A
Ali Fakree Eldin ElSallabi
:: مسافر ::
بما انكم راقدين اليوم مش عارف ليش خلوني نحكيلكم قصه ال70 الف يورو
المهم كنت نبي نمشي لاسبانيا ومعنديش فيزا شنجن (الفيزا الي اتخششك اوروبا كلها )
عندي فيزا مالطيه بس نوعها D
تقدر اتخش بيها دول اوروبيه معينه ومش مضمونه
المهم
جاني بات صاحبي قالي بندز معاك 70 الف يورو لاسبانيا اوراق 200 يعني حجمهن من كبير
بيعطيهن لواحد عشان بيجيب بيهن سيارات من غادي
قتله لا مستحيل مسؤوليه و كان مسكوني بيهن قضيه ما بعدها قضيه
سكنلي فوق راسي واحرجني
نين وافقت مجبرا
وانا في مطار بنينا لابس جاكه شتويه كبيره وحاط الفلوس في الجيب بتاعها من جوا باينات منفوخات بس مش ملفتات
المهم وانا طالع من الآله بتاع التفشيش رنت عليا عشان داير بلاتين من زمان في يدي وقاعد لتوا جوا في العظام
قالي اسلح الجاكه
انا هنا استكيت وركبني الرعب
وحقيت روحي محبوس 3 سنين مع الاشغال الشاقه
سلحت الجاكه وشاف الجيب منفوخ قالي شن في في الجيب قتله فلوس يورو
دارلي طبعا تهمه وقالي انتا بتهرب فلوس برا البلاد
و و و و و
بعدها سألني انتا شن اسمك
قتله كذا كذا
وعرف اسم باتي الله يرحمه لانه كان مزال له صدى في الفتره هذكي
فقالي تفضل يا شاب
قالي تفضل وردت فيا الروح
وردن الوان وجهي للون الطبيعي
وطلعت لمالطا ومن مالطا لاسبانيا بعد ممزطوني شويه علي فيزا ال D بتاعي
وانا في مطار مالطا ( ووسوسلي الشيطان اشويه اني انفوت صاحبي وباته واندير احلي لفه علي اوروبا بالفلوس بس استغفرت ربي )
واخيرا
وصلت لأسبانيا وعطيت للراجل الفلوس و حرمت اني نوصل اي حاجه لاي حد بعد لقطه الرعب الي صارتلي في مطار بنينا الحبيب ربي ايرده لنا سالما في القريب العاجل اللهم امين
المهم اي حد ايقولكم وصلولي حاجه من مطار لمطار قولولهم علي قالنلا لأ
#قصه_السبعين_الف_يورو
المهم كنت نبي نمشي لاسبانيا ومعنديش فيزا شنجن (الفيزا الي اتخششك اوروبا كلها )
عندي فيزا مالطيه بس نوعها D
تقدر اتخش بيها دول اوروبيه معينه ومش مضمونه
المهم
جاني بات صاحبي قالي بندز معاك 70 الف يورو لاسبانيا اوراق 200 يعني حجمهن من كبير
بيعطيهن لواحد عشان بيجيب بيهن سيارات من غادي
قتله لا مستحيل مسؤوليه و كان مسكوني بيهن قضيه ما بعدها قضيه
سكنلي فوق راسي واحرجني
نين وافقت مجبرا
وانا في مطار بنينا لابس جاكه شتويه كبيره وحاط الفلوس في الجيب بتاعها من جوا باينات منفوخات بس مش ملفتات
المهم وانا طالع من الآله بتاع التفشيش رنت عليا عشان داير بلاتين من زمان في يدي وقاعد لتوا جوا في العظام
قالي اسلح الجاكه
انا هنا استكيت وركبني الرعب
وحقيت روحي محبوس 3 سنين مع الاشغال الشاقه
سلحت الجاكه وشاف الجيب منفوخ قالي شن في في الجيب قتله فلوس يورو
دارلي طبعا تهمه وقالي انتا بتهرب فلوس برا البلاد
و و و و و
بعدها سألني انتا شن اسمك
قتله كذا كذا
وعرف اسم باتي الله يرحمه لانه كان مزال له صدى في الفتره هذكي
فقالي تفضل يا شاب
قالي تفضل وردت فيا الروح
وردن الوان وجهي للون الطبيعي
وطلعت لمالطا ومن مالطا لاسبانيا بعد ممزطوني شويه علي فيزا ال D بتاعي
وانا في مطار مالطا ( ووسوسلي الشيطان اشويه اني انفوت صاحبي وباته واندير احلي لفه علي اوروبا بالفلوس بس استغفرت ربي )
واخيرا
وصلت لأسبانيا وعطيت للراجل الفلوس و حرمت اني نوصل اي حاجه لاي حد بعد لقطه الرعب الي صارتلي في مطار بنينا الحبيب ربي ايرده لنا سالما في القريب العاجل اللهم امين
المهم اي حد ايقولكم وصلولي حاجه من مطار لمطار قولولهم علي قالنلا لأ
#قصه_السبعين_الف_يورو