T
Travel Secrets
:: مسافر ::
اسرار حجز الفنادق في السفر
يعتبر الفندق ده اهم خطوه في السفر و السفريه ممكن تبوظ لو طلع الفندق اي كلام عكننه ما بعدها عكننه و ميزانيه الفندق بتيجي تاني ميزانيه بعد تذاكر السفر يعني بندفع فيه كثير وبالتالي بنزعل اوي لو طلع وحش او بنفرح اوي لو طلع جامد , تعالوا مع بعض نشوف ازي نحجز الاوتيل و احنا مغمضيين و يكون اختيار صح الصح :
- اولا الفندق لازم يتم حجزه بدري بدري يمكن اول حاجه في الرحله لان كل ما كان الحجز بدري كل ما كان سعره اقل و لو مش واثقيين بقي اننا حناخد التاشيره او من الميعاد نحجزه من موقع زي بوكيينج و الدفع يكون عند الوصول للاوتيل حتي نعرف نلغيه من غير ما نغرم فلوس
- ثانيا اول خطوه اننا نشوف الفندق ده موقعه فين لازم ننقي فندق دايما جنب محطه مترو او محطه اوتوبيس و جنب يعني ما يبعدش اكثر من 500 متر عن المحطه لان ده حيفرق معانا جدا, لان كل تحركاتنا في السفر بتكون عن طريق مواصلات عامه مش تاكسي
- ثالثا حاول دايما نختار اوتيل بعيد عن السيتي سنتر انشالله في اطراف البلد بس يكون جنبه مواصلات زي ما اتفقنا لان كل ما بعدت عن السيتي سنتر كل ما سعر الفندق بيقل جدا و انت اصلا و انت مسافر بتسيب الفندق الصبح و بترجعه بليل فايه المشكلهانه بعيد طالمه نوفر شويه فلوس حلويين و نختار فندق بعيد و المواصلات العامه نص ساعه و نكون في السيتي سنتر و انتم عارفيين مواصلاتهم مريحه جدا
- رابعا اي فندق لازم ندخل علي موقع زي تريب ادفايزر و نتفرج علي اراء النزلاء فيه ايه و نقرء كل نقطه و نشوف ايه الحاجات المشتركه اللي الأغلبيه شايفين انها سيئة فيها او كله بيشكر فيها و دايما نبعد عن اي راي لحد اول مره يكتب تعليق علي فندق في موقع تريب ادفايزر لان ده معناه تعليقه مشكوك فيه
- خامسا دايما ما نعتمدش علي صور الفندق اللي موجوده علي موقعه او علي موقع بوكينج , الأفضل ندخل موقع تريب ادفايزر و نشوف الصور اليي واخدها النزلاء بنفسهم و حاطينها
- سادسا نحاول دايما نوازن احنا عايزيين ايه يعني ممكن فندق مكانه تحفه و نظيف و كده و فطاره سيء جدا فلو انت اصلا من الناس اللي بتفطر بيض مسلوق و حتتين جبنه خلاص اختاره ما انت بتاكل اساسيات مش محتاجه حلو من سيء و ممكن فندق فطاره هايل و موقعه بعيد لو انت اكيل و شايف ان وجبه الفطار اهم وجبه و انا حعيش عليها طول اليوم يبقي اختاره
- سابعا : دايما في اي فندق لما توصل تقول للريسبشن وريني اكثر من اوضه و اختار منها ما تعتمدش علي اللي هو يختار لك انا دايما بعمل كده و فعلا اي فندق في اوض احسن من اوض بمعني في اوض اكبر من التانيه او لها بلكونه و التانيه لا او بتكون في دور علوي بعيد عن دوشه او بتكون بتطل علي شارع و المنظر حلو و حاجات كده انشالله تشوف 5 قوض انت حر, و لكن خليك عارف أن الغرف بردو مستويات و كل غرفه ليها سعر , يعني أكيد الغرفه اللي فيها بلكونه تكون أغلى من اللي بدون . و اللي بتطل على البحر أغلى من اللي بتطل على حديقة مثلا.
و دايما افتكر المثل بتاع
“ You Get what you paid for “
يارب نكون افدناكم و شيروا بقي البوست و ادعولي
By: Amr
#travel_secrets
#أسرار_اختيار_الفندق
يعتبر الفندق ده اهم خطوه في السفر و السفريه ممكن تبوظ لو طلع الفندق اي كلام عكننه ما بعدها عكننه و ميزانيه الفندق بتيجي تاني ميزانيه بعد تذاكر السفر يعني بندفع فيه كثير وبالتالي بنزعل اوي لو طلع وحش او بنفرح اوي لو طلع جامد , تعالوا مع بعض نشوف ازي نحجز الاوتيل و احنا مغمضيين و يكون اختيار صح الصح :
- اولا الفندق لازم يتم حجزه بدري بدري يمكن اول حاجه في الرحله لان كل ما كان الحجز بدري كل ما كان سعره اقل و لو مش واثقيين بقي اننا حناخد التاشيره او من الميعاد نحجزه من موقع زي بوكيينج و الدفع يكون عند الوصول للاوتيل حتي نعرف نلغيه من غير ما نغرم فلوس
- ثانيا اول خطوه اننا نشوف الفندق ده موقعه فين لازم ننقي فندق دايما جنب محطه مترو او محطه اوتوبيس و جنب يعني ما يبعدش اكثر من 500 متر عن المحطه لان ده حيفرق معانا جدا, لان كل تحركاتنا في السفر بتكون عن طريق مواصلات عامه مش تاكسي
- ثالثا حاول دايما نختار اوتيل بعيد عن السيتي سنتر انشالله في اطراف البلد بس يكون جنبه مواصلات زي ما اتفقنا لان كل ما بعدت عن السيتي سنتر كل ما سعر الفندق بيقل جدا و انت اصلا و انت مسافر بتسيب الفندق الصبح و بترجعه بليل فايه المشكلهانه بعيد طالمه نوفر شويه فلوس حلويين و نختار فندق بعيد و المواصلات العامه نص ساعه و نكون في السيتي سنتر و انتم عارفيين مواصلاتهم مريحه جدا
- رابعا اي فندق لازم ندخل علي موقع زي تريب ادفايزر و نتفرج علي اراء النزلاء فيه ايه و نقرء كل نقطه و نشوف ايه الحاجات المشتركه اللي الأغلبيه شايفين انها سيئة فيها او كله بيشكر فيها و دايما نبعد عن اي راي لحد اول مره يكتب تعليق علي فندق في موقع تريب ادفايزر لان ده معناه تعليقه مشكوك فيه
- خامسا دايما ما نعتمدش علي صور الفندق اللي موجوده علي موقعه او علي موقع بوكينج , الأفضل ندخل موقع تريب ادفايزر و نشوف الصور اليي واخدها النزلاء بنفسهم و حاطينها
- سادسا نحاول دايما نوازن احنا عايزيين ايه يعني ممكن فندق مكانه تحفه و نظيف و كده و فطاره سيء جدا فلو انت اصلا من الناس اللي بتفطر بيض مسلوق و حتتين جبنه خلاص اختاره ما انت بتاكل اساسيات مش محتاجه حلو من سيء و ممكن فندق فطاره هايل و موقعه بعيد لو انت اكيل و شايف ان وجبه الفطار اهم وجبه و انا حعيش عليها طول اليوم يبقي اختاره
- سابعا : دايما في اي فندق لما توصل تقول للريسبشن وريني اكثر من اوضه و اختار منها ما تعتمدش علي اللي هو يختار لك انا دايما بعمل كده و فعلا اي فندق في اوض احسن من اوض بمعني في اوض اكبر من التانيه او لها بلكونه و التانيه لا او بتكون في دور علوي بعيد عن دوشه او بتكون بتطل علي شارع و المنظر حلو و حاجات كده انشالله تشوف 5 قوض انت حر, و لكن خليك عارف أن الغرف بردو مستويات و كل غرفه ليها سعر , يعني أكيد الغرفه اللي فيها بلكونه تكون أغلى من اللي بدون . و اللي بتطل على البحر أغلى من اللي بتطل على حديقة مثلا.
و دايما افتكر المثل بتاع
“ You Get what you paid for “
يارب نكون افدناكم و شيروا بقي البوست و ادعولي
By: Amr
#travel_secrets
#أسرار_اختيار_الفندق
