T
Travel Secrets
:: مسافر ::
تابع الخطوة الأولى ( الحصول على الفيزا ) :
المرحلة الأصعب في أي رحلة هي ضمان حصولنا على الفيزا لأن دي الحاجه الوحيده اللي مش بايدينا و منقدرش نشتريها بالفلوس , لكن التذاكر و الفنادق و الرحلات كل ده نقدر أحنا ننظمه بأرخص التكاليف . أهم نقطة لازم تعرفها علشان تعرف موظفين السفارات بيفكروا أزاي : هو كل اللي موظف عاوزة أنه يتأكد أنك راجع مصر تاني مش حتسافر و تهرب و أنك تقدر تتكفل بنفسك ماديا و أنك مش خطر على الدولة بس كده. فأنت بالنسبه للموظف شوية أوراق كل ما أوراقك كانت قوية و منظمة ان شاء الله ضمان حصولك على الفيزا أكيد.
في الجزء ده مش حقولكم ايه هي شروط الحصول على الفيزا لكل سفارة لأن كل سفاره لها شروط معينة و لكن حقولكم على بعض الأسرار اللي لازم نعرفها قبل ما نقدم على الفيزا :
حنقسم الفيز للدول لنوعين :
النوع الأول : دول الحصول على الفيزا لا يستغرق أكثر من أسبوع و لا تحتاج الى موعد مسبق للتقديم عليها زي مثلا سنغافورة و تايلاند و تركيا و أغلب دول أسيا .
النوع الثاني : و هو النوع الأصعب و هي فيزا شنجن لدول أوروبا و فيزا أمريكا . و دي بتطلب الحصول على موعد مسبق و تقديم أوراق كتير و ممكن تطول الى شهرين.
الورق المطلوب غالبا في اي سفارة بيكون كالتالي :
HR Letter، ابليكيشن الفيزا ( متوفرة على النت من موقع سفارة الدولة نفسها , تقدر تطبعه بنفسك و تملاه في البيت ) ، صورتين شخصيتين حديثتين ، شهادة تحركات بتطلع من مجمع التحرير بتاخد حوالي ١٨ يوم لو أول مرة تقدم علي فيزا ، حجز الفندق ، حجز الطيران و الباسبور ( يكون صالح على الأقل 6 شهور ) وأخيراً bank statement مختوم لأخر ٣ شهور أو ٦ شهور حسب اللي طالباه السفارة. بالنسبة للنوع الثاني من الفيز زي الشنجن ( بتطلب تأمين سفر سعره في حدود 100 جنيه )
بعض النصائح الذهبية علشان متتغلبش في السفارات :
1. لازم كل الورق يكون مترجم انجليزي من مكتب معتمد
2. يكون عندك في الحساب مبلغ لا يقل عن 10 الاف جنيه ( ممكن نستلفهم من الحاج و نطلع ال bank statement و بعدين نرجعهم تاني )
3. كشف حساب البنك لازم يكون كله بالانجليزي حتى أسمك مافيش فيه و لا كلمة عربي
4. تتأكد من موعد تسليم الورق في السفارة و لو السفاره محتاجه موعد مسبق تدخل على موقعهم على النت و تحدد الموعد المناسب لك .
5. ورقك كله يكون جاهز و مش ناقص أي شيء
6. أعمل جدول قبل ما تروح السفارة و أكتب خط سير رحلتك و فيه أهم الأماكن اللي انت مهتم تزورها ( دي تقدر تنزلها من على النت ) علشان أهم سؤال في اي مقابله : أنت رايح تعمل ايه ؟ فلازم تكون محضر اجابة كويسه : انك نفسك تزور البلد دي من زمان و عاوز أزور فيها كذا و كذا ( النقطة دي مهمة جدا علشان بتأكد لموظف السفارة أنك رايح سياحة فعلا )
نصائح ذهبيه ( لفيزا شنجن ) عن تجربة :
النصيحة الأولى : أوعى تتسرع و تحجز أي حاجه سواء تذكرة طيران أو حجز فندق أو رحلات مهما كانت الأسعار مغرية , لأن لا قدر الله , ممكن الفيزا تترفض و بيكون صعب جدا الغاء حجوزات التذاكر و الفنادق و ممكن تخسر فيهم مبلغ كبير
طيب نعمل ايه و الحاجات دي مطلوبه للتقديم على الفيزا:
بالنسبة لحجز الطيران أمامك طريقتين : الأولى حجز تذكرة سفر قابلة للارجاع بالكامل و بتكون أغلى شوية و لكن بتحميك في حال تم رفض الفيزا .
الطريقة الثانية : أن بعض شركات السياحة ممكن تحجزلك تذكرة مؤقتة بمبلغ بسيط لحد ما تطلع الفيزا و بعدين ممكن تؤكدها أو تحجز تذكرة جديدة .
بخصوص حجز الفندق : أحسن طريقة لحجز فندق بدون دفع و لا مليم أنك تدخل على موقع بوكينج Booking.com و تختار فندق في الدولة اللي انت حتطلع منها الفيزا و يكون الحجز بدون دفع فلوس مقدما ( يعني الدفع عند الوصول ) و الغاءه بيكون مجاني و تحجز الفندق بدون أي فلوس و تطبعه و بكده يكون عندك حجز فندق مؤكد. و بعد ما تطلع الفيزا تلغي الحجز مجانا .
النصيحة التانيه : تطلع الفيزا من أول دولة حتزورها يعني مثال: لو أول دولة حتزورها فرنسا يبقى تطلع الفيزا من سفارة فرنسا و تحجز تذكرة الطيران ذهاب و عودة الى فرنسا و حجز الفندق يبقى طوال الرحلة في فرنسا ( من بوكينج طبعا بدون ما تدفع فلوسه ) , حتى لو بعد ما دخلت فرنسا سافرت كل دول أوروبا مش مشكله , المهم أنك أول دولة دخلتها هي فرنسا و بعدين ممكن ترجع لمصر من أي دولة في أوروبا. و مش شرط أن فرنسا تكون أكثر دولة حتعد فيها و لكن شرط أنها تكون أول دولة تزورها
النصيحة الثالثة : و أنت رايح السفارة لازم تكون مذاكر كويس أوي الأماكن السياحية في البلد اللي حتزورها و عارف أسم كام مكان مهم علشان زي ما قولتلك حيسألوك أنت مسافر ليه ؟ فلازم تكون عارف الأماكن السياحية كويس أوي و عامل مخطط بالرحلة بالكامل داخل الدولة دي, ( الحاجات دي بتعجب موظفين السفارة أوي ) و بيتأكدوا أنك مهتم فعلا بالسياحة مش حاجه تانيه.
النصيحة الرابعة: قبل ما تفكر تسافر دول أوروبا ( الشنجن ) , فكر تسافر دول الحصول على فيزتها سكون سهل و كل مت تكون سافرت دول أكثر كل ما بيكون فرصة حصولك على فيزا شنجن أو أمريكا أسهل
دي أهم النصائح اللي ممكن تفيدك في الحصول على الفيزا ان شاء الله بدون مشاكل و دي أهم خطوة في بداية تنظيم الرحلة و حنشرح بعدين أزاي تبدأ تخطط للرحلة بعد حصولك على الفيزا
المرحلة الأصعب في أي رحلة هي ضمان حصولنا على الفيزا لأن دي الحاجه الوحيده اللي مش بايدينا و منقدرش نشتريها بالفلوس , لكن التذاكر و الفنادق و الرحلات كل ده نقدر أحنا ننظمه بأرخص التكاليف . أهم نقطة لازم تعرفها علشان تعرف موظفين السفارات بيفكروا أزاي : هو كل اللي موظف عاوزة أنه يتأكد أنك راجع مصر تاني مش حتسافر و تهرب و أنك تقدر تتكفل بنفسك ماديا و أنك مش خطر على الدولة بس كده. فأنت بالنسبه للموظف شوية أوراق كل ما أوراقك كانت قوية و منظمة ان شاء الله ضمان حصولك على الفيزا أكيد.
في الجزء ده مش حقولكم ايه هي شروط الحصول على الفيزا لكل سفارة لأن كل سفاره لها شروط معينة و لكن حقولكم على بعض الأسرار اللي لازم نعرفها قبل ما نقدم على الفيزا :
حنقسم الفيز للدول لنوعين :
النوع الأول : دول الحصول على الفيزا لا يستغرق أكثر من أسبوع و لا تحتاج الى موعد مسبق للتقديم عليها زي مثلا سنغافورة و تايلاند و تركيا و أغلب دول أسيا .
النوع الثاني : و هو النوع الأصعب و هي فيزا شنجن لدول أوروبا و فيزا أمريكا . و دي بتطلب الحصول على موعد مسبق و تقديم أوراق كتير و ممكن تطول الى شهرين.
الورق المطلوب غالبا في اي سفارة بيكون كالتالي :
HR Letter، ابليكيشن الفيزا ( متوفرة على النت من موقع سفارة الدولة نفسها , تقدر تطبعه بنفسك و تملاه في البيت ) ، صورتين شخصيتين حديثتين ، شهادة تحركات بتطلع من مجمع التحرير بتاخد حوالي ١٨ يوم لو أول مرة تقدم علي فيزا ، حجز الفندق ، حجز الطيران و الباسبور ( يكون صالح على الأقل 6 شهور ) وأخيراً bank statement مختوم لأخر ٣ شهور أو ٦ شهور حسب اللي طالباه السفارة. بالنسبة للنوع الثاني من الفيز زي الشنجن ( بتطلب تأمين سفر سعره في حدود 100 جنيه )
بعض النصائح الذهبية علشان متتغلبش في السفارات :
1. لازم كل الورق يكون مترجم انجليزي من مكتب معتمد
2. يكون عندك في الحساب مبلغ لا يقل عن 10 الاف جنيه ( ممكن نستلفهم من الحاج و نطلع ال bank statement و بعدين نرجعهم تاني )
3. كشف حساب البنك لازم يكون كله بالانجليزي حتى أسمك مافيش فيه و لا كلمة عربي
4. تتأكد من موعد تسليم الورق في السفارة و لو السفاره محتاجه موعد مسبق تدخل على موقعهم على النت و تحدد الموعد المناسب لك .
5. ورقك كله يكون جاهز و مش ناقص أي شيء
6. أعمل جدول قبل ما تروح السفارة و أكتب خط سير رحلتك و فيه أهم الأماكن اللي انت مهتم تزورها ( دي تقدر تنزلها من على النت ) علشان أهم سؤال في اي مقابله : أنت رايح تعمل ايه ؟ فلازم تكون محضر اجابة كويسه : انك نفسك تزور البلد دي من زمان و عاوز أزور فيها كذا و كذا ( النقطة دي مهمة جدا علشان بتأكد لموظف السفارة أنك رايح سياحة فعلا )
نصائح ذهبيه ( لفيزا شنجن ) عن تجربة :
النصيحة الأولى : أوعى تتسرع و تحجز أي حاجه سواء تذكرة طيران أو حجز فندق أو رحلات مهما كانت الأسعار مغرية , لأن لا قدر الله , ممكن الفيزا تترفض و بيكون صعب جدا الغاء حجوزات التذاكر و الفنادق و ممكن تخسر فيهم مبلغ كبير
طيب نعمل ايه و الحاجات دي مطلوبه للتقديم على الفيزا:
بالنسبة لحجز الطيران أمامك طريقتين : الأولى حجز تذكرة سفر قابلة للارجاع بالكامل و بتكون أغلى شوية و لكن بتحميك في حال تم رفض الفيزا .
الطريقة الثانية : أن بعض شركات السياحة ممكن تحجزلك تذكرة مؤقتة بمبلغ بسيط لحد ما تطلع الفيزا و بعدين ممكن تؤكدها أو تحجز تذكرة جديدة .
بخصوص حجز الفندق : أحسن طريقة لحجز فندق بدون دفع و لا مليم أنك تدخل على موقع بوكينج Booking.com و تختار فندق في الدولة اللي انت حتطلع منها الفيزا و يكون الحجز بدون دفع فلوس مقدما ( يعني الدفع عند الوصول ) و الغاءه بيكون مجاني و تحجز الفندق بدون أي فلوس و تطبعه و بكده يكون عندك حجز فندق مؤكد. و بعد ما تطلع الفيزا تلغي الحجز مجانا .
النصيحة التانيه : تطلع الفيزا من أول دولة حتزورها يعني مثال: لو أول دولة حتزورها فرنسا يبقى تطلع الفيزا من سفارة فرنسا و تحجز تذكرة الطيران ذهاب و عودة الى فرنسا و حجز الفندق يبقى طوال الرحلة في فرنسا ( من بوكينج طبعا بدون ما تدفع فلوسه ) , حتى لو بعد ما دخلت فرنسا سافرت كل دول أوروبا مش مشكله , المهم أنك أول دولة دخلتها هي فرنسا و بعدين ممكن ترجع لمصر من أي دولة في أوروبا. و مش شرط أن فرنسا تكون أكثر دولة حتعد فيها و لكن شرط أنها تكون أول دولة تزورها
النصيحة الثالثة : و أنت رايح السفارة لازم تكون مذاكر كويس أوي الأماكن السياحية في البلد اللي حتزورها و عارف أسم كام مكان مهم علشان زي ما قولتلك حيسألوك أنت مسافر ليه ؟ فلازم تكون عارف الأماكن السياحية كويس أوي و عامل مخطط بالرحلة بالكامل داخل الدولة دي, ( الحاجات دي بتعجب موظفين السفارة أوي ) و بيتأكدوا أنك مهتم فعلا بالسياحة مش حاجه تانيه.
النصيحة الرابعة: قبل ما تفكر تسافر دول أوروبا ( الشنجن ) , فكر تسافر دول الحصول على فيزتها سكون سهل و كل مت تكون سافرت دول أكثر كل ما بيكون فرصة حصولك على فيزا شنجن أو أمريكا أسهل
دي أهم النصائح اللي ممكن تفيدك في الحصول على الفيزا ان شاء الله بدون مشاكل و دي أهم خطوة في بداية تنظيم الرحلة و حنشرح بعدين أزاي تبدأ تخطط للرحلة بعد حصولك على الفيزا
