م
محمود شنن
:: مسافر ::
كلام الادمن مظبوط مع أضافة بعض النقط
الرصييد المتبقي ميكنش قليل ولو كبير بيشك
وهما بيقيمو الشخص بالنقط علي سبيل المثال المظهر الخارجي طريقة الكلام الثقةالعمر متجوز وبعض النقاط الاخري
والاهم اثبتات العمل وحركة الحساب عليها نقط لكي تثبت له انك بتصرف مش رايح تاخد منهم فلوس وهما عوزينك تتدفع فلوس
الرصييد المتبقي ميكنش قليل ولو كبير بيشك
وهما بيقيمو الشخص بالنقط علي سبيل المثال المظهر الخارجي طريقة الكلام الثقةالعمر متجوز وبعض النقاط الاخري
والاهم اثبتات العمل وحركة الحساب عليها نقط لكي تثبت له انك بتصرف مش رايح تاخد منهم فلوس وهما عوزينك تتدفع فلوس
A
Ahmed Nazeih
:: مسافر ::
للأسف في تعنت كبير في الشنجن ضد المصريين بالذات،
كنت بقدم علي سفارة النمسا بالرياض والورق كان كامل ما عدا كانوا طالبين يكون في متبقي في اقامتي أكتر من 3 شهور وأنا كنت حاجز طيران مؤكد وفنادق مؤكده ومنهم فنادق غير مستردة وقلتلهم الاقامه بجددها واسلمهالكو بس اقبلوا الورق عشان مفيش مواعيد تانية عندكو بالسفارة الا بعد ميعاد سفري، الموظف طبعا رفض وقالي بدخل للقنصل أسألها...
للأسف رجع وقالي جمله مش حلوة.
قالي بتقولك انتا لو جنسية تانية غير المصرية. أو معاك شنجن قبل كده كنا وافقنا علي طلبك.!!!!!!
كانت صدمة الصراحة.
بس الحمد لله جددت الاقامة بعدها وقدمت مرة تانية بمخاطرة لان موعد سفري كان بعدها باسبوع ولو كنت ألغيت الحجوزات كنت هخسر كتير جدا وطلعت التأشيرة فعلا قبل الاسبوع.
المطلوب فعليا عشان التأشيرة تقبل يفضل أنك تكون مقدم مع عائلتك لأنها بتكون مقنعه انك مسافر فعلا سياحة والورق المطلوب كالآتي :
1-جواز سفر ساري وفيه صلاحية أكتر من سنة.
2-تعريف بالراتب من عملك بمبلغ معقول وفيه تاريخ بدايه عملك.
3- كشف حساب من البنك وفيه حركات علي حسابك بايداع الراتب من شركتك بمعدل شهري ويكون نفس المبلغ في التعريف ويكون فيه معدل رصيد 45000 ده علي حسب كلام شركة سياحة بلغوني بالمبلغ ده.
4-تذاكر طيران مؤكده ولازم تكون فعلا انتا حجزها عشان تسافر عليها ومتكونش وهميه.
5- حجز فنادق مؤكده ودي ممكن تحجز علي Booking أو hotels أو Expedia. عادي ويكون حجر مسترد بس تأكد أن موعد إلغاء الحجز يكون بعيد لأن ممكن التأشيرة تتأخر ويفوت موعد الإلغاء، فيفضل الصراحه انك تكون الحجوزات دي حقيقية وناوي تروح عليها فعلا .
ونصيحه مني أختر فنادق في مناطق أمنه ويكون في الغرفه خزنه لأنك مش هتمشي بجوزات السفر والفلوس كلها وكروت الفيزا لأن فيه بعض الدول مش أمان.
6-تأمين سفر طوال مدة السفر وده سعره يسيط ولو عندك تأمين طبي فئه عاليه بتبلغ شركتك يبعتولك خطاب تغطية تأمين السفر.
7-كروت فيزا كريدت ضرورية جدا عشان يتأكدوا انك هتسافر وهتصرف بالفيزا ؤده كمان ضرؤري ليك لأن صعب تشيل معاك مبالغ كبيرة لأن فيه سرقات بتحصل وبالذات في فرنسا.
7-تعبئة نموذج التأشيرة ويكون بياناتك صحيحة.
8-بالنسبة لي كمقيم في دوله غير مصر بيطلبوا اقامه ساريه وتأشيرة خروج وعودة.
وطبعا نفس الطلبات دي لزوجتك وأطفالك ما عدا تعريف الراتب وكشف الحساب.
بس برده عشان مصري ما طلعوش تأشيرة ليا غير 16 يوم بالظبط اللي هو تاريخ ذهاب وعودة حجز الطيران يعني ولا يوم حتي زيادة للظروف مع أني كنت طالب تأشيرة شهر، وفيه جنسيات تانية طبعا بيدوهم تأشيرات بسنه وسنتين وكمان متعددة.
لو عندكو رغبة ممكن اعمل تقرير كامل عن التخطيط لكامل السفر وما الضروري تعمله سواء قبل ما تسافر أو لو أنتا في أوروبا.
كنت بقدم علي سفارة النمسا بالرياض والورق كان كامل ما عدا كانوا طالبين يكون في متبقي في اقامتي أكتر من 3 شهور وأنا كنت حاجز طيران مؤكد وفنادق مؤكده ومنهم فنادق غير مستردة وقلتلهم الاقامه بجددها واسلمهالكو بس اقبلوا الورق عشان مفيش مواعيد تانية عندكو بالسفارة الا بعد ميعاد سفري، الموظف طبعا رفض وقالي بدخل للقنصل أسألها...
للأسف رجع وقالي جمله مش حلوة.
قالي بتقولك انتا لو جنسية تانية غير المصرية. أو معاك شنجن قبل كده كنا وافقنا علي طلبك.!!!!!!
كانت صدمة الصراحة.
بس الحمد لله جددت الاقامة بعدها وقدمت مرة تانية بمخاطرة لان موعد سفري كان بعدها باسبوع ولو كنت ألغيت الحجوزات كنت هخسر كتير جدا وطلعت التأشيرة فعلا قبل الاسبوع.
المطلوب فعليا عشان التأشيرة تقبل يفضل أنك تكون مقدم مع عائلتك لأنها بتكون مقنعه انك مسافر فعلا سياحة والورق المطلوب كالآتي :
1-جواز سفر ساري وفيه صلاحية أكتر من سنة.
2-تعريف بالراتب من عملك بمبلغ معقول وفيه تاريخ بدايه عملك.
3- كشف حساب من البنك وفيه حركات علي حسابك بايداع الراتب من شركتك بمعدل شهري ويكون نفس المبلغ في التعريف ويكون فيه معدل رصيد 45000 ده علي حسب كلام شركة سياحة بلغوني بالمبلغ ده.
4-تذاكر طيران مؤكده ولازم تكون فعلا انتا حجزها عشان تسافر عليها ومتكونش وهميه.
5- حجز فنادق مؤكده ودي ممكن تحجز علي Booking أو hotels أو Expedia. عادي ويكون حجر مسترد بس تأكد أن موعد إلغاء الحجز يكون بعيد لأن ممكن التأشيرة تتأخر ويفوت موعد الإلغاء، فيفضل الصراحه انك تكون الحجوزات دي حقيقية وناوي تروح عليها فعلا .
ونصيحه مني أختر فنادق في مناطق أمنه ويكون في الغرفه خزنه لأنك مش هتمشي بجوزات السفر والفلوس كلها وكروت الفيزا لأن فيه بعض الدول مش أمان.
6-تأمين سفر طوال مدة السفر وده سعره يسيط ولو عندك تأمين طبي فئه عاليه بتبلغ شركتك يبعتولك خطاب تغطية تأمين السفر.
7-كروت فيزا كريدت ضرورية جدا عشان يتأكدوا انك هتسافر وهتصرف بالفيزا ؤده كمان ضرؤري ليك لأن صعب تشيل معاك مبالغ كبيرة لأن فيه سرقات بتحصل وبالذات في فرنسا.
7-تعبئة نموذج التأشيرة ويكون بياناتك صحيحة.
8-بالنسبة لي كمقيم في دوله غير مصر بيطلبوا اقامه ساريه وتأشيرة خروج وعودة.
وطبعا نفس الطلبات دي لزوجتك وأطفالك ما عدا تعريف الراتب وكشف الحساب.
بس برده عشان مصري ما طلعوش تأشيرة ليا غير 16 يوم بالظبط اللي هو تاريخ ذهاب وعودة حجز الطيران يعني ولا يوم حتي زيادة للظروف مع أني كنت طالب تأشيرة شهر، وفيه جنسيات تانية طبعا بيدوهم تأشيرات بسنه وسنتين وكمان متعددة.
لو عندكو رغبة ممكن اعمل تقرير كامل عن التخطيط لكامل السفر وما الضروري تعمله سواء قبل ما تسافر أو لو أنتا في أوروبا.
M
Mohi Ahmed
:: مسافر ::
لو انت شغال فى الحكومة خطاب جهة العمل ده بيكون بالعربى طبعا ؟هوديه للسفارة كده ولا هترجمه وأترجمه فين عشان يكون مختوم من الشغل ؟أنا عاوز أفهم النقطة دى ! وللما بروح للموظف المختص بقوله وجه لسفارة الدولة الفلانية ولا بقوله عاوز خطاب فيه بيناتى وخلاص ! نفس الكلام بالنسبة لحساب البنك(فى الترجمة والتوجيه)
A
Abo El-Leal
:: مسافر ::
مجهود تشكر عليه بس فيه كلام كتير مش مظبوط تماما.....اولا لو جواز سفرك جديد او عمرك ما سافرت قبل كده مفيش في جواز سفرك اي تاشيرات ده ما يقللش من فرص حصوللك علي الفيزا نهائيا ولا ليه علاقه عادي انا طلعتها علي جواز سفر مفيهوش اي فيز سابقه ولا حتي لدول عربيه و كان جواز سفر بقاله 6 سنين طالع و ما سافرتش بيه ولا مره. و ما جبتش اي حاجه لا خط سير ولا غيره من مجمع التحرير...تاني حاجه حسابك لازم يكون فيه علي الاقل 50 الف جنيه برده ده كلام عاري تماما من الصحه مش مهم عندهم حسابك فيه اد ايه المهم يكون حساب بقاله فتره كويسه يعني معدي ال 6 شهور ويكون عليه عمليات ايداع و سحب منتظمه و عن تجربه مش محتاج المبلغ ده خالص علشان تطلع......ثالثا انت ما بتعملش مقابله علشان تطلع الفيزا انت بتقدم الورق المطلوب عن طريق tls contact , وهم بيقومو بدور الوسيط و بيوصلو طلبك للسفاره يعني ده ما يعتبرش انترفيو و ما بيسالوش عن اي حاجه بيراجعو بس ان ورق الطلب كامل...... تقدر تعمل طلب الفيزا الشنجن بتاعتك من البلد اللي تعجبك و تروح بلد تانيه خالص من دول الاتحاد الاوروبي و الموضوع مفيهوش اي مشكله و اعرف ناس كتير بتطلعا فرنسا و يسافرو بيها ايطاليا او المانيا رحلات دايركت مفيهاش ترانزيت مش بتعمل مشاكل خالص .....اهم حاجه ورقك يكون كامل وفي حجز طيران و فندق ووثيقة تامين دوليه و جواز سفر ساري وكله بيمشي تمام الموضوع بسيط جدا جدا.....حاجه اخيره خطاب جهة العمل مش لازم يكون مكتوب فيه المرتب نهائيا اهم حاجه يكون موجه للسفاره اللي انت هتطلع منها الفيزاو يكون مكتوب فيه تاريخ التعيين ويكون خطاب لسه معمول معداش عليه اسبوع او 10 ايام مش بقاله شهرين تلاته ...اهم حاجه ان كل الورق يكون معمول باللغه الانجلييزيه او بلغة البلد اللي هتطلع الفيزا عن طريق سفارتهم