T
Travel Secrets
:: مسافر ::
معاك 5000 جنيه و عاوز تسافر من بكره تتفسح في بلد بره مصر!!! 
معضلة الفيزا بتقابل ناس كتير فينا , و لكن تصدق أنك ممكن و من بكره تسافر لدول بدون و لا ورق و لا فيزا و لا اجراءات و كمان تتفسح و تشوف ثقافات جديدة و كل ده مش حيكلفك أكتر من 5 الى 7 ألاف جنيه شامله كل حاجه !
تعالى أقولك ازاي
كلنا عارفين طبعا أن فيه بعض الدول ممكن ندخلها كمصريين بدون فيزا و لكن أغلبها بعيد جدا و تذكرة الطيران لوحدها تكلف ثروة
, لكن فيه دول جنبنا و تذكرتها رخيصة ممكن نسافر لها و ننبسط و كمان ما ندفعش كتير .
1- ايه رأيك تزور البتراء و تعوم في البحر الميت و تزور وادي رم اللي اتصور فيه فيلم The Martian , يبقى يلا بينا الى ( الأردن ) :
حاجات كتير بتخلي الأردن من الدول اللي تستحق الزيارة , كفاية انك تزور البتراء و تشوف التاريخ ده متمثل أمامك , تزور جرش و تتفرج على الأثار الرومانية , تروح تشوف كهف ( أهل الكهف ) , و لو بتحب المغامرات و الطبيعه متفوتش زيارة وادي موجب , تقدر فيه تتسلق الجبال و حتشوف أنهار و شلالات و الصراحه تجربة من تجارب العمر , و بليل بقى ممكن تتمشى في شوارع الأردن , و تعد في الكافيهات المنتشره في كل مكان و تستمتع بعالم الاندرجراوند.
الحمد لله أنك تقدر تشوف الجمال ده كله بدون فيزا
طيب حتكلف كام ؟؟ تذكرة الطيران للاردن من الاسكندرية على طيران العربيه بحوالي 2300 جنيه , و ممكن تسكن في هوستل , و منتشرين جدا في الأردن و سعر الليله مش بيزيد عن 70 جنيه, يعني لو قعدت 5 ليالي بحوالي 350 جنيه , يعني طيران و سكن مش حيكلفك أكتر 2600 جنيه و كمان زيهم تظبط بيهم نفسك , يعني 5000 جنيه يروقوك في الأردن بلد الحضارة و الثقافه و التاريخ
2- طيب فكرت تدخل مغارة جعيتا و تزور معبد بعلبك , و بليل تسهر أحلى سهرات في بيروت يبقى بينا على ( لبنان ):
طبعا فيه أسباب كتير تقنعك أنك تزور بيروت بلد الفن و الجمال و فيروز و هيفاء وهبي , تطلع الصبح تفطر فتوش و تبولة و سمبوسه أمام صخرة الروشة و بليل تسهر في السوليدير , و يوم تاني تروح تزور أثار بعلبك العظيمة و معبد جوبيتر و بليل تزور قصر بيت الدين , و لو بتحب الجبال و الطبيعه و الهواء العليل و نفسك تتفرج على جبال الأرز ايه رأيك تطلع على إهدن و دي من أجمل المنتجعات الجبلية في لبنان.
حلو أوي الكلام ده طيب انا محتاج ايه ؟ كل اللي انت محتاجه تذكرة سفر ذهاب و عودة و حجز فندق و 20 دولار للفيزا
ملحوظه : ( من متطلبات الفيزا أن يكون معاك 2000 دولار كاش أو شيك مصرفي بنفس المبلغ و انت داخل المطار , طبعا مش شرط انك تصرفهم كلهم في لبنان )
تذكرة طيران لبيروت على مصر للطيران الشهر الجاي سعرها 1850 جنيه و فيه فندق لطيف اسمه Embassy Hotel و ده 3 نجوم , الغرفه الدبل سعرها لمدة 4 ليالي 1500 جنيه يعني الفرد يكلف 750 جنيه , و طبعا في اختيارات كتير في حدود السعر ده بردو, يعني كده طيرانك و سكنك حيتكلف 2600 جنيه و زيهم تشبرق نفسك بيهم في بيروت
3- بتحب الحيوانات و نفسك تعيش حياة سفاري أفريقيا و تتفرج على الحيوانات في بيئتها الطبيعية و تشوف بلد تيمون و بومبا , هيا بنا الى ( كينيا )
طبعا صعب أنك تكون فكرت تسافر كينيا قبل كده , و لكن أحب أقولك أن كينيا من اجمل دول أفريقيا و أغناها بالمناظر الطبيعية الخلابة و الحيوانات و طبعا جبل كاليمينجارو و هو رابع أطول جبل في العالم .
طيب و حنعمل ايه في كينيا ؟؟
مبدئيا لازم تعمل سفاري و أنصحك طبعا بالمنتزه الأشهر ( أمبوسيلي ), و ده حيعيشك بجد جوه فيلم ( أفريكانو ) حتشوف فيه الأسود و الغزلان و الأفيال و كل حيوانات أفريقيا , و ممكن تركب مركب في بحيرة نيفاشا ( دي لوحدها بيعيش فيها حوالي 350 نوع من الطيور ) و تتفرج على فرس النهر و الغزلان و الزرافات و هي عايشه بكل سلام , و في الطريق تعدي على وادي الريفت العظيم ,
و لو مدمن ناشيونال جيوجرافيك يبقى لازم تزور محمية الماسي مارا , و دي اتصور فيها أفلام وثائقيه كتير لأنها بتشتهر بالهجرة العظيمة للوايلدبيست وهجوم التماسيح عليها أثناء عبورها للنهر وهجوم السباع عليها خلال طريق هجرتها, و ممكن كمان تركب منطاد و تتفرج على سهول السافانا الشاسعه , و تزور بحيرة توركانا و مدينة لامو, الصراحة تجربة مختلفة بكل المقاييس.
بالنسبه للفيزا : كينيا مش محتاجه أي أوراق , بتدفع فقط 50 دولار تمن الفيزا للمطار و تقدر تعد فيها لحد 90 يوم
طيب و التكلفة ؟
التذكره لكينيا من القاهره في حدود 3000 جنيه , و تجربة السكن هناك مختلفة , حاول أنك تفكر بره الصندوق و تعيش حياة مختلفه يعني ممكن تنام في مخيم على بحيرة و دي حتكلف في اليوم حوالي 70 جنيه أو تسكن في هوستل و ده ممكن يكلفك في حدود 100 جنيه في اليوم بالافطار . يعني 5 ليالي ممكن تكلفك 500 جنيه , يعني طيرانك و سكنك في حدود 3500 جنيه , و اطمن كينيا بلد رخيصه بالذات لو حتسافر مع أصحابك و تتقاسموا في سعر العربيه الجيب اللي حتعمل بيكم سفاري.
البوست الجاي ان شاء الله حنكمل البلاد اللي تقدر تسافرها من تاني يوم و على فكره أطمنوا الليسته لسه طويله و فيها اختيارات كتير جدا .
أتمنى أنكم تكونوا استفدتوا من البوست و خلاكم تفكروا بره الصندوق شوية و تعرفوا أن الموضوع سهل و بسيط و مش مكلف , بس محتاج جرأة و مغامرة و فكر مختلف للتغيير.
By: Bahaa
#travel_secrets
معضلة الفيزا بتقابل ناس كتير فينا , و لكن تصدق أنك ممكن و من بكره تسافر لدول بدون و لا ورق و لا فيزا و لا اجراءات و كمان تتفسح و تشوف ثقافات جديدة و كل ده مش حيكلفك أكتر من 5 الى 7 ألاف جنيه شامله كل حاجه !
تعالى أقولك ازاي
كلنا عارفين طبعا أن فيه بعض الدول ممكن ندخلها كمصريين بدون فيزا و لكن أغلبها بعيد جدا و تذكرة الطيران لوحدها تكلف ثروة
, لكن فيه دول جنبنا و تذكرتها رخيصة ممكن نسافر لها و ننبسط و كمان ما ندفعش كتير . 1- ايه رأيك تزور البتراء و تعوم في البحر الميت و تزور وادي رم اللي اتصور فيه فيلم The Martian , يبقى يلا بينا الى ( الأردن ) :
حاجات كتير بتخلي الأردن من الدول اللي تستحق الزيارة , كفاية انك تزور البتراء و تشوف التاريخ ده متمثل أمامك
, تزور جرش و تتفرج على الأثار الرومانية , تروح تشوف كهف ( أهل الكهف ) , و لو بتحب المغامرات و الطبيعه متفوتش زيارة وادي موجب , تقدر فيه تتسلق الجبال و حتشوف أنهار و شلالات و الصراحه تجربة من تجارب العمر , و بليل بقى ممكن تتمشى في شوارع الأردن , و تعد في الكافيهات المنتشره في كل مكان و تستمتع بعالم الاندرجراوند.الحمد لله أنك تقدر تشوف الجمال ده كله بدون فيزا
طيب حتكلف كام ؟؟ تذكرة الطيران للاردن من الاسكندرية على طيران العربيه بحوالي 2300 جنيه , و ممكن تسكن في هوستل , و منتشرين جدا في الأردن و سعر الليله مش بيزيد عن 70 جنيه, يعني لو قعدت 5 ليالي بحوالي 350 جنيه , يعني طيران و سكن مش حيكلفك أكتر 2600 جنيه و كمان زيهم تظبط بيهم نفسك , يعني 5000 جنيه يروقوك في الأردن بلد الحضارة و الثقافه و التاريخ
2- طيب فكرت تدخل مغارة جعيتا و تزور معبد بعلبك , و بليل تسهر أحلى سهرات في بيروت
يبقى بينا على ( لبنان ):طبعا فيه أسباب كتير تقنعك أنك تزور بيروت بلد الفن و الجمال و فيروز و هيفاء وهبي
, تطلع الصبح تفطر فتوش و تبولة و سمبوسه أمام صخرة الروشة و بليل تسهر في السوليدير , و يوم تاني تروح تزور أثار بعلبك العظيمة و معبد جوبيتر و بليل تزور قصر بيت الدين , و لو بتحب الجبال و الطبيعه و الهواء العليل و نفسك تتفرج على جبال الأرز ايه رأيك تطلع على إهدن و دي من أجمل المنتجعات الجبلية في لبنان.حلو أوي الكلام ده طيب انا محتاج ايه ؟ كل اللي انت محتاجه تذكرة سفر ذهاب و عودة و حجز فندق و 20 دولار للفيزا
ملحوظه : ( من متطلبات الفيزا أن يكون معاك 2000 دولار كاش أو شيك مصرفي بنفس المبلغ و انت داخل المطار , طبعا مش شرط انك تصرفهم كلهم في لبنان )
تذكرة طيران لبيروت على مصر للطيران الشهر الجاي سعرها 1850 جنيه و فيه فندق لطيف اسمه Embassy Hotel و ده 3 نجوم , الغرفه الدبل سعرها لمدة 4 ليالي 1500 جنيه يعني الفرد يكلف 750 جنيه , و طبعا في اختيارات كتير في حدود السعر ده بردو, يعني كده طيرانك و سكنك حيتكلف 2600 جنيه و زيهم تشبرق نفسك بيهم في بيروت
3- بتحب الحيوانات و نفسك تعيش حياة سفاري أفريقيا و تتفرج على الحيوانات في بيئتها الطبيعية و تشوف بلد تيمون و بومبا
, هيا بنا الى ( كينيا )طبعا صعب أنك تكون فكرت تسافر كينيا قبل كده , و لكن أحب أقولك أن كينيا من اجمل دول أفريقيا و أغناها بالمناظر الطبيعية الخلابة و الحيوانات و طبعا جبل كاليمينجارو و هو رابع أطول جبل في العالم .
طيب و حنعمل ايه في كينيا ؟؟
مبدئيا لازم تعمل سفاري و أنصحك طبعا بالمنتزه الأشهر ( أمبوسيلي ), و ده حيعيشك بجد جوه فيلم ( أفريكانو )
حتشوف فيه الأسود و الغزلان و الأفيال و كل حيوانات أفريقيا , و ممكن تركب مركب في بحيرة نيفاشا ( دي لوحدها بيعيش فيها حوالي 350 نوع من الطيور ) و تتفرج على فرس النهر و الغزلان و الزرافات و هي عايشه بكل سلام , و في الطريق تعدي على وادي الريفت العظيم , و لو مدمن ناشيونال جيوجرافيك يبقى لازم تزور محمية الماسي مارا , و دي اتصور فيها أفلام وثائقيه كتير لأنها بتشتهر بالهجرة العظيمة للوايلدبيست وهجوم التماسيح عليها أثناء عبورها للنهر وهجوم السباع عليها خلال طريق هجرتها, و ممكن كمان تركب منطاد و تتفرج على سهول السافانا الشاسعه , و تزور بحيرة توركانا و مدينة لامو, الصراحة تجربة مختلفة بكل المقاييس.
بالنسبه للفيزا : كينيا مش محتاجه أي أوراق , بتدفع فقط 50 دولار تمن الفيزا للمطار و تقدر تعد فيها لحد 90 يوم
طيب و التكلفة ؟
التذكره لكينيا من القاهره في حدود 3000 جنيه , و تجربة السكن هناك مختلفة , حاول أنك تفكر بره الصندوق و تعيش حياة مختلفه يعني ممكن تنام في مخيم على بحيرة و دي حتكلف في اليوم حوالي 70 جنيه أو تسكن في هوستل و ده ممكن يكلفك في حدود 100 جنيه في اليوم بالافطار . يعني 5 ليالي ممكن تكلفك 500 جنيه , يعني طيرانك و سكنك في حدود 3500 جنيه , و اطمن كينيا بلد رخيصه بالذات لو حتسافر مع أصحابك و تتقاسموا في سعر العربيه الجيب اللي حتعمل بيكم سفاري.
البوست الجاي ان شاء الله حنكمل البلاد اللي تقدر تسافرها من تاني يوم و على فكره أطمنوا الليسته لسه طويله و فيها اختيارات كتير جدا .
أتمنى أنكم تكونوا استفدتوا من البوست و خلاكم تفكروا بره الصندوق شوية و تعرفوا أن الموضوع سهل و بسيط و مش مكلف , بس محتاج جرأة و مغامرة و فكر مختلف للتغيير.
By: Bahaa
#travel_secrets