
كنت في دوله اوروبيه معروفه بقوانينها الصارمه وكنت حاجز في السينما وبنقطع الطريق بسرعه
المهم
الطريق كانت زحمه سيارات مش عاديه وانا متاخرع السينما
ويلايا ممر المشاه الناس كلهم ايراجو في الاشاره عشان يقطعو الطريق
عديت انا بخلفيتي الليبيه العاديه
قطعت الطريق بين السيارات لعند وصلت للسينما
وفجاءه جاني شرطي يجري وقعد يحكي معايا فرنسي وانا مش فاهم شي وجهه منحمر
قتله انا سائح ومندويش الا انجليزي وشويه بككل اسباني
قعد يحكيلي بالانجليزي
قالي ( هل انتا مجنون ما الذي فعلته؟ )
قتله بكل عباطه : ماذا فعلت ؟
قاللي : (قطع الطريق وسط السيارات مخالفته 100 يورو
وقطع الطريق من دون استخدام ممر المشاه مخالفته 200 يورو) .
طبعا انا استكيت وقعدت انحق في 200 يورو رايحات مني ع الابيض فقعدت انتاسف ونعتذر ونشرحله ان في بلادي ممكن تقطع الطريق السريع عادي والسيارات يجرن بسرعه 200
لعند ماقتنع وقالي صورتك نزلت عندي في الكاميرا وانتا تقطع في الطريق ولو درتها مره اخري حتدفع 400 يورو مش 200

حمدت ربي وخشيت حضرت الفيلم وانا حاس اني متخلف بسنين ضوئيه عن الناس هذوما

 

[Boshy Madi]

 

[Kamilia Alasply]

مشيا بشهودها
اكيد وصلت في نهاية الفيلم

 

[Nonna Mokasabi]

شكلها في المانيا صارت

 

[Maya Twinkle]

وباه ف نهاية شنو كان لفيلم

 

[Asma M Altrhoni]

اقوي حاجة السنتين الضوئية الي في القصة

 

[Aisha G Elsagezli]

حمدلله ربي نجاك مرة صار موقف علي ترين وضروري تدفع وانا ماشية مكان بعيد ويجي متاع أمن يركب وانا نطلع نجري من هن كان هذا ليلتي فل قعدت

 

[Siraj Mahmoud]

على فكرة
ورقة ال200 يورو في فرنسا يديرولك عليها قصة كبيرة ويقعدوا يفصفصوك من وين جايبها ولو عندك أوراق زيها

 

[Areej N Alhsoni]

السؤال هنا, شنو الفيلم لي عشانه قريب دفعت 200 يورو :")

 

[Eman Younis]

 

[Ràghad Ŏļ]

هههههههه انا العكس
في الشوارع الصغار وين مافيش الخطوط نقص و مفروض السيارات يوقفن
نقعد نشوف فيهم من بداية الشارع نستناهم لين يوصلو و يوقفو بعدها نقص الطريق

 

[Arèèj H Mohammad]

ههههههههههههه عطك الخير يا عليوة ، ياريته خذاهن منك الفلوس هههههه

 

[Monia Mahmoud]

ههههههههههعهههههه شرحت صار يعني فضحت بينا

 

[Saleh Sulieman]

ليت مي قيس بلجيكا؟

 

[Morad S Alagorey]

هذا قبل خبطاته سيارة في المانيا كان ما عيطتله Zakaria Salem

 

[Ramadan Zakka]

كنت في دولة اوروبية !!!!السؤال ماسبب عدم ذكرك لأسمها ؟؟وهل كان هذا سيؤثر على سير قصتك ان ذكرتها؟؟تقبل مروري وفضولي

 

[Eve Mohammed]

كان صارت معاك توا راه كبيت الشوال .. ماعندناش مطار و حليب الحكيه وصل للخمسه و مافيش سيوله

 

[Namareg El-Mouadab]

اكيد طارت النيه من الفيلم بعد الفجعه هذه

 

[Fatma Alhaj]

هذي ولا غيرها

 

[Randa Garman]

جو البنت الي في آرب أيدول معندناش مطار الحدود مسكره