T
Travel Secrets
:: مسافر ::
الوجه الأخر لتايلاند : (الجزء الثاني)
تكملة للبوست السابق , دي بعض النصائح اللي اتمنى من الجميع توخي الحذر منها في تايلاند , و مش شرط ذكرها أنها تكون بتحصل للجميع, و لكن دي نصائح لو عرفتها حتضمن ان شاء الله رحلة بلا مشاكل لبلاد السحر و العحائب ( تايلاند )
أسرار تايلاند ( الجزء الثاني ) :
1- خلي بالك مش كل الأماكن تنفع للعوائل المحافظة في تايلاند, و خاصة في مدينه زي باتيا مثلا و بعض الشوارع في بانكوك و بوكيت , أسأل الأول و أتأكد اذا كانت المنطقه اللي حتسكن فيها تصلح للعائلات أو لأ .
2- احذر من الاشخاص الي موجودين خاصة بالقرب من محلات الصرافة والبنوك و يجي يسألك أسئلة غريبه واستفسارات مثلا( بكم غيرت الدولار ؟ أو خليني اشوف الدولارات اللي معاك ! او هناك اصدارات جديد للبات ارني ما لديك وغيرها من اسئلة ) حاول ما تسمعهمش و ابتعد عنهم فورا لأن أغلبهم حراميه و بيمتازو بخفة اليد و ممكن يسرقوك بدون ما تحس.
3- و أنت ماشي في شارع البنجلا مثلا في بوكيت أو شارع الووكنج ستريت في باتيا حتلاقي ( بنات ليدي بوي ) لابسين ملابس استعراضية ملفته و بينادوك تتصور معاهم , لو اتصورت معاهم أعمل حسابك تدفع حوالي 50 جنيه في الصورة D: , مرفق : صورة ليا معاهم , و أيوه دفعت طبعا ههههههه
4- متحجزش رحلات سياحيه و خاصة في بوكيت من الاشخاص اللي في الشارع بدون مكتب سياحي, لأنهم حيحاولوا يغروك بأسعار رخيصه للرحلات و لكن للأسف بتكون رحلات سيئة و خدماتها سيئة جدا و ساعات كتير ممكن الرحلة تتلغي أو السواق ميجيش في الموعد , لك أن تعلم أن مثلا رحلة زي جزيرة جيمس بوند بتنظمها أكتر من 20 شركة سياحه و بتطلع بأكتر من طريقة و كل رحلة لها سعر , فلا تغتر برخص سعر رحلة و في الاخر تطلع رحلة سكه , في الأول و الاخر أنت دافع فلوس كتير علشان تطلع تتبسط و تشوف و تجرب حاجات جديده ممكن جدا متتكررش مره تانيه , فلما تعملها يبقى لازم تعملها صح و خاصة لو كنت في شهر عسل, فحاول دائما الحجز من شركات مضمونة أو مجربة
5- تحذير للبنات الا بيتمشوا في الاسواق الشعبيه والشوارع في جميع مناطق تايلند وشايلين شنط يدويه او علي الكتف, ممكن يتعرضوا للسرقه عن طريق اشخاص يكونوا راكبين موتوسيكلات ويخطفون الشنطه بسرعه , حاولوا دايما متشلوش فلوس كتير و لا حاجات مهمه في الشنط اليدويه
6 – في الجزر زي بي بي و كورال و رايا و غيرها خلي بالك من القرود , لأنهم حراميه ولاد قرود ههههههه , بيكونوا منتشرين جدا على الجزر و بتلاقيهم بتنططوا بين الأشجار عادي . و بيلفت نظرهم اي حاجه بتلمع أو كاميرات أو موبيلات . وممكن يخطفوها منك
, فيه قرد خطف موبيل واحد أدام عيني و هرب بيه داخل الجزيرة
7 - البضاعه في شارع العرب منطقة (نانا) خمس اضعاف سعرها في الاسواق والمجمعات المعروفه زي ( MBK ) مثلا في بانكوك , و أنصح بالشراء من المجمعات أو من سوق الأحد شاتو شاك لأن أسعاره ممتازة و تجد فيها كل ما يخطر في بالك
8 - لمحبين الماركات الاصلية والتسوق في المولات ، الاسعار اكثر من مصر بسبب الضرائب المضافه الى قيمة السلعه الاصلية ( حقيقة غير قابلة للنقاش)
9 - في محلات المجوهرات ، احرص على اخذ شهادة توثق انه الذهب اصلي مع الفاتورة لضمان انه الذهب غير مخلوط بمعادن اخرى.
10 - في تايلاند عموما احذر من المتسكعين اللي يعرضوا عليك مادة غريبه ، لانه يكون كمين من الشرطة لصيد المغفلين . و نصيحه مهمه : تايلاند كل شيء فيها مباح الا المخدرات و عقوبة تعاطيه أو شراءه ممكن تصل لسجن مؤبد و في تايلاند صارمين جدا في الموضوع ده ( احترسوا يا شباب )
11 - لا تدخل معك اكثر من 12 علبة سيجارة في المطار لان ممكن تواجه غرامه مالية كبيره تفسد رحلتك كلها .
12- المتحولين جنسيا ( الليدي بوي ) لا تحتك ولا تتحرش بيهم لانهم اغلبهم يتواجدون بشكل عصابات و فيه ناس بتحميهم. و لو حتصورهم لازم تستأذنهم , و لو شافك بتصوره أو بتصورها بدون اذن ممكن يضايقوك أو يقولك أدفع فلوس تمن الصورة دي.
13- متشتريش أجهزة كهربائيه من تايلاند لأن مش حيكون عليها كفاله في مصر.
14- ايجار الموتوسيكل في اليوم ممكن يوصل 75 جنيه بس و لكن لو مش لابس خوذه ممكن تدفع 300 جنيه غرامة
15- طبعا خلي بالك مش كل الأكل حلال , و لكن يفضل أنك تسأل أي مطعم اذا كان بيقدم اكلات حلال أو لأ
و مع كل النصائح دي , انا سافرت تايلاند أكتر من مره و الحمد لله لم أتعرض لأي مضايقات أو مشاكل لأن أهل البلد في منتهى الروعه و طيبين جدا , و مساعدين لأبعد الحدود بلي يقدروا عليه, و مافيش مكان تدخله الا لما تلاقيه بيبتسم في وشك . و مش حتلاقي حد بيطلب منك بقشيش بالعافيه , و لو انت اديتله , بيبقى كرم منك و تقدير على مجهوده , و بيعد ينحنيلك و يشكرك 10 دقايق
فمحدش يخاف من زيارة تايلاند لأنها تجربة فريدة من نوعها بحلوها و مرها, و اعتقد المعلومه دي اللي زار تايلاند حيكون فاهمها , تايلاند بالفعل ( ادماااااااان )
By: Bahaa
#travel_secrets
تكملة للبوست السابق , دي بعض النصائح اللي اتمنى من الجميع توخي الحذر منها في تايلاند , و مش شرط ذكرها أنها تكون بتحصل للجميع, و لكن دي نصائح لو عرفتها حتضمن ان شاء الله رحلة بلا مشاكل لبلاد السحر و العحائب ( تايلاند )
أسرار تايلاند ( الجزء الثاني ) :
1- خلي بالك مش كل الأماكن تنفع للعوائل المحافظة في تايلاند, و خاصة في مدينه زي باتيا مثلا و بعض الشوارع في بانكوك و بوكيت , أسأل الأول و أتأكد اذا كانت المنطقه اللي حتسكن فيها تصلح للعائلات أو لأ .
2- احذر من الاشخاص الي موجودين خاصة بالقرب من محلات الصرافة والبنوك و يجي يسألك أسئلة غريبه واستفسارات مثلا( بكم غيرت الدولار ؟ أو خليني اشوف الدولارات اللي معاك ! او هناك اصدارات جديد للبات ارني ما لديك وغيرها من اسئلة ) حاول ما تسمعهمش و ابتعد عنهم فورا لأن أغلبهم حراميه و بيمتازو بخفة اليد و ممكن يسرقوك بدون ما تحس.
3- و أنت ماشي في شارع البنجلا مثلا في بوكيت أو شارع الووكنج ستريت في باتيا حتلاقي ( بنات ليدي بوي ) لابسين ملابس استعراضية ملفته و بينادوك تتصور معاهم , لو اتصورت معاهم أعمل حسابك تدفع حوالي 50 جنيه في الصورة D: , مرفق : صورة ليا معاهم , و أيوه دفعت طبعا ههههههه
4- متحجزش رحلات سياحيه و خاصة في بوكيت من الاشخاص اللي في الشارع بدون مكتب سياحي, لأنهم حيحاولوا يغروك بأسعار رخيصه للرحلات و لكن للأسف بتكون رحلات سيئة و خدماتها سيئة جدا و ساعات كتير ممكن الرحلة تتلغي أو السواق ميجيش في الموعد , لك أن تعلم أن مثلا رحلة زي جزيرة جيمس بوند بتنظمها أكتر من 20 شركة سياحه و بتطلع بأكتر من طريقة و كل رحلة لها سعر , فلا تغتر برخص سعر رحلة و في الاخر تطلع رحلة سكه , في الأول و الاخر أنت دافع فلوس كتير علشان تطلع تتبسط و تشوف و تجرب حاجات جديده ممكن جدا متتكررش مره تانيه , فلما تعملها يبقى لازم تعملها صح و خاصة لو كنت في شهر عسل, فحاول دائما الحجز من شركات مضمونة أو مجربة
5- تحذير للبنات الا بيتمشوا في الاسواق الشعبيه والشوارع في جميع مناطق تايلند وشايلين شنط يدويه او علي الكتف, ممكن يتعرضوا للسرقه عن طريق اشخاص يكونوا راكبين موتوسيكلات ويخطفون الشنطه بسرعه , حاولوا دايما متشلوش فلوس كتير و لا حاجات مهمه في الشنط اليدويه
6 – في الجزر زي بي بي و كورال و رايا و غيرها خلي بالك من القرود , لأنهم حراميه ولاد قرود ههههههه , بيكونوا منتشرين جدا على الجزر و بتلاقيهم بتنططوا بين الأشجار عادي . و بيلفت نظرهم اي حاجه بتلمع أو كاميرات أو موبيلات . وممكن يخطفوها منك
, فيه قرد خطف موبيل واحد أدام عيني و هرب بيه داخل الجزيرة 7 - البضاعه في شارع العرب منطقة (نانا) خمس اضعاف سعرها في الاسواق والمجمعات المعروفه زي ( MBK ) مثلا في بانكوك , و أنصح بالشراء من المجمعات أو من سوق الأحد شاتو شاك لأن أسعاره ممتازة و تجد فيها كل ما يخطر في بالك
8 - لمحبين الماركات الاصلية والتسوق في المولات ، الاسعار اكثر من مصر بسبب الضرائب المضافه الى قيمة السلعه الاصلية ( حقيقة غير قابلة للنقاش)
9 - في محلات المجوهرات ، احرص على اخذ شهادة توثق انه الذهب اصلي مع الفاتورة لضمان انه الذهب غير مخلوط بمعادن اخرى.
10 - في تايلاند عموما احذر من المتسكعين اللي يعرضوا عليك مادة غريبه ، لانه يكون كمين من الشرطة لصيد المغفلين . و نصيحه مهمه : تايلاند كل شيء فيها مباح الا المخدرات و عقوبة تعاطيه أو شراءه ممكن تصل لسجن مؤبد و في تايلاند صارمين جدا في الموضوع ده ( احترسوا يا شباب )
11 - لا تدخل معك اكثر من 12 علبة سيجارة في المطار لان ممكن تواجه غرامه مالية كبيره تفسد رحلتك كلها .
12- المتحولين جنسيا ( الليدي بوي ) لا تحتك ولا تتحرش بيهم لانهم اغلبهم يتواجدون بشكل عصابات و فيه ناس بتحميهم. و لو حتصورهم لازم تستأذنهم , و لو شافك بتصوره أو بتصورها
بدون اذن ممكن يضايقوك أو يقولك أدفع فلوس تمن الصورة دي. 13- متشتريش أجهزة كهربائيه من تايلاند لأن مش حيكون عليها كفاله في مصر.
14- ايجار الموتوسيكل في اليوم ممكن يوصل 75 جنيه بس و لكن لو مش لابس خوذه ممكن تدفع 300 جنيه غرامة
15- طبعا خلي بالك مش كل الأكل حلال , و لكن يفضل أنك تسأل أي مطعم اذا كان بيقدم اكلات حلال أو لأ
و مع كل النصائح دي , انا سافرت تايلاند أكتر من مره و الحمد لله لم أتعرض لأي مضايقات أو مشاكل لأن أهل البلد في منتهى الروعه و طيبين جدا , و مساعدين لأبعد الحدود بلي يقدروا عليه, و مافيش مكان تدخله الا لما تلاقيه بيبتسم في وشك . و مش حتلاقي حد بيطلب منك بقشيش بالعافيه , و لو انت اديتله , بيبقى كرم منك و تقدير على مجهوده , و بيعد ينحنيلك و يشكرك 10 دقايق
فمحدش يخاف من زيارة تايلاند لأنها تجربة فريدة من نوعها بحلوها و مرها, و اعتقد المعلومه دي اللي زار تايلاند حيكون فاهمها , تايلاند بالفعل ( ادماااااااان )
By: Bahaa
#travel_secrets