T
Travel Secrets
:: مسافر ::
هو ممكن تسافر دولة في جنوب شرق اسيا و تكلفك 400 دولار بس 
!!
تصدق ممكن ,,,, الى كامبوديا
طبعا اول سؤال فين كامبوديا دي؟ كامبوديا بلد من بلاد جنوب شرق آسيا بتعتمد على السياحه بصفه كبيره فى الدخل القومى.
البلد جميله كدا كلها مناظر طبيعيه وشواطئ وروقان واستجمام ورخيصه رخص السنين.بس الحلو ميكملش البلد من بلدان العالم التالت اوى يعنى البنيه التحتيه مفيش والناس مبتكلمش انجليزى اوى الا فالمناطق السياحيه , بس قشطة هتتصرف.
أول حاجة الفيزا !! وخد المفاجأه كامبوديا بلا فيزا للمصرين توصل هناك تدفع 25 دولار عند الوصول وتوريهم انك معاك فلوس وتدخل البلد
تانى حاجة السفر لكمبوديا : للأسف مفيش طيارة مباشرة مصر كامبوديا فالى ممكن تعمله تحجز طيارة كوالالمبور ومن هناك على مدينة (سيم ريب) طيارة مصر كامبوديا 3800 جنيه تقريبا ومن كوالالمبور (air asia) بحوالى 600 جنيه رايح جاى يعنى اجمالى 4400 جنيه ودى هى صدمه الاموال الوحيدة في موضوع السفر الى كمبوديا
وصلنا الحمد لله
هتنزل على مدينة (سيم ريب) فيها حاجة شبه الاهرامات كدا اسمها أنكور وات ankor wat مكان كدا عجيب العجب هتحس انك دخلت عالم السندباد بس سيم ريب نفسها مدينه كبيرة بس مفهاش حاجات كتير تتعمل فهتقعد فيها يومين فى هوتيل لو مسافر لوحدك أو هوستل و حتكون فيه فى اوضه مشتركه مع مثلا 6 افراد طبعا هيبقى كلهم اجانب والحياه حلوة والاوضه نضيفه مش مدينه جامعيه , هيكلفك 5-7 دولار فالليله هما بيتعاملو هناك بالدولار عادى. لو مسافر شهر عسل فهتقعد فى اوضه ودى هتكلفك فى حدود 20-30 دولار.
بعد سيم ريب هتنطلق الى بنوم بنه الى هى العاصمه (*_*) , الصراحه الاوتوبيس نضيف بس بياخد فتره طويله في السفر عشان الطرق جبليه ( المسافه حوالي 317 كم ) بس لو بتعرف تنام فالمواصلات يبقى زى الفل و ده حيكلفك من 6 الى 10 دولار و شامله واي فاي كمان , الطريقة التانيه لو عاوز ترفه عن نفسك بواسطة القارب عبر بحيرة ( تونل ساب ) و ده حيكلفك حوالي 35 دولار بس رحلة لا تنسى
توصل بنوم بنه وتعمل الشوبنج بتاعك هناك لانها رخيصه جدا فى اللبس والالكترونيات. فى هناك بياكلو حشرات وعناكب وحاجات غريبه جدا لو عاوز تجرب :-& , بس لو ملكش فالكلام دا عادى برضو هتلاقى سى فوود وحاجات حلال. بالنسبه للسكن بردو نفس فكرة مدينة سيم ريب.
اجمل حته بقى وبمبونايه كامبوديا هى مدينة (سيهانوك فيل) الى هى مدينه عالشاطئ وفى جزيرة جنبها اسمها كوه رونج الاتنين اجمل من بعض شواطئ روعه جدا والاكل جميل ورخيص بنتكلم انك تاكل باربيكيو فراخ او لحمه او جمبرى على البحر بسلطاطك بباغنوجك ب 3 دولار وتشبع.
المدينه دى الاوتيلات فيها اغلى شويه من سيم ريب وبنوم بنه هتعمل بتاع 30-40 دولار بس الهوستلز برضو بنتكلم فى اقل من 10 دولار لسه.
لو هتروح كوه رونج رحله بكروز يوم كامل ويرجعك اليوم الى بعده ب 20 دولار الى هما ميأجرولكش جيت سكى في الساحل. ولو فجرت بقى واخدت كروز واوبن بوفيه هتدفع 30 دولار تاكل بقى من خيرات الله.
أسعار التوكتوك بين 2 دولار لجولات قصيرة داخل المدينة الى 3 دولار للرحلات الأطول , الجولة من و الى المطار في حدود 7 دولار , الجولة كامله لمدة نص يوم في المدينة ممكن تكلفك 10 دولار بالكثير .
الجو في كامبوديا جميل معظم السنه بس لما بتمطر بتمطر جامد جدا والجو بيبقى حر فنفس الوقت :-& .
التنقل جوا المدينة بالتوكتوك و بين المدن بالباصات , بس توكتوك مفتوح زى العربيات النص نقل كدا بس هتنبسط بالهوا وتحس انك وسط الناس فعلا
لو بتحب الغطس فى هناك اماكن غطس جميله ولو ليك فى تسلق الجبال والمشى برضو ممكن تعمل تركنج هناك.
الرحله من غير الطيران بتكلف فحدود 400-500 دولار للفرد مستريح ومع الشوبنج بتاعك كمان شامل رحلات و سكن و أكل و انتقالات
تجربه حلوة وتستحق بس خليها مع ماليزيا في نفس الرحله عشان تمن التذكره هو اللسعة الحقيقيه فالموضوع غير كدا فاللذيذ
#travel_secrets
شكرا : محمود شاهين
!! تصدق ممكن ,,,, الى كامبوديا
طبعا اول سؤال فين كامبوديا دي؟ كامبوديا بلد من بلاد جنوب شرق آسيا بتعتمد على السياحه بصفه كبيره فى الدخل القومى.
البلد جميله كدا كلها مناظر طبيعيه وشواطئ وروقان واستجمام ورخيصه رخص السنين.بس الحلو ميكملش البلد من بلدان العالم التالت اوى يعنى البنيه التحتيه مفيش والناس مبتكلمش انجليزى اوى الا فالمناطق السياحيه , بس قشطة هتتصرف.
أول حاجة الفيزا !! وخد المفاجأه كامبوديا بلا فيزا للمصرين توصل هناك تدفع 25 دولار عند الوصول وتوريهم انك معاك فلوس وتدخل البلد
تانى حاجة السفر لكمبوديا : للأسف مفيش طيارة مباشرة مصر كامبوديا فالى ممكن تعمله تحجز طيارة كوالالمبور ومن هناك على مدينة (سيم ريب) طيارة مصر كامبوديا 3800 جنيه تقريبا ومن كوالالمبور (air asia) بحوالى 600 جنيه رايح جاى يعنى اجمالى 4400 جنيه ودى هى صدمه الاموال الوحيدة في موضوع السفر الى كمبوديا
وصلنا الحمد لله
هتنزل على مدينة (سيم ريب) فيها حاجة شبه الاهرامات كدا اسمها أنكور وات ankor wat مكان كدا عجيب العجب هتحس انك دخلت عالم السندباد بس سيم ريب نفسها مدينه كبيرة بس مفهاش حاجات كتير تتعمل فهتقعد فيها يومين فى هوتيل لو مسافر لوحدك أو هوستل و حتكون فيه فى اوضه مشتركه مع مثلا 6 افراد طبعا هيبقى كلهم اجانب والحياه حلوة والاوضه نضيفه مش مدينه جامعيه
, هيكلفك 5-7 دولار فالليله هما بيتعاملو هناك بالدولار عادى. لو مسافر شهر عسل فهتقعد فى اوضه ودى هتكلفك فى حدود 20-30 دولار. بعد سيم ريب هتنطلق الى بنوم بنه الى هى العاصمه (*_*) , الصراحه الاوتوبيس نضيف بس بياخد فتره طويله في السفر عشان الطرق جبليه ( المسافه حوالي 317 كم ) بس لو بتعرف تنام فالمواصلات يبقى زى الفل و ده حيكلفك من 6 الى 10 دولار و شامله واي فاي كمان
, الطريقة التانيه لو عاوز ترفه عن نفسك بواسطة القارب عبر بحيرة ( تونل ساب ) و ده حيكلفك حوالي 35 دولار بس رحلة لا تنسى توصل بنوم بنه وتعمل الشوبنج بتاعك هناك لانها رخيصه جدا فى اللبس والالكترونيات. فى هناك بياكلو حشرات وعناكب وحاجات غريبه جدا لو عاوز تجرب :-& , بس لو ملكش فالكلام دا عادى برضو هتلاقى سى فوود وحاجات حلال. بالنسبه للسكن بردو نفس فكرة مدينة سيم ريب.
اجمل حته بقى وبمبونايه كامبوديا هى مدينة (سيهانوك فيل) الى هى مدينه عالشاطئ وفى جزيرة جنبها اسمها كوه رونج الاتنين اجمل من بعض شواطئ روعه جدا والاكل جميل ورخيص بنتكلم انك تاكل باربيكيو فراخ او لحمه او جمبرى على البحر بسلطاطك بباغنوجك ب 3 دولار وتشبع.
المدينه دى الاوتيلات فيها اغلى شويه من سيم ريب وبنوم بنه هتعمل بتاع 30-40 دولار بس الهوستلز برضو بنتكلم فى اقل من 10 دولار لسه.
لو هتروح كوه رونج رحله بكروز يوم كامل ويرجعك اليوم الى بعده ب 20 دولار
الى هما ميأجرولكش جيت سكى في الساحل. ولو فجرت بقى واخدت كروز واوبن بوفيه هتدفع 30 دولار تاكل بقى من خيرات الله. أسعار التوكتوك بين 2 دولار لجولات قصيرة داخل المدينة الى 3 دولار للرحلات الأطول , الجولة من و الى المطار في حدود 7 دولار , الجولة كامله لمدة نص يوم في المدينة ممكن تكلفك 10 دولار بالكثير .
الجو في كامبوديا جميل معظم السنه بس لما بتمطر بتمطر جامد جدا والجو بيبقى حر فنفس الوقت :-& .
التنقل جوا المدينة بالتوكتوك و بين المدن بالباصات , بس توكتوك مفتوح زى العربيات النص نقل كدا بس هتنبسط بالهوا وتحس انك وسط الناس فعلا
لو بتحب الغطس فى هناك اماكن غطس جميله ولو ليك فى تسلق الجبال والمشى برضو ممكن تعمل تركنج هناك.
الرحله من غير الطيران بتكلف فحدود 400-500 دولار للفرد مستريح ومع الشوبنج بتاعك كمان شامل رحلات و سكن و أكل و انتقالات
تجربه حلوة وتستحق بس خليها مع ماليزيا في نفس الرحله عشان تمن التذكره هو اللسعة الحقيقيه فالموضوع غير كدا فاللذيذ
#travel_secrets
شكرا : محمود شاهين