T
Travel Secrets
:: مسافر ::
استرجع 18% من قيمة مشترياتك و انت راجع من رحلتك
TAX FREE ( VAT )
الموضوع ده مهم جدا للستات اللي مغرمين شوبينج و هما مسافريين بره مصر و برضه مهم جدا للرجاله اللي بيغرموا تمن الشوبينج بتاع مراتاتهم
، فيه اسرار عن ازاي ترجع جزء من فلوس الشوبينج عن طريق انك بتاخد تاني الضرايب اللي كانت مضافه علي سعر السلعه اللي اشتريتها و انت جوه البلد و بتاخد الفلوس و انت طالع من المطار و الموضوع ده للناس اللي مجانين شوبينج حيكون مبلغ محترم ،يعني يا حلاوتهم حيدونا فلوس و احنا ماشيين – ايوه حيدوكم انما ما يدخلش في اللعبه دي فلوس اوتيل او مطاعم او مزارات لازم تكون سلع من محلات معينة
اسرار ارجاع ضرائب مشتروات :
- اولا مش كل دول العالم فيها موضوع التكس فري او الفات فيه 130 دوله في العالم فيها الموضوع ده اشهرهم دول الاتحاد الاوربي جميعا و تركيا و استراليا و انجلترا و ماليزيا و لبنان و قبرص .......الخ
- :ثانيا لازم تكون مسافر بره الدول دي الي دول تانيه ما فيهاش تاكس فري يعني مثلا طالع من فرنسا لمصر او طالع من المانيا للدبي .... كدا يعني
- ثالثا لازم تعرف ان فيه شروط يعني كل دوله حاطه شرط المبلغ اللي تشتري بيه علشان تاخد الضرايب و انت خارج و الشرط ده معناها انك في نفس الفاتوره من نفس المحل ما تقلش عن مبلغ معين مثلا تركيا 108 ليره في المره يعني مش تروح و تيجي من نفس المحل في نفس اليوم او كل يوم و تشتري ب 20 او 30 ليره و تيجي تقول انا كملت ال108 ليره اخد بقي و انا طالع الضرايب لا لازم في المره الواحده مشترياتك ما تقلش عن 108 ليره يعني ممكن مره تشتري ب 200 و مره ب 180 و مره ب 120 كده يعني و دوله زي اليونان مشترواتك ما تقلش في المره عن 120 يورو اما باريس 175 يورو و انجلترا 30 استرليني و لبنان 150 الف ليره و ماليزيا 300 رينجت
- رابعا مش كل المحلات بتقدم التاكس فري في الدوله لازم يكون المحل حاطط علامه التاكس فري علي الباب و في الحاله دي و انت بتحاسب بتقوله عايز وصل لتاكس فري فبيديك وصل بمشترواتك و قيمتها و قيمه الضريبه اللي حترجع لك و يحطه جوه ظرف تقدمه في المطار
- في محلات كثيره و هي الماركات الكبيره بتديك فلوس التاكس فري و انت واقف بتحاسب بس يا حلو بتديلهم كارت الفيزا بتاعك علشان لو ما طلعتش بالمشتروات دي بره البلد يخصموا منك الفلوس تاني و في محلات جوه مولات بعد ما تخلص الشراء تروح في مكتب في المول بتقدم علي التاكس فري و تاخد فلوسه كاش و انت واقف بس يا حلو في الحالات دي لازم تكون ماشي بالباسبور بتاعك في ايدك و برضه بتدي لهم كارت الفيزا
- و انت في المطار بقي بيكون معاك كل وصولات التاكس فري تحطها كلها جنب بعض و الحاجات كلها اللي اشتريتها تكون الموجوده في شنطه واحده لانهم بيراجعوا الحاجات دي من الوصل انها موجوده في ( يعني ممكن تفتح الشنطه و تفرش و تدور عل اللي هو عايزه و لازم تكون الحاجه بالتيكت مش لبستها و تقول هي دي لا لسه بشوكها و لفيتها و لو موبايل يبقي بعلبته مقفول ) و قبل ما تطلع الشنط في البوردينج روح مكتب التاكس فري و قدم الوصولات ووريهم الحاجات لو طلبوا غالبا اللبس مش بيشوفوه غير في اسطنبول انما بيشوفوا ساعات و موبايلات او اي حاجه غاليه حبتين في اي دوله
- الفلوس اللي بترجع لك برضه بتختلف من دوله لتانيه بس عاما بتكون كالاتي : فرنسا 12% ترجع من مشترواتك و المانيا 11% ، قبرص 9% ، ماليزيا 5% و بتختلف طبعا يعني الموبايلات غير الهدوم غير الساعات غير الدهب و طبعا الالكترونيات اغلي حاجه عليها ضرايب ممكن يرجع لك 18% و اقل حاجه اللبس يرجع لك 4% و طبعا برضه النسب دي بتختلف من دوله لدوله و طبعا فيه مصاريف بتتاخد يعني مش شرط النسبه كلها راجعه ليك لان غالبا في المطارات شركات خاصه هي اللي بتعمل لك موضوع التاكس فري و بياخدوا عموله
- طيب لو احنا مثلا كنا في روما و طلعنا منها لباريس و اشترينا من روما بالعبيط طيب نطلب التاكس فري ازاي اذ كنا احنا بنسافر طيران داخلي و مش طالعيين بره دول الاتحاد الاوربي ، يبقي يا حبيببنا في الحاله دي بتقدم التاكس فري في مطار باريس اللي هو اخر نقطه طالع منها بره دول الاتحاد الاوروبي
يارب نكون افدناكم و لو عايزيين تعرفوا كل دوله تتاحاسبوا علي كام ده موقع بتاع التاكس فري اختار الدوله و حط المبلغ اللي اشتريت بيه و حيظهر لك المبلغ اللي حتاخده تاني
/Refund Calculator
By: Amr
#tax_free
TAX FREE ( VAT )
الموضوع ده مهم جدا للستات اللي مغرمين شوبينج و هما مسافريين بره مصر و برضه مهم جدا للرجاله اللي بيغرموا تمن الشوبينج بتاع مراتاتهم
، فيه اسرار عن ازاي ترجع جزء من فلوس الشوبينج عن طريق انك بتاخد تاني الضرايب اللي كانت مضافه علي سعر السلعه اللي اشتريتها و انت جوه البلد و بتاخد الفلوس و انت طالع من المطار و الموضوع ده للناس اللي مجانين شوبينج حيكون مبلغ محترم ،يعني يا حلاوتهم حيدونا فلوس و احنا ماشيين – ايوه حيدوكم انما ما يدخلش في اللعبه دي فلوس اوتيل او مطاعم او مزارات لازم تكون سلع من محلات معينة اسرار ارجاع ضرائب مشتروات :
- اولا مش كل دول العالم فيها موضوع التكس فري او الفات فيه 130 دوله في العالم فيها الموضوع ده اشهرهم دول الاتحاد الاوربي جميعا و تركيا و استراليا و انجلترا و ماليزيا و لبنان و قبرص .......الخ
- :ثانيا لازم تكون مسافر بره الدول دي الي دول تانيه ما فيهاش تاكس فري يعني مثلا طالع من فرنسا لمصر او طالع من المانيا للدبي .... كدا يعني
- ثالثا لازم تعرف ان فيه شروط يعني كل دوله حاطه شرط المبلغ اللي تشتري بيه علشان تاخد الضرايب و انت خارج و الشرط ده معناها انك في نفس الفاتوره من نفس المحل ما تقلش عن مبلغ معين مثلا تركيا 108 ليره في المره يعني مش تروح و تيجي من نفس المحل في نفس اليوم او كل يوم و تشتري ب 20 او 30 ليره و تيجي تقول انا كملت ال108 ليره اخد بقي و انا طالع الضرايب لا لازم في المره الواحده مشترياتك ما تقلش عن 108 ليره يعني ممكن مره تشتري ب 200 و مره ب 180 و مره ب 120 كده يعني و دوله زي اليونان مشترواتك ما تقلش في المره عن 120 يورو اما باريس 175 يورو و انجلترا 30 استرليني و لبنان 150 الف ليره و ماليزيا 300 رينجت
- رابعا مش كل المحلات بتقدم التاكس فري في الدوله لازم يكون المحل حاطط علامه التاكس فري علي الباب و في الحاله دي و انت بتحاسب بتقوله عايز وصل لتاكس فري فبيديك وصل بمشترواتك و قيمتها و قيمه الضريبه اللي حترجع لك و يحطه جوه ظرف تقدمه في المطار
- في محلات كثيره و هي الماركات الكبيره بتديك فلوس التاكس فري و انت واقف بتحاسب بس يا حلو بتديلهم كارت الفيزا بتاعك علشان لو ما طلعتش بالمشتروات دي بره البلد يخصموا منك الفلوس تاني و في محلات جوه مولات بعد ما تخلص الشراء تروح في مكتب في المول بتقدم علي التاكس فري و تاخد فلوسه كاش و انت واقف بس يا حلو في الحالات دي لازم تكون ماشي بالباسبور بتاعك في ايدك و برضه بتدي لهم كارت الفيزا
- و انت في المطار بقي بيكون معاك كل وصولات التاكس فري تحطها كلها جنب بعض و الحاجات كلها اللي اشتريتها تكون الموجوده في شنطه واحده لانهم بيراجعوا الحاجات دي من الوصل انها موجوده في ( يعني ممكن تفتح الشنطه و تفرش و تدور عل اللي هو عايزه و لازم تكون الحاجه بالتيكت مش لبستها و تقول هي دي لا لسه بشوكها و لفيتها و لو موبايل يبقي بعلبته مقفول ) و قبل ما تطلع الشنط في البوردينج روح مكتب التاكس فري و قدم الوصولات ووريهم الحاجات لو طلبوا غالبا اللبس مش بيشوفوه غير في اسطنبول انما بيشوفوا ساعات و موبايلات او اي حاجه غاليه حبتين في اي دوله
- الفلوس اللي بترجع لك برضه بتختلف من دوله لتانيه بس عاما بتكون كالاتي : فرنسا 12% ترجع من مشترواتك و المانيا 11% ، قبرص 9% ، ماليزيا 5% و بتختلف طبعا يعني الموبايلات غير الهدوم غير الساعات غير الدهب و طبعا الالكترونيات اغلي حاجه عليها ضرايب ممكن يرجع لك 18% و اقل حاجه اللبس يرجع لك 4% و طبعا برضه النسب دي بتختلف من دوله لدوله و طبعا فيه مصاريف بتتاخد يعني مش شرط النسبه كلها راجعه ليك لان غالبا في المطارات شركات خاصه هي اللي بتعمل لك موضوع التاكس فري و بياخدوا عموله
- طيب لو احنا مثلا كنا في روما و طلعنا منها لباريس و اشترينا من روما بالعبيط طيب نطلب التاكس فري ازاي اذ كنا احنا بنسافر طيران داخلي و مش طالعيين بره دول الاتحاد الاوربي ، يبقي يا حبيببنا في الحاله دي بتقدم التاكس فري في مطار باريس اللي هو اخر نقطه طالع منها بره دول الاتحاد الاوروبي
يارب نكون افدناكم و لو عايزيين تعرفوا كل دوله تتاحاسبوا علي كام ده موقع بتاع التاكس فري اختار الدوله و حط المبلغ اللي اشتريت بيه و حيظهر لك المبلغ اللي حتاخده تاني
/Refund Calculator
By: Amr
#tax_free
