T
Travel Secrets
:: مسافر ::
تايلاند كما رأيتها ( الجزء التاني) , أسرار السفر الى تايلاند :
جوهرة تايلاند ( جزيرة بوكيت ) :
اللي زار تايلاند و مازارش بوكيت , يبقى لسه ماشفش تايلاند , بوكيت هي أشهر وجهه سياحيه في تايلاند و خاصة لشهر العسل .
بتروحلها بطيارة من بانكوك و المسافه بالطياره حوالي ساعه و ربع , و فيه أكثر من شركه بتروح من بانكوك الى بوكيت زي تاي اير و نوك اير و بانكوك اير و اير اسيا. بوكيت فيها شواطئ كتير زي كاتا و كارون و كمالا و بانج تاو و أشهرهم طبعا شاطئ الباتونج , ( شفت خليج نعمه في شرم أهو الباتونج ده خليج نعمة بتاع بوكيت ) . الفنادق فيها بتناسب كل الأذواق و المستويات لكن أنصحك أنك تسكن في شاطئ الباتونج جنب مجمع الجونسيلون لأن ده جنب المطاعم العربيه و يبعد عن البحر و شارع البنجلا ( مكان السهرات بليل ) حوالي 3 دقايق, . و لكن عموما شاطئ الباتونج بالكامل تقدر تلفه كله مشي و مش حتحتاج فيه أنك تركب أي مواصلات . مع العلم ان المواصله الأشهر هناك هي التوك توك و بكل جدارة , و لكن التوك توك هناك مدلع أخر دلع .
أشهر رحلات بوكيت : بوكيت بتتميز جدا بتنوع رحلاتها ما بين جزر و طبيعه و مغامرات و لكن أشهر رحلاتها :
رحلة جزيرة كورال و جزيرة رايا ( و دي بتروحها بالسبيد بوت و ميزتها انها قريبه من بوكيت مش بعيده فبتقضي معظم الوقت تستمتع بالجزيرة مش زي بي بي ايلاند ) . و فيها بتحس كأنك دخلت بوستر من بوسترات تايلاند و عايش وسط جزر الأحلام بين المياه الزرقا و الرمال البيضاء و النخل على الشاطئ و نسمة الهواء العليلة ☀ B|
رحلة جزيرة جيمس بوند : و دي مختلفه تماما عن كورال ايلاند لأن بتروح في رحلة بين الطبيعه و الجبال و المغارات في وسط البحر, بتدخل جوا كهوف مائيه و تشوف تكوينات صخور بقالها ملايين السنين , و تمشي بالمركب جوا غابات المانجروف . و طبعا بتزور الجزيرة الأشهر ( جزيرة جيمس بوند ) و سموها كده علشان اتصور عليها فيلم من أفلام جيمس بوند man with the golden gun , و للعلم الجزيرة دي كلها مسلمين بوكيت
رحلة جولة جزيرة بوكيت : و بتزور فيها معالم الجزيرة زي الفيو بوينت , و معبد وات شيلونج و بودا الكبير و ده موجود في أعلى نقطه في الجزيرة . و بتزور مصتع الألماس و مصنع الكاجو و مدينة بوكيت القديمة
رحلة الفانتاسي : و دي سهره في عالم الأحلام , عباره عن عرض مسرحي ضخم ( من أكبر 10 عروض على مستوى العالم ) بتتفرج على مسرحيه عن قصة امير كمالا و ازاي الشيطان خطف حبيبته و راح حررها بمساعدة الاله الفيل ( حسب معتقادتهم ) طبعا قصه خرافيه و لكن عرض مبهر بيشترك فيها الحيوانات و الأفيال و عروض الليزر و الصوت في عرض مسرحي هو الأضخم من نوعه في تايلاند , و انصح أي حد بيزور بوكيت انه يزوره , لأنها تجربه مش حتتكرر كتير في العمر , المشكله ان تذكرته غاليه شوية و هي بحوالي 450 جنيه للفرد .
رحلة الرافتنج و ركوب الأفيال : طبعا لازم يبقى ختامها مسك , و دي الصراحه أحلى رحلة في بوكيت للشباب اللي بتحب المغامرة , و فيها بتركب قارب مطاطي يساع 6 اشخاص ( 2 منهم من الشركه ) و بتمشي لمسافة 5 كيلو في نهر سريع بتنزل في شلالات و تدخل في أماكن بين صخور و تدخل في دوامات مائية ( رحلة بالفعل ممتعه ) , و اطمنوا أمنه جدا جدا . بعديها بتروح تركب الأفيال وسط ادغال بوكيت لمدة نص ساعه , و تتفرج على الغابات و الحيوانات , و بعديها بتركب بيتش بجي لمدة نص ساعه . و فيها كمان عروض للأفيال و القرود و بتزور الشلالات و حديقة النباتات الاستوائية . من الاخر رحلة لا تفوت .
رحلة جزيرة بي بي : رحلة لطيفه لأنها الأشهر في بوكيت و لكن ليست الأفضل و ده للاسباب التاليه : بعيده عن بوكيت حوالي 50 دقيقه بالسبيد بوت , بتعد على كل جزيرة حوالي 40 دقيقه فقط مش بتلحق تعمل حاجه , لو الجو هوا و فيه موج , يبقى ليلتك زي الفل . و لأنها الأشهر فهي زحمه جدا جدا . الصراحه لا أنصح بيها بالمرة.
رحلة طرزان : و دي تعتبر من أحدث رحلات بوكيت , و فيها بتعيش حياة طرزان وسط الغابات و بتتنطط بين الأشجار عن طريق حبل , طبعا رحلة تصلح للشباب الجامد اللي بتحب المغامرات.
بوكيت فيها رحلات تانيه كتير أوي زي البانجي و الرماية و الجو كارت .و لكن دول أشهر رحلات تناسب شهر العسل و كمان العائلات .
بالنسبه للسهر في بوكيت : فطبعا أشهر شارع هو شارع البنجلا أو شارع جهنم ( زي ما الخليجيين بيسموه ) طبعا واضح من اسمه حتشوف فيه ايه
نصيحه في بوكيت أوعى تعمل شوبنج لأن أسعارها أغلى 3 أضعاف من بانكوك , و بالنسبه للأكل ففيه مطاعم عربيه زي مطعم القاهره و دبي و الشرق , و فيه كمان محلات شاورما مسلمين كتير و كمان فيه مطاعم فاست فود ممكن تسألهم عن الأكل الحلال , و مطاعم السي فود مغرقه بوكيت .
بخصوص اللي رايحين شهر عسل , و عاوزين شوية رفاهية و خصوصية , فيه فلل بحمام سباحه خاص , و دي فعلا دنيا تانيه من الرفاهيه . لكن نصيحه لو حتروح بوكيت علشان تسمتع بيها, متقضيش كل وقتك في فيلا بحمام سباحه لن اسعاره بردو مش رخيصة , لكن حاول تقسم وقتك ما بين الفيلا و الفندق علشان تطلع منه الرحلات .
نصيحه مهمه لحجز الرحلات السياحيه : لو رايح بردو شهر عسل متجازفش و تحجز من اي مكتب في الشارع , لأن فيه شركات كتير بتطلع الرحله و فيه فرق كبير في مستوى الخدمات ما بين شركه و التانيه , فممكن تفتكر انك طلعت شاطر و وفرت 50 جنيه مثلا , لكن يلبسك في رحلة بمستوى خدمه زي الزفت و يخليك تكره اليوم ده اصلا , انت مش حتروح تايلاند كل يوم , فلو رحت ظبط رحلتك كويس أوي و أحجز مع شركات موثوق فيها
لأن اليوم اللي بيروح في رحلتك مش حيرجع تاني .
( استمتع بكل لحظه في رحلتك صح )
فيه بوستين مهمين أوي على الصفحه و ده اللينك بتاعهم و فيه أسرار عن الوجه الأخر لتايلاند و معلمات حتفيدكم جدا قبل السفر :
/Travel Secrets
/Travel Secrets
و ده لينك الجزء الأول : /Travel Secrets
الكلام لا ينتهي عن الجزيرة الأجمل بوكيت . اتمنى انكم تقولولنا عن مغامراتكم في تايلاند و خصوصا بوكيت .
By: Bahaa
#travel_secrets
جوهرة تايلاند ( جزيرة بوكيت ) :
اللي زار تايلاند و مازارش بوكيت , يبقى لسه ماشفش تايلاند , بوكيت هي أشهر وجهه سياحيه في تايلاند و خاصة لشهر العسل .
بتروحلها بطيارة من بانكوك و المسافه بالطياره حوالي ساعه و ربع , و فيه أكثر من شركه بتروح من بانكوك الى بوكيت زي تاي اير و نوك اير و بانكوك اير و اير اسيا. بوكيت فيها شواطئ كتير زي كاتا و كارون و كمالا و بانج تاو و أشهرهم طبعا شاطئ الباتونج , ( شفت خليج نعمه في شرم أهو الباتونج ده خليج نعمة بتاع بوكيت ) . الفنادق فيها بتناسب كل الأذواق و المستويات لكن أنصحك أنك تسكن في شاطئ الباتونج جنب مجمع الجونسيلون لأن ده جنب المطاعم العربيه و يبعد عن البحر و شارع البنجلا ( مكان السهرات بليل ) حوالي 3 دقايق, . و لكن عموما شاطئ الباتونج بالكامل تقدر تلفه كله مشي و مش حتحتاج فيه أنك تركب أي مواصلات . مع العلم ان المواصله الأشهر هناك هي التوك توك و بكل جدارة , و لكن التوك توك هناك مدلع أخر دلع .
أشهر رحلات بوكيت : بوكيت بتتميز جدا بتنوع رحلاتها ما بين جزر و طبيعه و مغامرات و لكن أشهر رحلاتها :
رحلة جزيرة كورال و جزيرة رايا ( و دي بتروحها بالسبيد بوت و ميزتها انها قريبه من بوكيت مش بعيده فبتقضي معظم الوقت تستمتع بالجزيرة مش زي بي بي ايلاند ) . و فيها بتحس كأنك دخلت بوستر من بوسترات تايلاند و عايش وسط جزر الأحلام بين المياه الزرقا و الرمال البيضاء و النخل على الشاطئ و نسمة الهواء العليلة ☀ B|
رحلة جزيرة جيمس بوند : و دي مختلفه تماما عن كورال ايلاند لأن بتروح في رحلة بين الطبيعه و الجبال و المغارات في وسط البحر, بتدخل جوا كهوف مائيه و تشوف تكوينات صخور بقالها ملايين السنين , و تمشي بالمركب جوا غابات المانجروف . و طبعا بتزور الجزيرة الأشهر ( جزيرة جيمس بوند ) و سموها كده علشان اتصور عليها فيلم من أفلام جيمس بوند man with the golden gun , و للعلم الجزيرة دي كلها مسلمين بوكيت
رحلة جولة جزيرة بوكيت : و بتزور فيها معالم الجزيرة زي الفيو بوينت , و معبد وات شيلونج و بودا الكبير و ده موجود في أعلى نقطه في الجزيرة . و بتزور مصتع الألماس و مصنع الكاجو و مدينة بوكيت القديمة
رحلة الفانتاسي : و دي سهره في عالم الأحلام , عباره عن عرض مسرحي ضخم ( من أكبر 10 عروض على مستوى العالم ) بتتفرج على مسرحيه عن قصة امير كمالا و ازاي الشيطان خطف حبيبته و راح حررها بمساعدة الاله الفيل ( حسب معتقادتهم ) طبعا قصه خرافيه و لكن عرض مبهر بيشترك فيها الحيوانات و الأفيال و عروض الليزر و الصوت في عرض مسرحي هو الأضخم من نوعه في تايلاند , و انصح أي حد بيزور بوكيت انه يزوره , لأنها تجربه مش حتتكرر كتير في العمر , المشكله ان تذكرته غاليه شوية و هي بحوالي 450 جنيه للفرد .
رحلة الرافتنج و ركوب الأفيال : طبعا لازم يبقى ختامها مسك , و دي الصراحه أحلى رحلة في بوكيت للشباب اللي بتحب المغامرة , و فيها بتركب قارب مطاطي يساع 6 اشخاص ( 2 منهم من الشركه ) و بتمشي لمسافة 5 كيلو في نهر سريع بتنزل في شلالات و تدخل في أماكن بين صخور و تدخل في دوامات مائية ( رحلة بالفعل ممتعه ) , و اطمنوا أمنه جدا جدا . بعديها بتروح تركب الأفيال وسط ادغال بوكيت لمدة نص ساعه , و تتفرج على الغابات و الحيوانات , و بعديها بتركب بيتش بجي لمدة نص ساعه . و فيها كمان عروض للأفيال و القرود و بتزور الشلالات و حديقة النباتات الاستوائية . من الاخر رحلة لا تفوت .
رحلة جزيرة بي بي : رحلة لطيفه لأنها الأشهر في بوكيت و لكن ليست الأفضل و ده للاسباب التاليه : بعيده عن بوكيت حوالي 50 دقيقه بالسبيد بوت , بتعد على كل جزيرة حوالي 40 دقيقه فقط مش بتلحق تعمل حاجه , لو الجو هوا و فيه موج , يبقى ليلتك زي الفل . و لأنها الأشهر فهي زحمه جدا جدا . الصراحه لا أنصح بيها بالمرة.
رحلة طرزان : و دي تعتبر من أحدث رحلات بوكيت , و فيها بتعيش حياة طرزان وسط الغابات و بتتنطط بين الأشجار عن طريق حبل , طبعا رحلة تصلح للشباب الجامد اللي بتحب المغامرات.
بوكيت فيها رحلات تانيه كتير أوي زي البانجي و الرماية و الجو كارت .و لكن دول أشهر رحلات تناسب شهر العسل و كمان العائلات .
بالنسبه للسهر في بوكيت : فطبعا أشهر شارع هو شارع البنجلا أو شارع جهنم ( زي ما الخليجيين بيسموه ) طبعا واضح من اسمه حتشوف فيه ايه
نصيحه في بوكيت أوعى تعمل شوبنج لأن أسعارها أغلى 3 أضعاف من بانكوك , و بالنسبه للأكل ففيه مطاعم عربيه زي مطعم القاهره و دبي و الشرق , و فيه كمان محلات شاورما مسلمين كتير و كمان فيه مطاعم فاست فود ممكن تسألهم عن الأكل الحلال , و مطاعم السي فود مغرقه بوكيت .
بخصوص اللي رايحين شهر عسل , و عاوزين شوية رفاهية و خصوصية , فيه فلل بحمام سباحه خاص , و دي فعلا دنيا تانيه من الرفاهيه . لكن نصيحه لو حتروح بوكيت علشان تسمتع بيها, متقضيش كل وقتك في فيلا بحمام سباحه لن اسعاره بردو مش رخيصة , لكن حاول تقسم وقتك ما بين الفيلا و الفندق علشان تطلع منه الرحلات .
نصيحه مهمه لحجز الرحلات السياحيه : لو رايح بردو شهر عسل متجازفش و تحجز من اي مكتب في الشارع , لأن فيه شركات كتير بتطلع الرحله و فيه فرق كبير في مستوى الخدمات ما بين شركه و التانيه , فممكن تفتكر انك طلعت شاطر و وفرت 50 جنيه مثلا , لكن يلبسك في رحلة بمستوى خدمه زي الزفت و يخليك تكره اليوم ده اصلا , انت مش حتروح تايلاند كل يوم , فلو رحت ظبط رحلتك كويس أوي و أحجز مع شركات موثوق فيها
لأن اليوم اللي بيروح في رحلتك مش حيرجع تاني .( استمتع بكل لحظه في رحلتك صح )
فيه بوستين مهمين أوي على الصفحه و ده اللينك بتاعهم و فيه أسرار عن الوجه الأخر لتايلاند و معلمات حتفيدكم جدا قبل السفر :
/Travel Secrets
/Travel Secrets
و ده لينك الجزء الأول : /Travel Secrets
الكلام لا ينتهي عن الجزيرة الأجمل بوكيت . اتمنى انكم تقولولنا عن مغامراتكم في تايلاند و خصوصا بوكيت .
By: Bahaa
#travel_secrets
