T
Travel Secrets
:: مسافر ::
لو نفسك تسافر تركيا و محتار شوية في موضوع الفيزا , لازم تقرا الموضوع ده 
أسرار إستخراج الفيزا لتركيا
1- التقديم على الفيزا يكون من خلال القنصليه التركيه و دي موجوده في القاهره و في الاسكندريه و علشان الضغط مقسمين اللي من البحيره و طنطا و كفر الشيخ بيروح بتاعه الاسكندريه و اللي من الشرقيه و القليوبيه يروح بتاعه القاهره
2- بتروح السفارة الساعة من 7 الي 8 الصبح تسجل اسمك في كشف عند العسكري اللي علي البوابه علشان بمعني اصح تحجز دور و بعدين تروح و ترجع تاني علي الساعه تسعه و ربع و حيمسك العسكري الكشف و ينظم الناس صف تبعا لترتيب الاسماء اللي في الكشف و طبعا و انت بتسجل ما تنساش تكرمش ورقه بعشره جنيه و تديهالو بعد ما الطابور يترص باب السفاره تفتح الساعه 9.30 و يدخلوا الناس و انت داخل بتتفتش, و تسيب الموبايل بتاعك ,و يديك ورقه بيه ,و يديك الابليكيشن الفاضيه و يديك رقم علشان ينادوك بيه
- تدخل تملي الابليكشن بالانجليزي طبعا و الساعه 10 ينادوا علي الارقام بينادوا كل 5 ارقام مع بعض , لو الاوراق اوكي بيقولك ادفع و يديك رقم و يقولك بعد 3 ايام تعالي من الساعه 2 الي 3 خد الجواز
3- استماره السفاره اللي بتاخدها علي الباب بتكون بالانجليزي و حتلاقي جوه السفاره حاطيين نسخ ترجمه ليها بالعربي يعني ممكن تقرأ بالعربي و تملى استمارتك بالانجليزي وتكتب فيها كل بياناتك وسبب الزيارة ومدة الزيارة بطريقة صحيحة من غير افلام و بلاش تكتب اي كلام و انت بتقدمها للموظف خليك صريح في اجابتك و ثابت , عامة هو مش بايخيين في الاسئله و بيسئلوا اسله سهله و بديهيه قوي
4- بالنسبه للاوراق المطلوبه بتكون أوراق حجز تذاكر الطيران ذهاب وعودة. ممكن تحجز من هنا www.Skyscanner.com في طيران بيطلع من الغردقة وشرم رخيص جداً ممكن يوصل 1200 جنيه ذهاب وعودة علي الطيران التركي منخفض التكاليف ( شركه اسمها بريجسوس ) و دي بتدي وزن للشنطه 20 كيلو بس و من غير وجبات في الطياره و طبعا ممكن تشتري وزن و تشتري الوجبه اون لاين و انت بتحجز , و بتقدم حجز فندق فى تركيا طول فترة الزيارة ودي بسيطة جدا ممكن تحجزها اون لاين من إي موقع بيقدم حجز فنادق مثلا www.booking.com و ميزه الموقع ده انك ممكن تلغي ببلاش الحجز, أو ممكن تحجز هوستيل من هنا: /Get €35 off your first adventure! .
5- طبعا بالنسبه لكشف الحساب هما مش زي اوروبا بيدققوا فيه اوي انما لازم يكون مر عليه 6 اشهر و يكون فيه حركه سحب و ايداع كثيره انشالله اي مبلغ تسحبه او تحطه و يكون فيه رصيد معقول ممكن 20 الف او حاجه و ممكن اقل او اكثر ما فيش مقياس لان الكشف مع باقي الورق بيفرق مع موظف السفاره, و الاتش ار ليتر بتاعك لو موظف بتقدمه و بيكون فيه الراتب و تاريخ التعيين و الوظيفه و لو الموظف شك ان الاتش ار ده مضرووب او شاكك فيه او شركه اي كلام شغال فيها حيقولك هاتلي بقي ورقه من التامينات انك متامن عليك و مبلغ التاميين اللي بيدفع و طبعا يا حلو لان لو الجواب مضروب او شركه مش بتدفع لك تاميين يبقي اتكشفت و لو حاطط مبلغ مرتب مختلف عن مرتبك اللي بيدفع عليه تامينات حيبان لان التامينات الاجتماعيه بتكون نسبه من المرتب فسهل موظف السفاره يعرف مرتبك من التامينات بتاعتك
6- صورتين 4*6 عاديين اي صورتيين و هما بياخدوا الصورتيين و بيرجعوا لك صوره منهم و انت بتسلتم الجواز
7- لو طالب خطاب من المدرسة أو الجامعة إذا كان المتقدم طالبًا. "شهادة قيد من شئون الطلبة"
8- إذا كان المتقدم صاحب عمل يقوم بتقديم السجل التجاري والبطاقة الضريبية. كشف حساب البنك و كده
9- تمن الفيزا 430 جنيه بتدفعهم كاش فى السفارة.
10- لو انت فوق 20 سنه و اقل من 40 سنه او حتي ست بتضطر للاسف انك بتعمل موافقة امنية، العنوان مكتب ظابط الاتصال الدور الثاني في مجمع التحرير، والاوراق المطلوبة (صورة الفيزا - صورة الباسبور) بتطلع في 3 ايام وتكلفتها جنيه وبردو متروحش يوم الأحد أو الخميس لإنها بتكون زحمة جداً و ممكن الزوج يقدم لزوجته
شويه معلومات مهمه :
- لو انت / انتي سنك أقل من 20 سنة وأكبر من 45 سنة بتقدم على الفيزا الإلكترونية من هنا: /Electronic Visa Application System
شروط الفيزا الإلكترونية:
*يكون معاك حجز فندق بالفترة اللى هتقعد فيها فى تركيا و مبلغ 50$ على كل يوم.
* تذاكر طيران ذهاب وعودة على الطيران المصري او علي الطيران التركي
*غرض السفر يكون السياحة و يكون جواز سفرك صالح لمده 6 اشهر
* بتدفع اون لاين تمن الفيزا 20 دولار عن طريق كريدت كارت
*الفيزا بتطبعها بتكون ورقه و بتكون الفيزا صالحه 6 سهور من تاريخ اصدارها و مسموح لك تقعد 30 يوم بس في تركيا
- لو انت معاك فيزا ااتحاد الاوروبي ( شنجن ) صالحه يعني لسه ساريه حضرتك ممكن تحجز اتاشيره اون لين ب 20 دولار مهما كان سنك و نفس الموضوع ينطبق علي فيزا امريكا لو معاك
- لو انت معاك تاشيره تركيا قبل كده و لا تقدم اي اوراق بس جواز السفر بتاعك و خلاص لانه اول سوال بيسئلك معاك تاشيره تركيا قبل كده لما تقوله معايا بيدور عليها في الباسبور و يكتب رقمها في الابليكشين بتاعك و ما بيطلبش ورق لانه بيرجع لملفك الي عندهم برقم اتاشيره اللي كتبه
- لو الست طالعه مع جوزها مش لازم هي تروح اصلا ممكن الزوج يقدم جواز سفرها مع جواز سفره عادي جدا.
- اهم شيء ان السفاره مش بتدي رفض علي الجواز لو هي مش مقتنعه و انت واقف تقول لك هاتلي ورقه كذا او كذا و تعالي لي تاني و طبعا مش بتدفع مصاريف الفيزا تروح تكمل الورق و ترجع تاني ليهم في يوم تاني تقدم و علي فكره ممكن تروح و تيجي كذا مره خصوصوا اصحاب السجلات التجاريه او اللي باسبوره فاضي.
- شركات السياحه كلها ممكن تقدم لك علي التاشيره لو مسافر معاها بس بتاخد منك حوالي 50 جنيه ازيد من تمن التاشيره
By: Amr
#travel_secrets
أسرار إستخراج الفيزا لتركيا
1- التقديم على الفيزا يكون من خلال القنصليه التركيه و دي موجوده في القاهره و في الاسكندريه و علشان الضغط مقسمين اللي من البحيره و طنطا و كفر الشيخ بيروح بتاعه الاسكندريه و اللي من الشرقيه و القليوبيه يروح بتاعه القاهره
2- بتروح السفارة الساعة من 7 الي 8 الصبح تسجل اسمك في كشف عند العسكري اللي علي البوابه علشان بمعني اصح تحجز دور و بعدين تروح و ترجع تاني علي الساعه تسعه و ربع و حيمسك العسكري الكشف و ينظم الناس صف تبعا لترتيب الاسماء اللي في الكشف و طبعا و انت بتسجل ما تنساش تكرمش ورقه بعشره جنيه و تديهالو بعد ما الطابور يترص باب السفاره تفتح الساعه 9.30 و يدخلوا الناس و انت داخل بتتفتش, و تسيب الموبايل بتاعك ,و يديك ورقه بيه ,و يديك الابليكيشن الفاضيه و يديك رقم علشان ينادوك بيه
- تدخل تملي الابليكشن بالانجليزي طبعا و الساعه 10 ينادوا علي الارقام بينادوا كل 5 ارقام مع بعض , لو الاوراق اوكي بيقولك ادفع و يديك رقم و يقولك بعد 3 ايام تعالي من الساعه 2 الي 3 خد الجواز
3- استماره السفاره اللي بتاخدها علي الباب بتكون بالانجليزي و حتلاقي جوه السفاره حاطيين نسخ ترجمه ليها بالعربي يعني ممكن تقرأ بالعربي و تملى استمارتك بالانجليزي وتكتب فيها كل بياناتك وسبب الزيارة ومدة الزيارة بطريقة صحيحة من غير افلام و بلاش تكتب اي كلام و انت بتقدمها للموظف خليك صريح في اجابتك و ثابت , عامة هو مش بايخيين في الاسئله و بيسئلوا اسله سهله و بديهيه قوي
4- بالنسبه للاوراق المطلوبه بتكون أوراق حجز تذاكر الطيران ذهاب وعودة. ممكن تحجز من هنا www.Skyscanner.com في طيران بيطلع من الغردقة وشرم رخيص جداً ممكن يوصل 1200 جنيه ذهاب وعودة علي الطيران التركي منخفض التكاليف ( شركه اسمها بريجسوس ) و دي بتدي وزن للشنطه 20 كيلو بس و من غير وجبات في الطياره و طبعا ممكن تشتري وزن و تشتري الوجبه اون لاين و انت بتحجز , و بتقدم حجز فندق فى تركيا طول فترة الزيارة ودي بسيطة جدا ممكن تحجزها اون لاين من إي موقع بيقدم حجز فنادق مثلا www.booking.com و ميزه الموقع ده انك ممكن تلغي ببلاش الحجز, أو ممكن تحجز هوستيل من هنا: /Get €35 off your first adventure! .
5- طبعا بالنسبه لكشف الحساب هما مش زي اوروبا بيدققوا فيه اوي انما لازم يكون مر عليه 6 اشهر و يكون فيه حركه سحب و ايداع كثيره انشالله اي مبلغ تسحبه او تحطه و يكون فيه رصيد معقول ممكن 20 الف او حاجه و ممكن اقل او اكثر ما فيش مقياس لان الكشف مع باقي الورق بيفرق مع موظف السفاره, و الاتش ار ليتر بتاعك لو موظف بتقدمه و بيكون فيه الراتب و تاريخ التعيين و الوظيفه و لو الموظف شك ان الاتش ار ده مضرووب او شاكك فيه او شركه اي كلام شغال فيها حيقولك هاتلي بقي ورقه من التامينات انك متامن عليك و مبلغ التاميين اللي بيدفع و طبعا يا حلو لان لو الجواب مضروب او شركه مش بتدفع لك تاميين يبقي اتكشفت و لو حاطط مبلغ مرتب مختلف عن مرتبك اللي بيدفع عليه تامينات حيبان لان التامينات الاجتماعيه بتكون نسبه من المرتب فسهل موظف السفاره يعرف مرتبك من التامينات بتاعتك
6- صورتين 4*6 عاديين اي صورتيين و هما بياخدوا الصورتيين و بيرجعوا لك صوره منهم و انت بتسلتم الجواز
7- لو طالب خطاب من المدرسة أو الجامعة إذا كان المتقدم طالبًا. "شهادة قيد من شئون الطلبة"
8- إذا كان المتقدم صاحب عمل يقوم بتقديم السجل التجاري والبطاقة الضريبية. كشف حساب البنك و كده
9- تمن الفيزا 430 جنيه بتدفعهم كاش فى السفارة.
10- لو انت فوق 20 سنه و اقل من 40 سنه او حتي ست بتضطر للاسف انك بتعمل موافقة امنية، العنوان مكتب ظابط الاتصال الدور الثاني في مجمع التحرير، والاوراق المطلوبة (صورة الفيزا - صورة الباسبور) بتطلع في 3 ايام وتكلفتها جنيه وبردو متروحش يوم الأحد أو الخميس لإنها بتكون زحمة جداً و ممكن الزوج يقدم لزوجته
شويه معلومات مهمه :
- لو انت / انتي سنك أقل من 20 سنة وأكبر من 45 سنة بتقدم على الفيزا الإلكترونية من هنا: /Electronic Visa Application System
شروط الفيزا الإلكترونية:
*يكون معاك حجز فندق بالفترة اللى هتقعد فيها فى تركيا و مبلغ 50$ على كل يوم.
* تذاكر طيران ذهاب وعودة على الطيران المصري او علي الطيران التركي
*غرض السفر يكون السياحة و يكون جواز سفرك صالح لمده 6 اشهر
* بتدفع اون لاين تمن الفيزا 20 دولار عن طريق كريدت كارت
*الفيزا بتطبعها بتكون ورقه و بتكون الفيزا صالحه 6 سهور من تاريخ اصدارها و مسموح لك تقعد 30 يوم بس في تركيا
- لو انت معاك فيزا ااتحاد الاوروبي ( شنجن ) صالحه يعني لسه ساريه حضرتك ممكن تحجز اتاشيره اون لين ب 20 دولار مهما كان سنك و نفس الموضوع ينطبق علي فيزا امريكا لو معاك
- لو انت معاك تاشيره تركيا قبل كده و لا تقدم اي اوراق بس جواز السفر بتاعك و خلاص لانه اول سوال بيسئلك معاك تاشيره تركيا قبل كده لما تقوله معايا بيدور عليها في الباسبور و يكتب رقمها في الابليكشين بتاعك و ما بيطلبش ورق لانه بيرجع لملفك الي عندهم برقم اتاشيره اللي كتبه
- لو الست طالعه مع جوزها مش لازم هي تروح اصلا ممكن الزوج يقدم جواز سفرها مع جواز سفره عادي جدا.
- اهم شيء ان السفاره مش بتدي رفض علي الجواز لو هي مش مقتنعه و انت واقف تقول لك هاتلي ورقه كذا او كذا و تعالي لي تاني و طبعا مش بتدفع مصاريف الفيزا تروح تكمل الورق و ترجع تاني ليهم في يوم تاني تقدم و علي فكره ممكن تروح و تيجي كذا مره خصوصوا اصحاب السجلات التجاريه او اللي باسبوره فاضي.
- شركات السياحه كلها ممكن تقدم لك علي التاشيره لو مسافر معاها بس بتاخد منك حوالي 50 جنيه ازيد من تمن التاشيره
By: Amr
#travel_secrets