السلام عليكم ورحمة الله وبركاته. عيادة أسنان...

[Americana Eagle]

السلام عليكم ورحمة الله وبركاته.

عيادة أسنان تحاول استغلالي مادياً وتطالبني بدفع فاتورة 400 دولار لشيء انا لم أطلبه أساسا. قاموا بأرسال اكثر من فاتورة على بريدي والان ارسلوا لي رساله تقول انهم سيحيلون الموضوع ل collection agency. أريد منكم المشورة وهل سبق لأحد تعامل مع collection agency وماهي اجراءاتهم. أتمنى المشاركة من اصحاب الخبره فقط عشان لا أتوهق.

 

[Najla AlThuniyan]

وعليكم السلام ورحمة الله وبركاته

صار الموضوع مع صديق وقال لهم انا ما وقعت على شىء واذا اتصلتوا اشتكيتم للشرطة وبعدها انتهى الموضوع

 

[Ahmed Alotaibi]

اذا ماعندك سوشل محد يقدر يضرك بشيء حتى لو معهم الحق ، بيستمرون بارسال اوراق لك والايجنت بيرسل لك بعد يطالبك في الدفع والقانون يمنعه من التهديد او اي شيء ممكن يخوفك الشيء الوحيد الي راح يجيك في الرسايل انه ادفع بيلز وبيقعدون يترجونك تدفع ممكن الى سنه لكن اكرر اذا ماعندك سوشل محد يقدر يسوي لك شيء.

 

[Americana Eagle]

شكرا لك نجلاء واحمد .. هل لديهم الحق في أنهم يحيلون الموضوع للمحكمة ؟

 

[Ahmed Alotaibi]

لهم الحق لكن غالباً مايوصلونها للمحكمة

 

[Najla AlThuniyan]

طبعاً مو كلها مستحقات لهم لكن هم يحاولون يسحبون قد ما يقدرون.

اذا انك ما وقعت على شىء فلا تخاف

 

[Saeed M Alshahni]

عشان تجس نبضهم
قول لهم محامي السفارة. يتفاهم معاكم
وبالين ترسلوا الفواتير مفصله بالتواريخ
وشوف وش ردهم
صاحبي كان مطالب ب ٣٠٠٠ دولار وقال محامين السفارة يتفاهموا معاكم
بعد شهر نزلوا له المبلغ الى النصف. ويوم شافوا صاحبي. صامل على كلامه
كنسلوا الموضوع. وقالوا احنا نبغى نحافظ عليك كعميل. عندنا

 

[Faisal Alsubaie]

على حسب معلوماتي ال collection agency ما يقدرون يطالبونك باي شيء طالما أن ما عندك سوشل نمبر لكن في حال كان عند ال collection agency معلومات على جوازك يمكن تكون عندك صعوبات في " تجديد الفيزا " و لكني اعرف شخص يطالبه ال collection agency بمبلغ حوالي ١٣ الف و جدد فيزته العام الماضي

 

[Hassan Mashbari]

فيه نقابة اسمها نقابة أطباء الاسنان. اتصل عليهم وخذ المشورة. وبعدها ارسل بالايميل تفاصيل نتيجة المحادثة مع النقابة، مدعوم بالقانون للولاية وقول لهم أرجوا أن يكون ردي كافيا.

 

[Abdulrahman Alanazi]

ياحبيبي اسحب عليهم وخلهم يعرفونها لترمب لو يبون ماعندك سوشيل سكورتي اسحب عليهم

 

[Ayman ALsharari]

اسسسسسسحب ولا عليك منهم

 

[Asma Alotaibi]

مو شرط حتى السوشال ،، عندي سوشال وماقدرو يوصلون لي .. اذا مااعطيت احد رقمك السوشال محد يوصلك،، اذا انت متاكده انه ظلم طنشهم ،، انا غرموني الشقه على شي ماسويته ب ٤٠٠ دولار ومادفعت لاني ماسويت شي ،، قالوا حرقتي الشقه،، معليش كيف احرق الشقه وانا طالعه منها لي ست شهور،، عموما هم راح يزعجونك اتصالات من ارقام غريبه واسلوبهم سيء ووقح بالتلفون ،، طنشهم ولاترد واذا تقدر سوي بلوك عالرقم.

 

[Khulood Abo Alsaud]

انا قد حصلتلي مع تحاليل فالمختبر مع انه قبل مارحت لهم تأكدت انه المختبر يقبل تأمين الطلاب المبتعثين الجديد وقبلوه فعلآ ..
بعدين صارت تجيني فواتير تقريباً حوالي ال ٥٠٠$ وانه المختبر اصلا ما قبل التأمين !!
وافتح حسابي فالتأمين ماألاقي فاتوره بهالمبلغ !!
طنشتهم الين ماجاتني ورقه ال collection agency وقتها اتصلت عالتأمين وقلتلهم السالفه وقالولي ماعندك اصلا فواتير مو مدفوعه وقتها عرفت انه كان فالموضوع استهبال وكذب ..

 

[Manar Al-tarouti]

ما عليك منهم لا تدفع و لا تسوي لهم شي و اذا اتصلو عليك طنشهم

 

[Nawaf Alanazi]

ياخي فيه تعليقات زي اسحب وزي ماعليك منهم. ليش هزله الموضوع يعني الواحد يرمي كلام ويمشي وماهمه لو صاحب البوست جاته فاتوره ب٤٠٠ والا ٤٠٠ الف ياخي حط تعليق زي الناس حطوا نفسكم بمكانه لو صار لك الشي هذا وش بتسوي. صاحب البوست لو انا مكانك اشوف الموضوع مع محامي الملحقيه ومايحتاج تدفع له اي شي

 

[Umar Alasmari]

خلك طبيعي ههههههه
تعرف المثل اللي يقولك جاك الفرج.... دامهم حولوه او بيحولونه الى الكولكشن فلا تشيل همها كل فتره بيدقون عليك و يطلبونك تدفع الى درجة انه يقولك تقدر تقصدها على خمسه دولار شهريا عاد انت كل ما دقوا عليك و أعطوك اقتراح قلهم خلوني أفكر و ماطلهم ولا تشيل هم خلك طبيعي هههههه

 

[Rooj Hussain]

انا جاتني فواتير بقيمه 3000$ حق مستشفى ومختبر وتحاليل وكل شهر يرسلون لي عشان اسدد لهم كلمت التامين قالوا لي كل هالفواتير مش موجوده عندنا فإذا احد كلمك عطيهم رقم التامين يتفاهموا معنا طبعا كل فاتوره استلمها اشقها وارميها وصلى الله وبارك .

 

[Ilham Albalawi]

السلام عليكم، انا صارت معي مع عيادة الاسنان. كلمتهم وسألت ليش مرسلين لي فواتير ( قلت لهم من اول شي لو فيه شي ما يغطيه التأمين، ما ابي تسوونه لي). حولوني بعدها على الايجنسي هذي وكلمتهم وشرحت الوضع ولا عاد اتصلوا.