عارفين كمية الفرح يلي نشعر بيها وأنا نشوف في...

[Swiss Ice]

عارفين كمية الفرح يلي نشعر بيها وأنا نشوف في ناس هكي❤ خص نص لو كانن من فئة الإناث.
الدجميل في الأمر أن مثل هزه الأخبار، قادرة بشكل أو بآخر على تغيير أفكار وغرس طموحات جديدة في حياة الجنسين^^
دجميلة هلبة الصبية ومضمونها راااائع جدا، ربي يحفظها لأهلها ❤❤❤❤❤❤❤❤
أخيرا، فقط حبيت نعطي نصيحة
(ماتحاولوش قراءة جميع التعليقات، عشان فيها سموم قادرة على إرجاعنا لعصور التخلف والظلام الحالك والسوداوي!!)

 

[Do Sa]

شفت امس بعض تعليقات لتخليك تسالي نفسك احني في اما سنه بالله ؟ ونوعية هادم قاعدين منقرضوش؟
مستحيل صراحه ع عموم هذا شي جميل وهيا اختارت شي تحبه وقدرت اتحققه
برافو ليها وموفقة

 

[Esso Mîlaŋìstã]

بطلة هذي
ربي يفتحها عليها و توصل للي تبيه و تقعد احسن و احسن
و اللي يعلقو هذوما زومبي مايعرفوش شن معني تحلم و ماتفقدش الامل عشان حلمك ..
و اللي وجعني ف التعليقات العنصر النسائي اللي جاي ضدها ، و اللي متخفيات وراء حجة الحوش و العيلة و هذا اشرف شغل و مفروض تكملي حياتك فيه !! هذي برضو ح تفتح حوش و ح تربي عيالها احسن من اي وحدة ماتعدش طموحها سقف منزلها ..

سكوزا دويت واجد قاهراتني التعليقات

 

[Nora Ahmed]

ماشاء الله عليها ربي يوفقها ويوفقك حتي انتي في جميع طموحاتك البسيطة والمجنونة

 

[Nora Ahmed]

وجميلة البنية <3

 

[Aml Othman]

انا عجبتني بكل عشان كان خاطري نقرا طيران مدني وما قدرتش بس هيا اثبتت انه نحن فئة الاناث نقدرو ومش مستحيل

 

[Orayda S. Gaderbouh]

الصور مش لها البنت نعرفها شخصيا و المعلومات فيهن أخطاء و محتاج تصحيح البوست و ربي يوفقها و تحقق كل ما تطمح له

 

[Nony Ali]

الله عليها❤ربي يوفقها وان شاءالله نشوف منها واجد في ليبيامافيش شعور أجمل من انك تحلمي بشيء ويتحققوبالنسبة للناس الي تعلق تعليقات سلبية وليش البنت مش متحجبة ووو مش عارفه امتى بس يرتقو ويكونو في حالهم والله مش كل شيء المظهر الخارجي وربي يعلم بالنوايا

 

[Mahmod Besha Bozawa]

دجميله الطياره و دجميله البنت ..

 

[Sam Salla]

بوست دجميل

 

[Mohamed Aldrsse]

من لاخير

 

[Idris Lagum]

البنت معانا فالقروب علي فكرة ، مشاء الله عليها فعلا ، بس المعلومات مغلوطة .

 

[Ragheď Taher]

ماشاء الله عليها ❤
محلاه اللي يدير هدف في حياتة ويحققة

 

[Mohamed Alzwai]

شوف يا صديقي ... انا في مجال الطيران ليا 7 سنوات .. ونحن كطيارين نعرفوا بعضنا كلنا تقريبا فمالك بالعنصر النسائي .. التعليقات في البوست لربما لم تعجبك ولكن ( الكذب ) الموجود في البوست نفسه أعجبك ... لوا كانت حقيقية لكنا شجعناها كلنا ولكن لما اتكون الكلام الفوق كله كذب اكيد مافيش حد ح يقبل بيه ... هما بنتين فقط طيارات وحاليا ايطيروا .. كلثوم النفار و ليلى الجرنازي ... ياعزيزي رخصة ال ppl هيا زي الابتدائية في المدرسة رخصة ال ppl تعتبر لهواة الطيران فقط وللطائرات الصغيرة ذو 4 مقاعد او مقعدين ... فما بالك بالايرباص 320 !!!! كلام كله وهم في وهم ...

 

[Mohamed Alzwai]

وللعلم مافيش ولا صورة لها في البوست .. وحده لي بنت تركية و إماراتية و بحرينية ...

 

[Alaa A Taher]

ربي يحفظها رشا وان شاء الله من تقدم لتقدم لانها بجد انسانه تستاهل وتعتبر من الطلبه المتفوقين ايام دراستها في راس لانوف
مع العلم ان الصوره مش لها وفيه اشويا معلومات يبن تصحيح بس فرحتلك واااااجد يا رشا

 

[Yousra Ali]

ماشاء الله الله أكبر
ربي يحفظها ♡♡♡

 

[Ahmed Abd-Eljalil]

الادمن وهمي
صورة مسروقة لبنت اماراتية شايفها ع تويتر

 

[Nami Cloud]

خزي تعليقات بعض الناس الرجعيين يقرفو خزي عليك حياة وين انتو مزلتو عايشين في اين قرن

 

[Swiss Ice]

طيب ، والله أعتذر هلبة عشان أنا فقط نقلت منشور شفته بعيني ولا نعرف صاحبته ولا مدينتها ولا أنا من سكان منطقتها ولا أعجبت بصورتها صراحة^^
أنا فقط حبيت نعمل لفتة على النجاحات الدجميلة يلي أغلبها من المدن الشرقية صراحة ومن ضمنها هزا النجاح ❤
وفقط وبس والله