عندي صديقه بولنديه تعرفت عليها لما كنت في...

[Ali Fakree Eldin ElSallabi]

عندي صديقه بولنديه تعرفت عليها لما كنت في بولندا وتلاقيت معاها كم مره في اوروبا حضرنا احتفالات بتاع Djs وهكي ...
المهم اليوم نحكي معاها قالتلي في حفله الاسبوع الجاي في امستردام
وهيا ماشيه غادي وسألتني كان نقدر انجي #الاسبوع_الجاي لهولندا عشان نحضر الحفله عشان عارفتني انحب ال dj الي داير الحفله

الاسبوع الجاي
الاسبوع الجاي
خذيت نفس عميق وبديت نحكيلها في المعاناه بتاعتي

قلتلها التاشيره بروحها تبيلها اسبوعين او اكثر ونسبه الرفض 70 في الميا ولازم انسافر برا بلادي عشان اندير التاشيره والدولار عندنا ب 6 المهم حسستها بالمعاناه كلها وبادق التفاصيل
سكتت اشويه
وبعدها دزتلي السمايل هذا وخلاص

ومقالتش ولا كلمه اخري
حست بمعاناتي المسكينه

#معاناه_الشعب_الليبي
#ارفعو_الحصار_عن_الدولار
#ناس_رايقه_وناس_مدايقه

 

[Aml Othman]

ناس رايقه وناس مدايقه حسيتها اغنيه ولحنتها اخرى

 

[Doly K Mohammed]

هههههههههههه انصدمت

 

[Bôfå Al-Mahmoudi]

نعدي بدالك

 

[Mouna M Mailod]

مش فاضية تسمع معاناتك

 

[Sherihan Benghuzi]

مقطوعة القول مسكينه

 

[Inassa Jawhar]

ماﻻ مسكينه شنو تبى اتدير، اظنى اﻻجواء هدينا هي اتشوف فيهن فى افلام ومسلسلات العالم التالت ههههههههه

 

[Hanan Sh]

نكدت عليها وهي مش بتاعت نكد

 

[Maro Dida]

كان الدي جي دافيد چوتا تقعد قهرتني حتى أنا

 

[Tato Banka]

ههههههه كاني كيفك راه كذبت عليها وقلتلها لاوالله مانقدر عندي حفلة ومستحيل نفوتها في my home town لفرقة Libyan Army VS. ISIS و يقام الحفل فيQanfouda front line

 

[Manal Hwidy]

عدي اطمن عليها را تطلع انتحرت

 

[Suss Abidi]

مأساة بصراحه

 

[Mohamed Aldrsse]

منو ال Dj

 

[Juri Ghaith]

مكانها درتلك حظر

 

[Wo Odi]

اكيد مسكينة ركبتها الكآبة

 

[Nami Cloud]

ههههههههه نفس الجو دينا يسئلو فيا اصديقائي امتى اتجي الصيف لازم اتجي تعالي تعالي عندكم حرب تعالي هههه وكل واحد نحكيله نفس قصتك هذي هههه ومشكله يبرم يبرم و يرد اخرى يقولي ونحكيله من جديد لين تعبت نفسيتي

 

[Nadeen Birween]

تعبتلها نفسيتها

 

[Fouzia Elhassi]

هضى موش مشكلتك ابروحك مشكله الشباب كلهم ربي ايفرج عليهم وعلينا الواحد من الضغط ايفكر يمشي هجرة غير شرعيه بالك تصدف امعاه

 

[Dody Bayou]

ربي يفرج عالبلاد ونقدروا انسافروا قريبا

 

[Fatoom BK]

الله غالب علينا