T
Travel Secrets
:: مسافر ::
حنكمل النهارده جولتنا لليوم التاني في شوارع و حواري باريس , و يا سلام على حواري باريس و جمالها , كل شارع فيه قصه مختلفه و معالم و مباني شهدت على أحداث تاريخيه عظيمه ,
المهم النهارده حنروح نكمل لف في الحي اللاتيني مرورا بكنيسة نوتردام و حننهي الجولة عند متحف بومبيدو .
تاخذوا مترو رقم ٤ و تنزلو فى محطة
سان چيرمان دى برى saint Germain des près
هتلاقى نفسكوا فى منطقة بها محلات للانتيكات و كنيستها المشهورة و و هنا هتخشوا من شارع بونابرت هتخشوا فيه حوالي ٣٠٠ متر تتفرجوا على محلات الانتيكات و الديكورات
و فى اخره تاخذوا يمين و تمشوا على نفس الرصيف لغاية ما توصلو لمنطقة سان مشيل saint Michel
و الحى اللاتينى و بعد ما تتمشوا فى الحى اللاتينى quartier Latin و ﺍللى تم تسميته بالاسم ده نظراً لان جامعة السربون تقع بجانبه و كانت اللغة المستخدمة للدراسة و المخاطبة بين الطلبة هى اللغة اللاتينية
و بعد ما تتمشوا فى الحى اللاتينى و هو عبارة عن مطاعم و محلات الهدايا التذكارية
هتخرجوا على شارع سان ميشيل boulevard saint Michel
ده من الشوارع المشهورة بباريس و يقع به المركز الثقافى المصرى و يوجد به جنينة لوكسمبورج Jardin de Luxembourg
و دى من الحدائق المشهورة جدا بباريس
و يقع قريباً من الحديقة على يمينها مبنى البانتيون
le panthéon
و تسمى مقبرة العظماء و بها رفات كل من كان له تأثير على الجمهورية الفرنسية أمثال
ألكسندر دوما -لويس باستير- ڤيكتور هيجو
بعد كده يتم الرجوع فى نفس شارع سان ميشيل حتى الحى اللاتينى هتلاقى فى وشه على الجهة التانية كنيسة نوتردام
notre dame de paris
و بعد الاستمتاع بجمال الكنيسة على شمالكوا الحى اللاتينى و ها تمشوا جهة اليمين هتلاقوا مبنى على شمالكوا اسمه السيتيه la Cité و ده بالظبط زى المجمع فى مصر شغلته يعمل جوازات سفر او رخص قيادة او طلب جنسية او ما شابه ذلك لسكان باريس فقط
و على اليمين دار القضاء palais de justice paris
هتكمل مشى بينهم لغاية ما هتلاقى نفسك فى الشارع العمومى اسمه شارع ريفولى Rue de Rivoli
و ده من احلى الشوارع للتمشية و هو عبارة عن مول تجارى ده غير القهاوى و المطاعم و الشارع ده لو مشيتوا فيه للاخر ناحية اليمين هتقعوا على ميدان الباستيل place de la bastille
و فيه كان موجود سجن الباستيل و تم إلغاءه بمجرد ما تلات مساجين قدروا يهربوا منه و أتحول لميدان عادى يضم نصب تذكاري و الأوبرا الجديدة و بعض المطاعم و القهاوى و البارات و الديسكوهات
و لو مشيتوا فى ريفولى ناحية الشمال هتلاقى نفسكوا بتمروا من امام متحف اللوفر و ينتهى بميدان الكونكورد
و لو عديتوا الشارع للناحية التانية هتلاقى نفسكوا دخلتوا فى منطقة الشاتليه ليهال le chatelet Les Halles
دى من المناطق السياحية و بها محطة مترو بنفس الاسم و نفس محطة المترو عبارة عن مول تجارى تلات ادوار
و فى المنطقة يقع اكبر مركز ثقافى بباريس و هو
مركز چورچ بومبيدو centre georges pompidou
و ده مبنى مفيش فيه طوبة واحدة و به مكتبة دورين و هو مركز ثقافى متكامل
و نفس المنطقة خلف السنتر هى منطقة تجارية سياحية من اروع ما يكون و ستقضون بها وقت ممتع للغاية
حنكمل بكره ان شاء الله اليوم التالت و الأخير من جولتنا الباريسيه
By: Bahaa
#travel_secrets
المهم النهارده حنروح نكمل لف في الحي اللاتيني مرورا بكنيسة نوتردام و حننهي الجولة عند متحف بومبيدو .
تاخذوا مترو رقم ٤ و تنزلو فى محطة
سان چيرمان دى برى saint Germain des près
هتلاقى نفسكوا فى منطقة بها محلات للانتيكات و كنيستها المشهورة و و هنا هتخشوا من شارع بونابرت هتخشوا فيه حوالي ٣٠٠ متر تتفرجوا على محلات الانتيكات و الديكورات
و فى اخره تاخذوا يمين و تمشوا على نفس الرصيف لغاية ما توصلو لمنطقة سان مشيل saint Michel
و الحى اللاتينى و بعد ما تتمشوا فى الحى اللاتينى quartier Latin و ﺍللى تم تسميته بالاسم ده نظراً لان جامعة السربون تقع بجانبه و كانت اللغة المستخدمة للدراسة و المخاطبة بين الطلبة هى اللغة اللاتينية
و بعد ما تتمشوا فى الحى اللاتينى و هو عبارة عن مطاعم و محلات الهدايا التذكارية
هتخرجوا على شارع سان ميشيل boulevard saint Michel
ده من الشوارع المشهورة بباريس و يقع به المركز الثقافى المصرى و يوجد به جنينة لوكسمبورج Jardin de Luxembourg
و دى من الحدائق المشهورة جدا بباريس
و يقع قريباً من الحديقة على يمينها مبنى البانتيون
le panthéon
و تسمى مقبرة العظماء و بها رفات كل من كان له تأثير على الجمهورية الفرنسية أمثال
ألكسندر دوما -لويس باستير- ڤيكتور هيجو
بعد كده يتم الرجوع فى نفس شارع سان ميشيل حتى الحى اللاتينى هتلاقى فى وشه على الجهة التانية كنيسة نوتردام
notre dame de paris
و بعد الاستمتاع بجمال الكنيسة على شمالكوا الحى اللاتينى و ها تمشوا جهة اليمين هتلاقوا مبنى على شمالكوا اسمه السيتيه la Cité و ده بالظبط زى المجمع فى مصر شغلته يعمل جوازات سفر او رخص قيادة او طلب جنسية او ما شابه ذلك لسكان باريس فقط
و على اليمين دار القضاء palais de justice paris
هتكمل مشى بينهم لغاية ما هتلاقى نفسك فى الشارع العمومى اسمه شارع ريفولى Rue de Rivoli
و ده من احلى الشوارع للتمشية و هو عبارة عن مول تجارى ده غير القهاوى و المطاعم و الشارع ده لو مشيتوا فيه للاخر ناحية اليمين هتقعوا على ميدان الباستيل place de la bastille
و فيه كان موجود سجن الباستيل و تم إلغاءه بمجرد ما تلات مساجين قدروا يهربوا منه و أتحول لميدان عادى يضم نصب تذكاري و الأوبرا الجديدة و بعض المطاعم و القهاوى و البارات و الديسكوهات
و لو مشيتوا فى ريفولى ناحية الشمال هتلاقى نفسكوا بتمروا من امام متحف اللوفر و ينتهى بميدان الكونكورد
و لو عديتوا الشارع للناحية التانية هتلاقى نفسكوا دخلتوا فى منطقة الشاتليه ليهال le chatelet Les Halles
دى من المناطق السياحية و بها محطة مترو بنفس الاسم و نفس محطة المترو عبارة عن مول تجارى تلات ادوار
و فى المنطقة يقع اكبر مركز ثقافى بباريس و هو
مركز چورچ بومبيدو centre georges pompidou
و ده مبنى مفيش فيه طوبة واحدة و به مكتبة دورين و هو مركز ثقافى متكامل
و نفس المنطقة خلف السنتر هى منطقة تجارية سياحية من اروع ما يكون و ستقضون بها وقت ممتع للغاية
حنكمل بكره ان شاء الله اليوم التالت و الأخير من جولتنا الباريسيه
By: Bahaa
#travel_secrets