T
Travel Secrets
:: مسافر ::
ازاي اختار الفندق اللي حسكن فيه ؟
بتقابلنا كلنا مشكله اختيار الفندق المثالي لميزانيتنا و ده بسبب تعدد اختيارات الفنادق في كل مدينه , طيب نعمل ايه علشان نختار أنسب فندق ممكن نحجز فيه و يناسب احتياجتنا ؟
أسرار أختيار الفندق الأمثل :
موضوع اختيار مكان الاقامة ليه وجهات نظر متعددة و لكن بالنسبه ليا بفضل الاتي :
مهم أوي قبل ما تفكر حتحجز في أي فندق , نحدد كام نقطه الأول :
• ايه الغرض من الرحلة ؟ هل استجمام و لا بحر و لا شوبنج و لا ثقافة و لا عمل ؟
• هل أنا مسافر لوحدي و لا مع عائله و لا شباب ؟
• البادجت اللي معايا للفندق حيكون كام ؟ ( زي ما اتفقنا في بوست سابق أن الفندق تقريبا 34 % من ميزانيه الرحلة كلها و ممكن تقل كمان لأن البند ده بيكون أمامنا اقتراحات كتير ليه, غير الطيران اللي بتكون اختياراته محدده. )
فأهم حاجه بالترتيب أعرف ايه غرضي من الزيارة أولا, الخطوة التانيه انك تعمل بحث عن احسن منطقة للسكن بالنسبه للسياح في المدينه اللي حتزورها , يعني ايه ؟
• يعني مثلا لو حسافر بوكيت ( تايلاند ) و عاوز حياة ليليه و أنشطة و مطاعم يبقى حسكن في شاطئ الباتونج
• لو حسافر كوالالامبور ( ماليزيا ) و عاوز مكان فيه مجمعات و مطاعم عربيه و سهرات بليل يبقى حسكن في شارع بوكيت بينتانج
• لو مثلا مسافر برشلونه ( أسبانيا ) و عاوز مكان سياحي و جنب البحر و حواليه مطاعم و مواصلات يبقى حسكن جنب شارع الرامبلا
• لو مسافر اسطنبول ( تركيا ) و عاوز مجمعات و حياة ليليه و زحمه يبقى حسكن في ميدان تكسيم , طيب لو عاوز هدوء شويه و أكون بين الحضارة العثمانيه و المساجد و التاريخ يبقى حسكن في منطقة فاتح, طيب لو عاوز شواطئ و بحر و استجمام و منتجعات يبقى حسكن في مدينة ( أنطاليا )
, و هكذا ,,,,
طيب أعرف ازاي أحسن مكان للسكن ؟ لازم نعمل بحث كويس و ده طبعا عن طريق جوجل . كل اللي عليك تكتب ( .......Best place to stay in ) و حيطلعلك أحسن أماكن من وجهة نظر السياح .
طيب حاجه مهمه انا مثلا مسافر مع عائلتي و معايا أطفال , فيه أماكن مثلا لا تصلح لسكن العائلات لأنها ممكن بليل تبقى خطر شويه أو فيها مناظر لا تصلح لأطفال زي مثلا منطقة نانا في بانكوك ( تايلاند )
بعد ما تعرف المكان الأمثل للإقامه بالنسبه لك ,حتبدأ تدور على الفنادق اللي تناسب ميزانيتك , فيه مواقع كتير تقدر تدور فيها زي booking , agoda و غيرهم , و طبعا كل موقع بيقدم اقتراحات و نسبه خصومات معينه
طيب عجبنا صور فندق معين , و عجبنا سعره , و عجبنا موقعه نعرف منين انه فندق مناسب ؟
في الحاله دي حنلجأ لموقع زي TripAdvisor و كل اللي عليك أنك تكتب اسم الفندق و حيجيبلك أراء زوار الفندق و تقييمهم ليه من حيث الخدمات و النظافة و الموقع و غيره و حتقدر كمان تشوف صور تم تصويرها عن طريق الزباين نفسهم و دي بتوضحلك الصورة الحقيقة فعلا للفندق بعيدا عن احتيال بعض الفنادق بصور لا تمثل الحقيقة الفعليه لحالة الفندق.
معلومة مهمه : قبل ما تحجز أي غرفه لازم تعرف نوعها ايه و امكانيتها ايه و ده حتلاقيه مشروح بوضوح في وصف كل غرفة على موقع الحجز . لأن مش كل غرف الفنادق زي بعض و علشان متحجزش غرفه معينه و تفاجئ أنك أخدت غرفه أصغر مثلا أو مش حسب توقعاتك .
طيب ايه مميزات الفندق المثالي بالنسبه ليا ؟
المهم أنه يكون نظيف و مريح و موقعه كويس و جنب المواصلات و سهل الوصول ليه و اهم حاجه انه مناسب لميزانيتي
و لازم تعرف نقطه مهمه You Will Get What You Pay For !!
يعني انت حتحصل على اللي انت دفعت تمنه , فمتتوقعش أنك حتكون حاجز غرفة اقتصاديه في فندق 3 نجوم و سعر الليله 200 جنيه مثلا و حتلاقي مواصفات الغرفه 5 نجوم , اكيد استحاله فخلي دائما توقعاتك على اد ما انت دفعته في الغرفه .
و على فكرة مش شرط فندق 5 نجوم يكون هو الأغلى دائما , فيه فنادق 3 نجوم في مدن معينه أغلى من فنادق 5 نجوم في نفس المدينه و ده بيعتمد مثلا على موقع الفندق و قربه من المواصلات و الخدمات و غيرها , فمتخليش حد يخدعك و يقولك ده فندق 5 نجوم و بعد ما تروح تلاقيه في أخر الدنيا وسط غابه مثلا مافيش حواليه أي حاجه ( و دي خدعة كتير من شركات السياحة بتستخدمها علشان توهمك انها حجزتلك في أحسن شيء Take Care !! )
في النهايه اختيار الفندق مهم ومدى حسن اختياره يكاد يكون من المعايير الأهمّ في الحكم على نجاح الرحلة أو فشله . و لكن ما تخليش اختيار الفندق شغلك الشاغل طوال فترة التحضير للرحلة , و ركز اكتر على تنظيم برنامج رحلاتك السياحية .
أتمنى أن الموضوع يفيدكم و لو عجبكم شير لأصدقائكم علشان الكل يستفيد
by: Bahaa
#travel_secrets
بتقابلنا كلنا مشكله اختيار الفندق المثالي لميزانيتنا و ده بسبب تعدد اختيارات الفنادق في كل مدينه , طيب نعمل ايه علشان نختار أنسب فندق ممكن نحجز فيه و يناسب احتياجتنا ؟
أسرار أختيار الفندق الأمثل :
موضوع اختيار مكان الاقامة ليه وجهات نظر متعددة و لكن بالنسبه ليا بفضل الاتي :
مهم أوي قبل ما تفكر حتحجز في أي فندق , نحدد كام نقطه الأول :
• ايه الغرض من الرحلة ؟ هل استجمام و لا بحر و لا شوبنج و لا ثقافة و لا عمل ؟
• هل أنا مسافر لوحدي و لا مع عائله و لا شباب ؟
• البادجت اللي معايا للفندق حيكون كام ؟ ( زي ما اتفقنا في بوست سابق أن الفندق تقريبا 34 % من ميزانيه الرحلة كلها و ممكن تقل كمان لأن البند ده بيكون أمامنا اقتراحات كتير ليه, غير الطيران اللي بتكون اختياراته محدده. )
فأهم حاجه بالترتيب أعرف ايه غرضي من الزيارة أولا, الخطوة التانيه انك تعمل بحث عن احسن منطقة للسكن بالنسبه للسياح في المدينه اللي حتزورها , يعني ايه ؟
• يعني مثلا لو حسافر بوكيت ( تايلاند ) و عاوز حياة ليليه و أنشطة و مطاعم يبقى حسكن في شاطئ الباتونج
• لو حسافر كوالالامبور ( ماليزيا ) و عاوز مكان فيه مجمعات و مطاعم عربيه و سهرات بليل يبقى حسكن في شارع بوكيت بينتانج
• لو مثلا مسافر برشلونه ( أسبانيا ) و عاوز مكان سياحي و جنب البحر و حواليه مطاعم و مواصلات يبقى حسكن جنب شارع الرامبلا
• لو مسافر اسطنبول ( تركيا ) و عاوز مجمعات و حياة ليليه و زحمه يبقى حسكن في ميدان تكسيم , طيب لو عاوز هدوء شويه و أكون بين الحضارة العثمانيه و المساجد و التاريخ يبقى حسكن في منطقة فاتح, طيب لو عاوز شواطئ و بحر و استجمام و منتجعات يبقى حسكن في مدينة ( أنطاليا )
, و هكذا ,,,,
طيب أعرف ازاي أحسن مكان للسكن ؟ لازم نعمل بحث كويس و ده طبعا عن طريق جوجل . كل اللي عليك تكتب ( .......Best place to stay in ) و حيطلعلك أحسن أماكن من وجهة نظر السياح .
طيب حاجه مهمه انا مثلا مسافر مع عائلتي و معايا أطفال , فيه أماكن مثلا لا تصلح لسكن العائلات لأنها ممكن بليل تبقى خطر شويه أو فيها مناظر لا تصلح لأطفال زي مثلا منطقة نانا في بانكوك ( تايلاند )
بعد ما تعرف المكان الأمثل للإقامه بالنسبه لك ,حتبدأ تدور على الفنادق اللي تناسب ميزانيتك , فيه مواقع كتير تقدر تدور فيها زي booking , agoda و غيرهم , و طبعا كل موقع بيقدم اقتراحات و نسبه خصومات معينه
طيب عجبنا صور فندق معين , و عجبنا سعره , و عجبنا موقعه نعرف منين انه فندق مناسب ؟
في الحاله دي حنلجأ لموقع زي TripAdvisor و كل اللي عليك أنك تكتب اسم الفندق و حيجيبلك أراء زوار الفندق و تقييمهم ليه من حيث الخدمات و النظافة و الموقع و غيره و حتقدر كمان تشوف صور تم تصويرها عن طريق الزباين نفسهم و دي بتوضحلك الصورة الحقيقة فعلا للفندق بعيدا عن احتيال بعض الفنادق بصور لا تمثل الحقيقة الفعليه لحالة الفندق.
معلومة مهمه : قبل ما تحجز أي غرفه لازم تعرف نوعها ايه و امكانيتها ايه و ده حتلاقيه مشروح بوضوح في وصف كل غرفة على موقع الحجز . لأن مش كل غرف الفنادق زي بعض و علشان متحجزش غرفه معينه و تفاجئ أنك أخدت غرفه أصغر مثلا أو مش حسب توقعاتك .
طيب ايه مميزات الفندق المثالي بالنسبه ليا ؟
المهم أنه يكون نظيف و مريح و موقعه كويس و جنب المواصلات و سهل الوصول ليه و اهم حاجه انه مناسب لميزانيتي
و لازم تعرف نقطه مهمه You Will Get What You Pay For !!
يعني انت حتحصل على اللي انت دفعت تمنه , فمتتوقعش أنك حتكون حاجز غرفة اقتصاديه في فندق 3 نجوم و سعر الليله 200 جنيه مثلا و حتلاقي مواصفات الغرفه 5 نجوم , اكيد استحاله
فخلي دائما توقعاتك على اد ما انت دفعته في الغرفه .و على فكرة مش شرط فندق 5 نجوم يكون هو الأغلى دائما , فيه فنادق 3 نجوم في مدن معينه أغلى من فنادق 5 نجوم في نفس المدينه و ده بيعتمد مثلا على موقع الفندق و قربه من المواصلات و الخدمات و غيرها , فمتخليش حد يخدعك و يقولك ده فندق 5 نجوم و بعد ما تروح تلاقيه في أخر الدنيا وسط غابه مثلا مافيش حواليه أي حاجه ( و دي خدعة كتير من شركات السياحة بتستخدمها علشان توهمك انها حجزتلك في أحسن شيء Take Care !! )
في النهايه اختيار الفندق مهم ومدى حسن اختياره يكاد يكون من المعايير الأهمّ في الحكم على نجاح الرحلة أو فشله . و لكن ما تخليش اختيار الفندق شغلك الشاغل طوال فترة التحضير للرحلة , و ركز اكتر على تنظيم برنامج رحلاتك السياحية .
أتمنى أن الموضوع يفيدكم و لو عجبكم شير لأصدقائكم علشان الكل يستفيد
by: Bahaa
#travel_secrets