T
Travel Secrets
:: مسافر ::
10 اسرار لاختيار المطعم المناسب في السفر :
اساسي عند اي حد فينا مسافر انه ياكل في مطعم مش معقول حنقضيها كله فاست فود ، طيب دي مشكله لان معظم المطاعم اللي بناكل فيها بتكون مطاعم بنقابلها بالصدفه مش بيكون متخطط لينا اننا ناكل فيها و بالتالي ما فيش وقت ندخل اي موقع زي تريب ادفايزر نشوف اراء الناس اللي قبلينا عن المطعم او كده و معظم اختيار المطاعم دي بتكون بناء علي شكلها فبندخلها او بناء علي شكل الاطباق المرسومه علي بابها او بناء علي اسعارها اللي حاطينها علي الباب ، بلاش نتسرع ياريت لان جزء كبير جدا بيختار المطعم الغلط
دي شويه نصايح ممكن تخلينا نتجنب استغلال او نصب المطاعم علينا و الاختيار الصح :
- اولا ابعد تماما عن اي مطعم تلاقي واحد قدامه واقف عمال يقنعك تدخل تاكل فيه عن طريق عرض صور للاطباق فيه او عن طريق عرض اسعار الاطباق او عن طريق يقولك فيه تخفيض ليك حيكون كام في الميه او حنديك مش عارفه ايه ببلاش او الكلام المحفوظ ده لان عاما حتفاجيء عند الحساب بكلام تاني خالص و ما فيش اي حاجه ببلاش و اسعار مبالغ فيها موت
- ثانيا نحاول قدر المستطاع اننا ما ندخلش المطاعم اللي في الاماكن السياحيه يعني في وش متحف او معبد او مزار سياحي مشهور او حتي جنبه لان دي دايما اسعارها اضعاف اسعار المطاعم التانيه ، نبعد عنها تماما
- ثالثا دايما نبعد عن مطعم مش حاطط صوره الطبق اللي حتطلبه و تحتيه سعر الطبق لان معناه انك بتطلب طبق مش عارف شكله او مكوناته حتكون ايه و معرض دايما ساعه الحساب يقول لك اه انت اخترت الطبق ده انما ده الحجم الصغير و انا جبت لك الحجم الكبير
- رابعا مش اي حاجه تتحط لك علي الترابيزه تبقي ببلاش زي العيش او الميه او السلطات لازم تسئل دي بكام و لو مش عايزها تطلب انه يشيلها من الترابيزه و الحساب
- خامسا حاول دايما تختار مطاعم في شوارع جانبيه و مش رئيسييه لان في الشوارع الرئيسيه او الشوارع المشهوره بتكون اغلي كثير من الي في الشوارع الصغيره او الجانبيه
- سادسا دايما اختار مطعم يكون زحمه و مافيهوش مكان لرجل لان ده معناه ان المطعم شغال نار و اكله حلو و اسعاره كويسه
- سابعا دايما اختار مطاعم موجود فيها الاغلبيه اهل البلد مش سياح لان ده معناه انه مش مكان سياحي حينصب علي خلق الله زائد ان اهل البلد اكثر ناس بيكونوا عارفيين المطعم ده كويس و لا لأ .
- ثامنا دايما راجع الحساب كويس قوي و اجمع الحساب وراهم لان ساعات استهبال علي اساس انك سايح و مش بتتكلم اللغه بتاعتهم
- تاسعا اوعي تقع في غلطه مطاعم السمك اللي بتنقي فيها الاسماك و بيحيبها بالكيلو لان في الاخر معظم الوقت يا سمك تاني هو الي بيحي ووزن اقل من اللي قالك عليه يا اما بيكون فيه سرقه علني في السعر المطلوب للسمك.
- عاشرا اوعي تدخل مطعم انت شايف نظافه الترابيزات مش و لابد او نظافه المطعم من بره مش تمام لان لو ده مش نظيف معناها ان 99% منهم نظافه المطبخ اسوء كثير من النظافه الخارجيه
ياريت كلنا ناخد بالنا و بلاش مقوله انا هلكان من اللف و المطعم ده اللي في سكتي و يطلع زي ما يطلع احنا بندفع دم قلبنا في الاكل ده لان الاسعار غاليه جدا مقارنه بمصر نظرا لفرق العمله
ادعو لنا بقي و شيروا البوست
By: Amr
#المطاعم_في_الخارج
@travel_secrets
اساسي عند اي حد فينا مسافر انه ياكل في مطعم مش معقول حنقضيها كله فاست فود ، طيب دي مشكله لان معظم المطاعم اللي بناكل فيها بتكون مطاعم بنقابلها بالصدفه مش بيكون متخطط لينا اننا ناكل فيها و بالتالي ما فيش وقت ندخل اي موقع زي تريب ادفايزر نشوف اراء الناس اللي قبلينا عن المطعم او كده و معظم اختيار المطاعم دي بتكون بناء علي شكلها فبندخلها او بناء علي شكل الاطباق المرسومه علي بابها او بناء علي اسعارها اللي حاطينها علي الباب ، بلاش نتسرع ياريت لان جزء كبير جدا بيختار المطعم الغلط
دي شويه نصايح ممكن تخلينا نتجنب استغلال او نصب المطاعم علينا و الاختيار الصح :
- اولا ابعد تماما عن اي مطعم تلاقي واحد قدامه واقف عمال يقنعك تدخل تاكل فيه عن طريق عرض صور للاطباق فيه او عن طريق عرض اسعار الاطباق او عن طريق يقولك فيه تخفيض ليك حيكون كام في الميه او حنديك مش عارفه ايه ببلاش او الكلام المحفوظ ده لان عاما حتفاجيء عند الحساب بكلام تاني خالص و ما فيش اي حاجه ببلاش و اسعار مبالغ فيها موت
- ثانيا نحاول قدر المستطاع اننا ما ندخلش المطاعم اللي في الاماكن السياحيه يعني في وش متحف او معبد او مزار سياحي مشهور او حتي جنبه لان دي دايما اسعارها اضعاف اسعار المطاعم التانيه ، نبعد عنها تماما
- ثالثا دايما نبعد عن مطعم مش حاطط صوره الطبق اللي حتطلبه و تحتيه سعر الطبق لان معناه انك بتطلب طبق مش عارف شكله او مكوناته حتكون ايه و معرض دايما ساعه الحساب يقول لك اه انت اخترت الطبق ده انما ده الحجم الصغير و انا جبت لك الحجم الكبير
- رابعا مش اي حاجه تتحط لك علي الترابيزه تبقي ببلاش زي العيش او الميه او السلطات لازم تسئل دي بكام و لو مش عايزها تطلب انه يشيلها من الترابيزه و الحساب
- خامسا حاول دايما تختار مطاعم في شوارع جانبيه و مش رئيسييه لان في الشوارع الرئيسيه او الشوارع المشهوره بتكون اغلي كثير من الي في الشوارع الصغيره او الجانبيه
- سادسا دايما اختار مطعم يكون زحمه و مافيهوش مكان لرجل لان ده معناه ان المطعم شغال نار و اكله حلو و اسعاره كويسه
- سابعا دايما اختار مطاعم موجود فيها الاغلبيه اهل البلد مش سياح لان ده معناه انه مش مكان سياحي حينصب علي خلق الله زائد ان اهل البلد اكثر ناس بيكونوا عارفيين المطعم ده كويس و لا لأ .
- ثامنا دايما راجع الحساب كويس قوي و اجمع الحساب وراهم لان ساعات استهبال علي اساس انك سايح و مش بتتكلم اللغه بتاعتهم
- تاسعا اوعي تقع في غلطه مطاعم السمك اللي بتنقي فيها الاسماك و بيحيبها بالكيلو لان في الاخر معظم الوقت يا سمك تاني هو الي بيحي ووزن اقل من اللي قالك عليه يا اما بيكون فيه سرقه علني في السعر المطلوب للسمك.
- عاشرا اوعي تدخل مطعم انت شايف نظافه الترابيزات مش و لابد او نظافه المطعم من بره مش تمام لان لو ده مش نظيف معناها ان 99% منهم نظافه المطبخ اسوء كثير من النظافه الخارجيه
ياريت كلنا ناخد بالنا و بلاش مقوله انا هلكان من اللف و المطعم ده اللي في سكتي و يطلع زي ما يطلع احنا بندفع دم قلبنا في الاكل ده لان الاسعار غاليه جدا مقارنه بمصر نظرا لفرق العمله
ادعو لنا بقي و شيروا البوست
By: Amr
#المطاعم_في_الخارج
@travel_secrets