أ
أحمد الحداد
:: مسافر ::
اولا انا عايش في ماليزيا حالياًثانيا في كام لقطة في البوست مش مظبوطة بالظبط زي ١- دائماً اللي بيتكلم عن رحلات ماليزيا بينسى يذكر ان الاكل الماليزي مش بيعجب اي حد .. فهتطر انك تاكل من مطاعم مش شعبية و ده هيزود الكوست عليك٢- اقل غرفة في فندق تقدر تقعد فيه هنا بتكون ب٥٠ رينجيت و بيكون مكان الفندق مش مميز و تقريباً بيكون نجمة او نجمتين بالكتير .. لو انت شاطر شوية هتقدر تلاقي حاجات ممتازة و رخيصة على booking.com لو انت بتظبط الرحلة من قبلها بشوية ساعات بيكون عليه عروض حلوة .. زي تذكرة الطيران ساعات سعرها بينزل جامد و ساعات بتكون في السماء٣- لازم اللي بيتكلم عن رحلات ماليزيا يذكر اسعار تذاكر الدخول للمزارات في اماكن غالية ٤- الامكان المذكورة مش كل ماليزيا ولا حاجة و مش هتبقى لفيت ماليزيا كلها ولا حاجة في على سبيل المثال لا الحصر ولاية ملاقا ممتازة جداً و حلوة جداً و مش بتحتاج وقت كتير علشان تشوفها .. في مثلا ولاية صباح و ولاية ساراواك فيهم سفاري جميل جداً و المحيط هناك رائع و مايته ممتاز و الدايفينج هناك حلو جداً٥- محدش بيذكر حاجة بسيطة زي الحشرات المنتشرة هنا بسبب انتشار الخضار و رطوبة الجو ٦- أخيراً على حسب معلوماتي في اخر قرار لسلطات الإنقلاب ماليزيا دخلت في الدول اللي بتحتاج التصريح الامني المتخلف ده .. و المستثنى منه هم أصحاب الإقامات و المستثمرين و من هم فوق ٤٢ سنة فقط و ممكن حد يسال في النقطة دي و يتاكد
أ
أحمد الحداد
:: مسافر ::
و اخر حاجة خلي بالك مش كل الاكل حلال .. في شهادة للمطاعم اسمها حلال .. لو المطعم معلقها يبقى اكله حلال لو لا يبقي لا .. بعض الصينيين فاكرين ان الحرام في الاكل عندنا الخمرة و لحم الخنزير بس علشان كده ممكن يقولك ان اكله حلال لانه مفيش فيه خمرة او لحم الخنزير .. بس بيكون لحمهم لحمة او فراخ مش مدبوح بالطريقة الإسلامية فيكون حرام برضوخلي بالك في العاصمة في نشاليين فحاجتك تكون متمكن منها كويس طول ما انت بتتمشي في الشارع او في السوقخلي بالكم برضو بعض مراكز المساج بتكون بيوت دعارة فلو هتعمل مساج روح مكان معروف و محترم .. و انا في رايي انه بلاش منه احسن
