T
Travel Secrets
:: مسافر ::
أوعى تسافر تايلاند قبل ما تقرا الموضوع ده 
أغلبنا بيحلم يسافر تايلاند , اما في شهر عسل أو رحلة شبابيه , لكن دي بعض نصائح مهمه جدا لازم تعرفها قبل ما تسافر تايلاند
أسرار السفر لتايلاند ( الجزء الأول ) :
1- اذا اتعرضت لمضايقات كبر دماغك و طنش, مع العلم ان الشعب التايلاندي من أكتر الشعوب المسالمة في العالم
2- بالنسبه للشوبنج : ماتفاصلش في السعر لو معندكش نية انك تشتري , و في نفس الوقت لو لاقيت حاجه مش مكتوب عليها سعر فاصل للقاع ( يعني نزل من 50- 80 % على الأقل ) و بعد ما تقوله أخرك سيبه و أمشي لو السعر مناسب حيناديلك تاني .
3- حاول تتجنب ركوب التوك توك في بانكوك - و لكن في بوكيت عادي و لكن اتفق على السعر قبل الركوب, و لو قالك حوديك المطعم الفلاني و لا المساج العلاني , أعرف أن حيتم استغلالك أحسن استغلال في المكان ده
4-اذا ركبت تاكسي اتأكد انه يشغل العداد (علشان تاخد أحسن سعر) او على الأقل اتفق معاه على السعر قبل ما تركب (علشان محدش يغشك )
5-اذا نزلت من التاكسي أتأكد من أن كل حاجتك معاك و الأحسن لا تأخذ معاك في الشارع أي ممتلكات قيمة ككروت البنك أو البطاقات أو جواز السفر و خلي كل ده في خزنة الغرفة . و لو بنت متخدش معاها أي دهب في السفر
6-لا تسخر من ملك تايلند او اصنامهم و دي حتلاقيها في كل مكان في الشارع – ( الموضوع ده مهم جدا ) و اذا حبيت تتصور مع راهب ( اللي بيلبس برتقاني ده ) استئذن قبل ما تصوره.
7-نصيحه اشتري شريحه اتصال وفيها انترنت – على فكرة رخيصه جدا , و ممكن تشتريها من المطار ( بس اتأكد ان الموظف يشغلهالك و انت بتشتريها )
8-بالنسبه لتحويل الفلوس : قبل ما تسافر من مصر حول معاك جزء من المبلغ ( بات تايلاندي ) يعني حوالي ربع المبلغ , و الباقي خليه دولارات , و حتلاقي هناك محلات صرافه كتير جدا . حول منها على اد صرفك , يعني متحولش كل فلوسك تايلاندي أول ما توصل. لو اتزنقت ممكن تسحب بكارت البنك المصري من أي بنك في تايلاند و لكن بياخدوا عموله على كل عملية سحب , فحاول تاخد ما يكفيك من فلوسك كاش.
9- الشراء بالفيزا أو الماستر أمن جدا و لكن حاول تستخدمها على نطاق ضيق في المحلات المعروفة فقط و حاول تحط ستيكر على ال3 أرقام اللي ورا الكارت (CCV) .
10-اذا اجرت موتوسيكل او سياره مع تأمين - شركه التأمين لن تأمن لك اذا ما عندكش رخصة تايلنديه - فإذا عملت حادث (لا سمح الله ) انت اللي حتدفع كل شي (فخلي بالك محدش يضحك عليك و يقولك دي متأمن عليها)
11- نصيحة أوعى تحت أي اغراءات أنك تؤجر جيت سكي من أي مكان في تايلاند ( و لو ببلاش ) لأن أغلبهم حيقولك أنت خربته أو كسرته و حيخليك تدفع اللي وراك و اللي أدامك.
10 – خلي بالك من العروض اللي اسمها ( بينج بونج شو ) : حتلاقي ناس بتقولك العرض مجانا و ادخل و مش حتندم , بس لو دخلت لازم تطلب و ازازة السفن حتلاقي سعرها 250 جنيه على الأقل , فالأحسن تجنب الأماكن دي .
و مع ذلك تايلاند من الدول السياحية الاًمنه جدا و المحبة للسياح لأن السياحة في تايلاند هي أهم مصادر الدخل للدولة , و لكن في كل دولة زي ما فيها الحلو فيها الوحش . فخليك حويط و أعرف الوحش علشان تاخد الحلو بس .
البوست الجاي تكملة ( الجزء التاني ) لنصائح مهمه جدا لازم تعرفها قبل ما تسافر تايلاند.
لو عجبك الموضوع لايك و شير علشان الكل يستفيد .
By: Bahaa
#travel_secrets
أغلبنا بيحلم يسافر تايلاند , اما في شهر عسل أو رحلة شبابيه , لكن دي بعض نصائح مهمه جدا لازم تعرفها قبل ما تسافر تايلاند
أسرار السفر لتايلاند ( الجزء الأول ) :
1- اذا اتعرضت لمضايقات كبر دماغك و طنش, مع العلم ان الشعب التايلاندي من أكتر الشعوب المسالمة في العالم
2- بالنسبه للشوبنج : ماتفاصلش في السعر لو معندكش نية انك تشتري , و في نفس الوقت لو لاقيت حاجه مش مكتوب عليها سعر فاصل للقاع ( يعني نزل من 50- 80 % على الأقل ) و بعد ما تقوله أخرك سيبه و أمشي لو السعر مناسب حيناديلك تاني .
3- حاول تتجنب ركوب التوك توك في بانكوك - و لكن في بوكيت عادي و لكن اتفق على السعر قبل الركوب, و لو قالك حوديك المطعم الفلاني و لا المساج العلاني , أعرف أن حيتم استغلالك أحسن استغلال في المكان ده
4-اذا ركبت تاكسي اتأكد انه يشغل العداد (علشان تاخد أحسن سعر) او على الأقل اتفق معاه على السعر قبل ما تركب (علشان محدش يغشك )
5-اذا نزلت من التاكسي أتأكد من أن كل حاجتك معاك و الأحسن لا تأخذ معاك في الشارع أي ممتلكات قيمة ككروت البنك أو البطاقات أو جواز السفر و خلي كل ده في خزنة الغرفة . و لو بنت متخدش معاها أي دهب في السفر
6-لا تسخر من ملك تايلند او اصنامهم و دي حتلاقيها في كل مكان في الشارع – ( الموضوع ده مهم جدا ) و اذا حبيت تتصور مع راهب ( اللي بيلبس برتقاني ده ) استئذن قبل ما تصوره.
7-نصيحه اشتري شريحه اتصال وفيها انترنت – على فكرة رخيصه جدا , و ممكن تشتريها من المطار ( بس اتأكد ان الموظف يشغلهالك و انت بتشتريها )
8-بالنسبه لتحويل الفلوس : قبل ما تسافر من مصر حول معاك جزء من المبلغ ( بات تايلاندي ) يعني حوالي ربع المبلغ , و الباقي خليه دولارات , و حتلاقي هناك محلات صرافه كتير جدا . حول منها على اد صرفك , يعني متحولش كل فلوسك تايلاندي أول ما توصل. لو اتزنقت ممكن تسحب بكارت البنك المصري من أي بنك في تايلاند و لكن بياخدوا عموله على كل عملية سحب , فحاول تاخد ما يكفيك من فلوسك كاش.
9- الشراء بالفيزا أو الماستر أمن جدا و لكن حاول تستخدمها على نطاق ضيق في المحلات المعروفة فقط و حاول تحط ستيكر على ال3 أرقام اللي ورا الكارت (CCV) .
10-اذا اجرت موتوسيكل او سياره مع تأمين - شركه التأمين لن تأمن لك اذا ما عندكش رخصة تايلنديه - فإذا عملت حادث (لا سمح الله ) انت اللي حتدفع كل شي (فخلي بالك محدش يضحك عليك و يقولك دي متأمن عليها)
11- نصيحة أوعى تحت أي اغراءات أنك تؤجر جيت سكي من أي مكان في تايلاند ( و لو ببلاش ) لأن أغلبهم حيقولك أنت خربته أو كسرته و حيخليك تدفع اللي وراك و اللي أدامك.
10 – خلي بالك من العروض اللي اسمها ( بينج بونج شو ) : حتلاقي ناس بتقولك العرض مجانا و ادخل و مش حتندم , بس لو دخلت لازم تطلب و ازازة السفن حتلاقي سعرها 250 جنيه على الأقل , فالأحسن تجنب الأماكن دي .
و مع ذلك تايلاند من الدول السياحية الاًمنه جدا و المحبة للسياح لأن السياحة في تايلاند هي أهم مصادر الدخل للدولة , و لكن في كل دولة زي ما فيها الحلو فيها الوحش . فخليك حويط و أعرف الوحش علشان تاخد الحلو بس .
البوست الجاي تكملة ( الجزء التاني ) لنصائح مهمه جدا لازم تعرفها قبل ما تسافر تايلاند.
لو عجبك الموضوع لايك و شير علشان الكل يستفيد .
By: Bahaa
#travel_secrets