يومكم جميل بوجود الأمطار ❤✋ بعيداً جدا عن...

[Swiss Ice]

يومكم جميل بوجود الأمطار ❤

بعيداً جدا عن الجوانب المقدسة والجوانب الشخصية والإجتماعية.

(أسئلة مطروحة للنقاش لإستعراض وجهات النظر المتنوعة عن السفر)

1- شن الشيء يلي ممكن يقف أمام المرأة ويمنعها من السفر لوحدها وتحقيق نجاحها الزاتي إما في مجال دراستها أو مهنتها أو حتى من جانب الإنفتاح الثقافي؟

2- كيف نقدرو نزيلو هزه الغيمة السوداء ونغيرو نظرة مجتمعنا تجاه المرأة يلي تسافر بروحها؟

 

[Yousra Ali]

خاطر ع بالي فكرة السفاري .. بس هي فين و الموجود فين

 

[Sara Al-rheby]

ديننا الاسلامي يمنع السفر بدون محرم و اعتقد ان سبب كافي ..
رغم سفري قبل هكي بروحي بس مسافة الجو بس كانو في استقبالي هلي فالبلد الاخرا ..
لاكن سفر و اقامه وحدها فيها صعوبه كبيره و خصوصا الغربه رجال مايقدروش عليها بروحهم فما بالك المرأه بما انها اضعف ..
رغم اني نعرف قريبات ليا سافرو و كملو دراستهم بروحهم و لسنوات طويله و في بلاد اوربيه و عادي حتي من الناحيه الدينيه مافكروش فيها وهما يعتبرو عائلات متمسكه بدينهم واجد اكيد ايكون في فتوه سمحتلهم

 

[Hiba Alobydi]

هي ع حسب العائلة و كذلك ع حسب نوع أسباب السفر ..
في عائلات محافظة ما تسمحش ان بنتهم تسافر بروحها بس في امكانية اتغير الفكرة لما تكون بنتهم طالعة بعثة دراسية و صارت واجد بنات نعرفهن سافرن لدراسة برة بدون مرافق .. بس لو كان السفر لغرض السياحة و تغيير الجو لا أعتقد أن في عائلة ليبية تخلي بنت تسافر بروحها دهواري ..
يعني الحل الوحيد عشان تقدري تطلعي برة بروحك انك تشدي حيلك و تحصلي بعثة

 

[Asma M Altrhoni]

اولا المانع الديني لسفر المرأة بدون محرم
ثانيا العادات والتقاليد وما ادراك
ثالثا صعب شوية الموضوع ان البنت تسافر بروحها ما تقدر اتوقع شن ممكن يصير

 

[نسمة الصباح]

لان لا يجوز المراه السفر بدون محرم

 

[Asia Mohameed]

سألت السؤال الاول وجاوبت عليه في التاني
بداية الجانب الديني طبعا متسافرش المرأة بدون محرم ولو لقوا فتوة ان المرأة تسافر بدون محرم بيقولولك لا ميجيش بنت تسافر بروحها والمجتمع والناس يعني حنا نشبحوا للناس مهمناش في مصلحة الشخص وين لكن بصراحة الغربة صعبة ع الولد فمابالك البنت
وبالنسبة للمجتمع صعب تغير نظرته ليها مهما درنا

 

[أميمة خالد]

بالنسبة ليا ربي ما حرم حاجة إلا لأنها فعلا فيها مضرة ليا
فـ بقناعتي مستحيل نسافر بروحي ضروري من مُحرم يكون سند ليا ونكون ونيسة ليه ..

 

[Amna Jamila]

معندش اى عائق من سنتين جتني فرصة سفر لأمريكا وحدى يعني مع قروب مع سفارة بس بعدين مصارش شي ع سبأ وضع البلاد والسفارة لغت موضوع غير هك مفش عائق بالنسبة ليا

 

[Maryam SalEh]

العائق بالنسبة ليا اني نريح في شوارعنا فمابالك في بلاد غريبة ،،،مانقدرش نعتمد علي نفسي الصراحة

 

[Sona Shatwan]

1-ﻻشي 2-عمرك ما تفكري في مجتمع ، مقتنعه بحاجة وعارفتيها صح ديريها
اما بالنسبة لحرمانية سفر المرأة بروحها خوفا عليها من المشقة ومن المواقف اللي ممكن أتعرضلها، ومع التطور معش في مشقة وانا نشوف ان اللي صاير من رعب داخل ليبيا أسوء من الغربة وقسوتها
والله اعلم

 

[Aml Othman]

من انا وصغيرة ما اتعودتش نعتمد علي نفسي عشان هكي لو فجاة حنسافر بروحي مش حنعرف ندير شي، بس خاطري نسافر بروحي

 

[Sokaina AL Ferjany]

العائق هي ثقافة المجتمع المتحفظة على سفر المرأة بروحها (عادات وتقاليد) اكبر من كونه عائق الدين .. و انا عن نفسي لو جتني فرصة مستحيل نمشي بروحي لاني نفضل الجو عائلي ... ومنهم تحس بالامان وتتفادي اي موقف يصير لازم معاك شخص يساندك

 

[Nora Ahmed]

لعند توا ماجربتش نسافر بروحي برا البلاد
جوا البلاد نقدر نسافر بروحي ... انا ابنة احد مستخدمي شركة سرت .. ونستخدم في مواصلاتهم سؤاء طيران او الباص بروحي لان بابا واثق في امانهم فقـــط .. نمشي لبنغازي او طرابلس او اجدابيا .. عادي
بس مثلا لو ناخد تاكسي بروحي في احد هالمدن .. ممنوع !
انا عامة نثق في قراراته وخوفه عليا .. هوا مش من النوعية اللي قراراته تعسفيه وبدون منطق ..
لذلك نرجح ان السبب هوا الخوف علي البنت وقصة الامن والامان .. لو بلادنا تستقر نتوقع ان الموضوع يولي عادي ووارد ومش حيكون غيمة سودة

 

[Mansour Alawame]

معرف روحي حنخش جنة كان خذيت وحدة جوها هكي

 

[Shayma Shennib]

المجتمع!

 

[فاطمة الفاخرى]

الغربة صعبة جداً والعدو ابروحه زى ما ايقولوا
ومش كلها فسح وقراية خمس نجوم والجو بودرى
وهذا ينطبق على الاثنين راجل أو امراءة
فيه مواقف الواحد يبى حد من عيلته بحذاه هى حتى ابسط المواقف العنصرية اللى الواحد يتعرضلها ولو مره فى العشر سنين أتخيلك اتقولى ياريت بحذاى واحد من هلى نشكيله ونحكيله لأنك مش حتقدرى تشكى لأصدقاء الغربة ديمه
وخصوصاً وقت المرض او الاحزان لا قدر الله مش حيحس بيك إلا اللى لك

الطموح والعلم والبلا بلا بلا هذين الواحد يحققهن ويوصللهن بإمتياز لما يكون مستقر فكرياً وحواليه من يحتويه ويفهمه ويشكيله ويشاكيه ....

 

[Arèèj H Mohammad]

تي غير كان انحصلها ويسير اللي في بالي بس ، المحرم هذا راجيناه طول استغفرالله ، ننقني مالاخر نبيها بكككل والله

 

[Nouran Raji]

مافيش غيمة سوداء ولا نبو نغيروا نظرة المجتمع للمرأة اللي تسافر بروحها مع أني مرأة بس ضد سفر المرأة وحدها أولا لأن الدين الأسلامي حرم سفر المرأة بدون محرم ومافيش امر يحرمه الله سبحانه وتعالى الا وفيه حكمة والله اعلم بعباده مننا نحنا
المرأة ضعيفة بطبيعتها اللي خلقها الله سبحانه وتعالى بيها كيف تقدر تتحمل تعب السفر والتغيير اللي ح تشوفه في بلد غير بلدها ️

 

[Hayo Elmalti]

اولا في مانع شرعي
مع ان في عرم حاجات حرام في حياتنا
ولكن لو كانت أسره مافيهش شباب تلقي عادي البنت معتمده علي نفسها وصاينه روحها ونعرف وحدات ما شاء الله كملن دراستهن
لكن لو في شباب حيقولولك شن بيقولو الناس علينا
(طالقين بناتنا بروحهم و و و و )
الموضوع موضوع مجتمع يخوض في سير الناس فلان وعلان طالق بناتهم بروحه
ولكن كغربه سواء بنت او شاب
يا حبَّذا حد معاك يعاونك لان بلاد غريبه وماتعرفيش شن يصير
شباب ينضحك عليهم فما بالك يلقوك بنت وبروحك
ولو عليا نسافر بروحي عادي يعطوني المجال بس