A
Ali Fakree Eldin ElSallabi
:: مسافر ::
مسائكم سعيد اعضاء قروبي النزيكين
كيف معودتكم كل بعد فتره نحكيلكم في قصه جديده من اسفاري اليوم نبي نحكيلكم قصه اسمها قصه #الشايب
اول حاجه القصه هذي صارت في ليبيا مش في اي مكان اخر
في سنه 2013 عشان كنت انحب السفر بشكل غير طبيعي كان الدوام بتاعي من ال 9 في الصبح لل 3 وبعد منكمل شغل منعديش للحوش انتريح او نرقد
كنت انعدي للسفاره المالطيه في فندق تيبستي في البلاد ونقعد انساعد فيهم في الشغل بتاعهم نظرا لعلاقتي القويه بالسفير ومراته في ذلك الوقت
كان شغلي معاهم اكثره ترجمه او تنسيق ملفات او تلصيق استكرات الفيزا ع الجوازات وكنت اندير فيه من غير مقابل . فقط عشان انعيش وانتنفس سفر حتا وانا مش مسافر
المهم
في يوم من الايام جاني شايب كبير هوا والعزيز بتاعه
وقالي يا وليدي انتا تحكي انجليزي ؟
قتله تفضل يا حاج
قاللي تعال نبيك اترجملي
المهم قاللي نبي نحكي مع السفير
قتله هذي مرات السفير احكي معاها الي تبيه
بدا الشايب يحكي لمرات السفير
انا عندي كذا ومريض بكذا وكذا وقصه حزينه وانا انترجم
مرات السفير بحتت فيا باستغراب وقالتلي
قول للشايب ان نحنا سفاره مش مستشفي
يعني حضرته شن يبي بالضبط ؟
نقلت كلامها للشايب
قاللي اسألها شنو افضل دوله للعلاج
ردت عليه مرات السفير وقالتله المانيا
وبكل ثقه وعنطزه وقوه شخصيه
خذا الشايب جوازه وجواز مراته وعزقهن ع الطاوله الي بينه وبين مرات السفير وقاللها
#نبو_اثنين_المانيا
وانا انترجم طبعا وطايح علي روحي من الضحك
ووضحت للشايب ان اولا هذه السفاره المالطيه مش الالمانيه
ثانيا متقدرش تطلب التاشيره هكي كأنك طالب اثنين شاورما زياده مايونيز في اوراق وملفات ومستندات وصداع كبير لازم اتديره
المهم الشايب مسكين استك بالمعلومات هذينا وقاللي منسحابهش حسبه هكي تو انعدي انعاين في مستشفي الجلاء خيرلي
وهذي قصه #الشايب انشالله عجبتكم
كيف معودتكم كل بعد فتره نحكيلكم في قصه جديده من اسفاري اليوم نبي نحكيلكم قصه اسمها قصه #الشايب
اول حاجه القصه هذي صارت في ليبيا مش في اي مكان اخر
في سنه 2013 عشان كنت انحب السفر بشكل غير طبيعي كان الدوام بتاعي من ال 9 في الصبح لل 3 وبعد منكمل شغل منعديش للحوش انتريح او نرقد
كنت انعدي للسفاره المالطيه في فندق تيبستي في البلاد ونقعد انساعد فيهم في الشغل بتاعهم نظرا لعلاقتي القويه بالسفير ومراته في ذلك الوقت
كان شغلي معاهم اكثره ترجمه او تنسيق ملفات او تلصيق استكرات الفيزا ع الجوازات وكنت اندير فيه من غير مقابل . فقط عشان انعيش وانتنفس سفر حتا وانا مش مسافر
المهم
في يوم من الايام جاني شايب كبير هوا والعزيز بتاعه
وقالي يا وليدي انتا تحكي انجليزي ؟
قتله تفضل يا حاج
قاللي تعال نبيك اترجملي
المهم قاللي نبي نحكي مع السفير
قتله هذي مرات السفير احكي معاها الي تبيه
بدا الشايب يحكي لمرات السفير
انا عندي كذا ومريض بكذا وكذا وقصه حزينه وانا انترجم
مرات السفير بحتت فيا باستغراب وقالتلي
قول للشايب ان نحنا سفاره مش مستشفي
يعني حضرته شن يبي بالضبط ؟
نقلت كلامها للشايب
قاللي اسألها شنو افضل دوله للعلاج
ردت عليه مرات السفير وقالتله المانيا
وبكل ثقه وعنطزه وقوه شخصيه
خذا الشايب جوازه وجواز مراته وعزقهن ع الطاوله الي بينه وبين مرات السفير وقاللها
#نبو_اثنين_المانيا
وانا انترجم طبعا وطايح علي روحي من الضحك
ووضحت للشايب ان اولا هذه السفاره المالطيه مش الالمانيه
ثانيا متقدرش تطلب التاشيره هكي كأنك طالب اثنين شاورما زياده مايونيز في اوراق وملفات ومستندات وصداع كبير لازم اتديره
المهم الشايب مسكين استك بالمعلومات هذينا وقاللي منسحابهش حسبه هكي تو انعدي انعاين في مستشفي الجلاء خيرلي
وهذي قصه #الشايب انشالله عجبتكم
