T
Travel Secrets
:: مسافر ::
اسرار السفر الي الجزر اليونانيه ( جزيره رودس – الجزء التاني )
البوست اللي فات أتكلمنا عن الطيران و السكن و أشهر شواطئ جزيرة رودس . في البوست ده حنعرف أشهر المزارات السياحيه على الجزيرة و أسعارها و كمان أسعار الأكل على الجزيرة
- اول مزار هو قريه اسمها ليندوس ( 56 كيلو من رودس ): القريه شكلها تحفه و فيها قلعه كبيره علي الجبل ( القريه نفسها علي الجبل ) و القلعه اللي في فوق الجبل دي بقي حكايه فعلا اسمها الاكروبولس و بتطلع لها علي ظهر الحمار ( تاجير الحمار ب 5 يورو ) و طبعا فيه مطاعم و سندوتشات و كده في القريه , و علي البحر, و طبعا النصيحه روح ليندوس بالمركب يعني حتروح في المينا بتاعت رودس منطقه اسمها ماندراكي و حتاخد المركب بس دي بتكون مع شركات يعني المركب بيكون فيها كذا وقفه علشان تنط و تعوم و غدا , لمدة يوم كامل و المركب دي لما بتوصل ليندوس بتسيبك ساعتين و نص و بعد كده ترجع و تكمل يومك فيها و دي طبعا غاليه شويه , يبقي علينا و علي الباص من المحطه المركزيه للباصات و ده سعره 5 يوروو للاتجاه الواحد بجد يا جماعه مزار ما يتفوتش
احسن مزار في رودس هو ليندوس
- ثاني مزار هو الاولد تاون (ميديفيل سيتي ) و دي بقي في مدينه رودس نفسها تلاقي زي حصن كده كبير اوي و متحاط بسور عالي و تدخل جوه تلاقي عالم تاني كافيهات و مطاعم و محلات كثيره و طبعا اثار كثيره قوي و شوارع ضيقه زي الدودة جواها 200 شارع يعني توهان موت و هي دي رودس القديمه و طبعا بتروحه مشي لانه في وسط مدينه رودس, و طبعا السهر فيه كمان جميل قوي , و فيه قصر الفارس الاكبر و ده دخوله ب 6 يورو بس يستحق بجد قصر تاريخي بتتفرج علي حاجات مبهره فيه
- ثالث مزار هو خليج سان بول و ده عباره عن خليج فيه شاطيء رملي و الميه فيه بتبرق و فيه سنوركلينج, الشعاب المرجانيه فيه تحفه و الدخول ببلاش و لو حتاجر شيزلونج 5 يورو او شمسيه و كرسيين 8 يورو , و ده بقي بتروحه من ليندوس يعني خلصت ليندوس بتمشي 15 دقيقه و توصل له
- رابعا الووتر بارك بجد دي تعتبر اكبر واحده في اوروبا لعب للكبار و الاطفال مبهره و تستحق تقضي اليوم كله فيها هي اينعم تعتبر سعرها حراق شويه دخولها 22 يورو بس يعني الواحد حيعيش كم مره و كمان من السهل توصلها في اتوبيسات مجانيه بتروح لها بتتحرك من المينا بتاعه مدينه رودس اللي قلنا اسمها (ماندراكي) , و الا توبيس مواعيده كل ساعه يعني 9 و 10 و 11 و كده مواعيد الفتح من 9.30 الي 7 بليل و فيه جوه مطاعم و كافيهات , انا بنصحكم بموضوع تاجير موتوسيكل او فيسبا لان بجد دي حاجه شيقه جدا و منتشره اوي في رودس الفيسبا اقل حاجه 50 – 80 سي سي و دي بقي سعرها ما بين 15 ل 20 يورو في اليوم , و كل ما عدد الايام زاد السعر قل السعر يعني اسبوع تاجير ب 90 الي 95 يورو و حتلف بيها كتير فحت , و حتروح كل حته و فيه بيكون تامين عليك و عليها و بيوصلوها ليك لحد الفندق , بس يا جميل لازم يكون معاك رخصه دوليه بمعني اصح رخصه السواقه بتاعتك بتروح نادي السيارات و تعمل رخصه دوليه . لو بقي ما نعرفش نسوق يبقي العجله تاجيرها في اليوم 6 يورو و برضه يا سيدي لف هيستيري بيها , الشوارع مساعده جدا انك تلف بيها
نيجي للاكل بقي و ده بقي ارخص حاجه تاكلها السندوتش المشهور بتاعهم اسمه (بيتا سلوفاكي) و ده عباره عن زي رغيف بلدي ملفوف زي القرطاس و مليان شاوروما و بطاطس مقليه و طماطم و خس و مايونيز و كتشب و بصل و كل ده ب 2.5 يورو و ده سندوتش مقلبظ قوي يعني واحد حيشبع و اثنين منه حيجيبوك أرض أرض
و السندوتش ده موجود في كل المطاعم اما بقي لو حابيين نقعد و ناكل طبق في مطعم اسمه skordakos اسعاره معقوله اوي يعني عشاء حلو ممكن في حدود من 6 الي 8 يورو , و المطعم ده موجود في وسط مدينه رودس حتلاقيه اكيد . المطعم التاني هو اسمه بروس كباب و ده بقي الهامبورج بتاعه بيف يعني مش خنزير و طبق هامبورجر حلو معاه بطاطس ب 4.5 يورو , و لو طلبت طبق ميكس جريل يعني لحمه و كفته و فراخ و ريش و سلطه كبيره موت و سلطه زبادي و طن بطاطس محمره ( طبق حجمه كبير قوي ) ب 8 يورو بس و البيبسي ب 1 يورو و ده مكانه برده في وسط مدينه رودس
كده يبقى غطينا جزيرة رودس من أولها لأخرها , اتمنى أن المعلومات دي تفيدكم في زيارتكم الجايه لجزيرة ردودس في اليونان .
By: Amr Sherif
#travel_secrets
البوست اللي فات أتكلمنا عن الطيران و السكن و أشهر شواطئ جزيرة رودس . في البوست ده حنعرف أشهر المزارات السياحيه على الجزيرة و أسعارها و كمان أسعار الأكل على الجزيرة
- اول مزار هو قريه اسمها ليندوس ( 56 كيلو من رودس ): القريه شكلها تحفه و فيها قلعه كبيره علي الجبل ( القريه نفسها علي الجبل ) و القلعه اللي في فوق الجبل دي بقي حكايه فعلا اسمها الاكروبولس و بتطلع لها علي ظهر الحمار ( تاجير الحمار ب 5 يورو ) و طبعا فيه مطاعم و سندوتشات و كده في القريه , و علي البحر, و طبعا النصيحه روح ليندوس بالمركب يعني حتروح في المينا بتاعت رودس منطقه اسمها ماندراكي و حتاخد المركب بس دي بتكون مع شركات يعني المركب بيكون فيها كذا وقفه علشان تنط و تعوم و غدا , لمدة يوم كامل و المركب دي لما بتوصل ليندوس بتسيبك ساعتين و نص و بعد كده ترجع و تكمل يومك فيها و دي طبعا غاليه شويه , يبقي علينا و علي الباص من المحطه المركزيه للباصات و ده سعره 5 يوروو للاتجاه الواحد بجد يا جماعه مزار ما يتفوتش
احسن مزار في رودس هو ليندوس
- ثاني مزار هو الاولد تاون (ميديفيل سيتي ) و دي بقي في مدينه رودس نفسها تلاقي زي حصن كده كبير اوي و متحاط بسور عالي و تدخل جوه تلاقي عالم تاني كافيهات و مطاعم و محلات كثيره و طبعا اثار كثيره قوي و شوارع ضيقه زي الدودة جواها 200 شارع يعني توهان موت و هي دي رودس القديمه و طبعا بتروحه مشي لانه في وسط مدينه رودس, و طبعا السهر فيه كمان جميل قوي , و فيه قصر الفارس الاكبر و ده دخوله ب 6 يورو بس يستحق بجد قصر تاريخي بتتفرج علي حاجات مبهره فيه
- ثالث مزار هو خليج سان بول و ده عباره عن خليج فيه شاطيء رملي و الميه فيه بتبرق و فيه سنوركلينج, الشعاب المرجانيه فيه تحفه و الدخول ببلاش و لو حتاجر شيزلونج 5 يورو او شمسيه و كرسيين 8 يورو , و ده بقي بتروحه من ليندوس يعني خلصت ليندوس بتمشي 15 دقيقه و توصل له
- رابعا الووتر بارك بجد دي تعتبر اكبر واحده في اوروبا لعب للكبار و الاطفال مبهره و تستحق تقضي اليوم كله فيها هي اينعم تعتبر سعرها حراق شويه دخولها 22 يورو بس يعني الواحد حيعيش كم مره و كمان من السهل توصلها في اتوبيسات مجانيه بتروح لها بتتحرك من المينا بتاعه مدينه رودس اللي قلنا اسمها (ماندراكي) , و الا توبيس مواعيده كل ساعه يعني 9 و 10 و 11 و كده مواعيد الفتح من 9.30 الي 7 بليل و فيه جوه مطاعم و كافيهات , انا بنصحكم بموضوع تاجير موتوسيكل او فيسبا لان بجد دي حاجه شيقه جدا و منتشره اوي في رودس الفيسبا اقل حاجه 50 – 80 سي سي و دي بقي سعرها ما بين 15 ل 20 يورو في اليوم , و كل ما عدد الايام زاد السعر قل السعر يعني اسبوع تاجير ب 90 الي 95 يورو و حتلف بيها كتير فحت , و حتروح كل حته و فيه بيكون تامين عليك و عليها و بيوصلوها ليك لحد الفندق , بس يا جميل لازم يكون معاك رخصه دوليه بمعني اصح رخصه السواقه بتاعتك بتروح نادي السيارات و تعمل رخصه دوليه . لو بقي ما نعرفش نسوق يبقي العجله تاجيرها في اليوم 6 يورو و برضه يا سيدي لف هيستيري بيها , الشوارع مساعده جدا انك تلف بيها
نيجي للاكل بقي و ده بقي ارخص حاجه تاكلها السندوتش المشهور بتاعهم اسمه (بيتا سلوفاكي) و ده عباره عن زي رغيف بلدي ملفوف زي القرطاس و مليان شاوروما و بطاطس مقليه و طماطم و خس و مايونيز و كتشب و بصل و كل ده ب 2.5 يورو و ده سندوتش مقلبظ قوي يعني واحد حيشبع و اثنين منه حيجيبوك أرض أرض
و السندوتش ده موجود في كل المطاعم اما بقي لو حابيين نقعد و ناكل طبق في مطعم اسمه skordakos اسعاره معقوله اوي يعني عشاء حلو ممكن في حدود من 6 الي 8 يورو , و المطعم ده موجود في وسط مدينه رودس حتلاقيه اكيد . المطعم التاني هو اسمه بروس كباب و ده بقي الهامبورج بتاعه بيف يعني مش خنزير و طبق هامبورجر حلو معاه بطاطس ب 4.5 يورو , و لو طلبت طبق ميكس جريل يعني لحمه و كفته و فراخ و ريش و سلطه كبيره موت و سلطه زبادي و طن بطاطس محمره ( طبق حجمه كبير قوي ) ب 8 يورو بس و البيبسي ب 1 يورو و ده مكانه برده في وسط مدينه رودسكده يبقى غطينا جزيرة رودس من أولها لأخرها , اتمنى أن المعلومات دي تفيدكم في زيارتكم الجايه لجزيرة ردودس في اليونان .
By: Amr Sherif
#travel_secrets