T
Travel Secrets
:: مسافر ::
ازاي توفر 75% من رحلتك الى أسطنبول : ( موتوا بقهركم يا شركات السياحه 
)
ناس كثيره طلبت بوست عن رحلات اسطنبول و بناء علي طلبكم عملنا البوست و بمساعده صديق الصفحه ahmed el dawey , ازاي لوحدك و بدون الاعتماد على شركات السياحه توفر أكتر من 75% من أسعار رحلات اسطنبول .
رحلة بورصة : طبعا من احلى الرحلات في تركيا و سعر شركات السياحة للفرد 100 دولار و احنا حنقولك ازاي تطلعها مع نفسك بربع التمن ، لازم نعرف ان فيه طريقتين للوصل الي بورصه بتكلفتيين مختلفين
الطريقه الاولي : لو انا في تقسيم بركب ال f1 لغاية كباتاش وهناك فيه ميناء للمراكب وبتروح اماكن كتيرة الشركة اسمها bursa budo وبتحجز تذكرة للذهاب فقط عشان لو عجبك الجو في بورصا متتربطش بميعاد الرجوع التذكرة تكلفتها 25 ليرة بتنزل في ميناء ميدونا اول ما بتنزل فيه ناس هتقعد تعمل معاك عروض ويقولك حوارات نفضلهم خالص هتلاقي كشك كدة هتقطع منه تذكرة ذهاب وعودة لاتوبيس f3 اللي بيروح جبل اولدوغ مكان التلفريك المشهور, اهم حاجة في اتوبيس ال f3 انك تقطع تذكرة ذهاب وعودة لان العودة بتباع في سوبر ماركت هناك وهتلف لفة كبيرة عشان توصلوا بتحجز تذكرة التلفريك ب 30 ليرة للفرد وبكدة تكون طلعت الرحلة لوحدك وما ارتبطش بحد ولا بمواعيد وباسعار اقل كتير عن شركات السياحة
الرحلة كلفتني للفرد حوالي 34 دولار وهي كالتالي من كاباتاش لميناء ميدونا في بورصة 50 ليرة ذهاب وعودة ومن ميدونا لجبل اولدوغ اللي فيه التلفريك بالباص 16 ليرة ذهاب وعودة وتكلفة التلفريك 30 ليرة للفرد 50 +30 +16 = 96 بالليرة حوالي 260 جنيه ( يعني32 دولار)
في ملحوظة بخصوص بورصا انك لازم تركب من كباتاش عشان تروح ميدونا وتركب ال f3 اللي بيوصلك للتلفريك لو ركبت من منطقة تانية هتنزلك ميناء تاني خالص وهتتسحل
الطريقه التانيه :ان تركب مع شركه تانيه اسمها ido bus من ميناء يني كابي yenikapi, و دي لو في تقسيم بنركب المترو رقم M2 و بتزل في يني كابي و علي فكره لو حجزت اون لاين التذكره قبل السفر بتبقي رخيصه جدا يعني النهارده بحجز للشهر الجاي التذكره عملت 26 ليره رايح جاي و المرواح 7.30 الصبح و الرجوع 6 العصر
حتنزل في ميناء Güzelyalı و دي علي بعد 20 كيلو من بورصه و المركب بتوصل لها في 80 دقيقه لما بتنزل المينا بتاخد اتوبيس ب 3 ليره يوديك محطه المترو اللي اسمها Organize Sanayi و ده بياخد وقت 30 دقيقه علشان توصل و بعدين تنزل في محطه Şehre Küstü برضه المترو حياخد 30 دقيقه و لما تنزل حتلاقي نفسك في السيتي سنتر بتاع بورصه الشوارع القديمه و الاسواق و حته زي خان الخليلي انصحك تزورها و تلف فيها شويه حلويين و فيه اسواق في الشوارع بتبيع لبس و حاجات بسعر معقول جدا و بعد كده تركب ميكروباص او باص مكتوب عليه تليفريك في خلال 15 دقيقه توصل ب 2 ليره
و بكده تكون الحسبه 26 + 30+14 ( ليرة) مواصلات رايح جاي ( باص+ مترو + باص ) =70 ليره يعني بالمصري *2.70 = 188 جنيه ( يعني 23 دولار)
رحله بورصا مرهقه قوي لان مركب 80 دقيقه + 60 دقيقه مترو باص + 15 دقيقه للتلفريك + انتظار تليفريك + لف في السيتي سنتر يعني حتتفحت مشي
و علي فكره خد بالك التليفريك الطابور بتاعه ممكن يكون زحمه جدا و تقف ساعه او اكثر كمان فجهز نفسك للموضوع ده و خد معاك حاجه تسليك زي كتاب مثلا , و التليفرييك بيقف في النص و هو طالع و تنزل تاخد تليفريك تاني لان المسافه لفوق طويله جدا حوالي 9 كيلو و أطمن لما توصل فوق حتنسى كل التعب ده , لانك حتلاقي حاجات كثير قوي تشوفها زي قمه الجبل و غالبا بيكون علية ثلج , و كافتيريات و مطاعم و كم سوبر ماركت و طبيعه وغابات.
و ده لينك بتاع المركب للحجز :
/İstanbul Deniz Otobüsleri A.Ş.
/BUDO - Bursa Deniz Otobüsleri
و ده موقع التليفريك بالعربي :
https://www.teleferik.com.tr/bursa/?lang=ar
رحلة جزر الأميرات : و دي سعرها مع شركات السياحه في حدود 50 الى 60 دولار للفرد , تصدق أنك ممكن تطلعها لوحدك بسعر 4 دولار فقط, حقولك ازاي
بتركب بردوا مركب من كباتاش بجانب شركة budo وهتلاقي مكتوب بالعربي جزر الاميرات الموضوع سهل خالص سعر التذكرة 6 ليرة فقط للذهاب المركب بتعدي على 6 جزر بس مش بتقف غير في جزيرتين هتنزلوا اخر جزيرة اللي هي اكبر جزيرة وفيها كل الخدمات واللي انت هتحتاجه, ممكن تركب حنطور وده سعره 75 ليرة وبيشيل لغاية 5 افراد ممكن تركب مع حد او تركب لوحدك وفيه تاجير عجل الساعة ب 10 ليرة للفرد وبعد ما تقضي يومك الجميل هناك هترجع تقطع تذكرة ب 6 ليرة للعودة
الميزة في الرحلة انك مش هترتبط بمجموعة والانتقالات للفرد 12 ليرة فقط واعتقد الفرق واضح
رحلة مضيق البوسفور: تمنها في شركات السياحة 25 دولار , أنت تقدر تطلعها لوحدك بسعر 5 دولار يعني تكلفة الفرد من 10 ل 15 ليرة حسب شطارتك في الفصال
بتركب من تقسيم ل كباتاش مترو F1 وتطلع الشارع تعدي الناحية التانية هتلاقي الترام T1 هتركبه وتنزل محطة امينيونو تعدي الشارع الناحية التانية هتلاقي مراكب كتير وهتسمع اسعار واهم حاجة الفصال بس هي تمنها من 10 ل 15 ليرة بالكثير.
رحلة المتاحف والمساجد العثمانية : تمنها في شركات السياحة 50 دولار للفرد تقدر تعملها لوحدك بنص الثمن ده .
بتركب من تقسيم ل كباتاش مترو f1 وتطلع الشارع تعدي الناحية التانية هتلاقي الترام t1 هتركبه وتنزل محطة السلطان احمد هتزور اول حاجة المسجد الازرق و ده مجانا, وبعد كدة متحف اية صوفية والتذكرة تمنها 30 ليرة وبعد كدة متحف طوبا كابي سراي وده التذكرة ب 20 ليرة للفرد اجمالي بالمواصلات رايح جاي حوالي 60 ليرة يعني حوالي 22 دولار
أتمنى أن المعلومات دي تفيدكم في رحلتكم الجاية لأسطنبول , و أحب أشكر صديق الصفحة ahmed el dawey اللي ساعدنا في كتابة التقرير ده .
By: Amr & Bahaa
#وفر_75%_اسطنبول
#معا_للقضاء_على_استغلال_شركات_السياحة
) ناس كثيره طلبت بوست عن رحلات اسطنبول و بناء علي طلبكم عملنا البوست و بمساعده صديق الصفحه ahmed el dawey , ازاي لوحدك و بدون الاعتماد على شركات السياحه توفر أكتر من 75% من أسعار رحلات اسطنبول .
رحلة بورصة : طبعا من احلى الرحلات في تركيا و سعر شركات السياحة للفرد 100 دولار و احنا حنقولك ازاي تطلعها مع نفسك بربع التمن ، لازم نعرف ان فيه طريقتين للوصل الي بورصه بتكلفتيين مختلفين
الطريقه الاولي : لو انا في تقسيم بركب ال f1 لغاية كباتاش وهناك فيه ميناء للمراكب وبتروح اماكن كتيرة الشركة اسمها bursa budo وبتحجز تذكرة للذهاب فقط عشان لو عجبك الجو في بورصا متتربطش بميعاد الرجوع التذكرة تكلفتها 25 ليرة بتنزل في ميناء ميدونا اول ما بتنزل فيه ناس هتقعد تعمل معاك عروض ويقولك حوارات نفضلهم خالص هتلاقي كشك كدة هتقطع منه تذكرة ذهاب وعودة لاتوبيس f3 اللي بيروح جبل اولدوغ مكان التلفريك المشهور, اهم حاجة في اتوبيس ال f3 انك تقطع تذكرة ذهاب وعودة لان العودة بتباع في سوبر ماركت هناك وهتلف لفة كبيرة عشان توصلوا بتحجز تذكرة التلفريك ب 30 ليرة للفرد وبكدة تكون طلعت الرحلة لوحدك وما ارتبطش بحد ولا بمواعيد وباسعار اقل كتير عن شركات السياحة
الرحلة كلفتني للفرد حوالي 34 دولار وهي كالتالي من كاباتاش لميناء ميدونا في بورصة 50 ليرة ذهاب وعودة ومن ميدونا لجبل اولدوغ اللي فيه التلفريك بالباص 16 ليرة ذهاب وعودة وتكلفة التلفريك 30 ليرة للفرد 50 +30 +16 = 96 بالليرة حوالي 260 جنيه ( يعني32 دولار)
في ملحوظة بخصوص بورصا انك لازم تركب من كباتاش عشان تروح ميدونا وتركب ال f3 اللي بيوصلك للتلفريك لو ركبت من منطقة تانية هتنزلك ميناء تاني خالص وهتتسحل
الطريقه التانيه :ان تركب مع شركه تانيه اسمها ido bus من ميناء يني كابي yenikapi, و دي لو في تقسيم بنركب المترو رقم M2 و بتزل في يني كابي و علي فكره لو حجزت اون لاين التذكره قبل السفر بتبقي رخيصه جدا يعني النهارده بحجز للشهر الجاي التذكره عملت 26 ليره رايح جاي و المرواح 7.30 الصبح و الرجوع 6 العصر
حتنزل في ميناء Güzelyalı و دي علي بعد 20 كيلو من بورصه و المركب بتوصل لها في 80 دقيقه لما بتنزل المينا بتاخد اتوبيس ب 3 ليره يوديك محطه المترو اللي اسمها Organize Sanayi و ده بياخد وقت 30 دقيقه علشان توصل و بعدين تنزل في محطه Şehre Küstü برضه المترو حياخد 30 دقيقه و لما تنزل حتلاقي نفسك في السيتي سنتر بتاع بورصه الشوارع القديمه و الاسواق و حته زي خان الخليلي انصحك تزورها و تلف فيها شويه حلويين و فيه اسواق في الشوارع بتبيع لبس و حاجات بسعر معقول جدا و بعد كده تركب ميكروباص او باص مكتوب عليه تليفريك في خلال 15 دقيقه توصل ب 2 ليره
و بكده تكون الحسبه 26 + 30+14 ( ليرة) مواصلات رايح جاي ( باص+ مترو + باص ) =70 ليره يعني بالمصري *2.70 = 188 جنيه ( يعني 23 دولار)
رحله بورصا مرهقه قوي لان مركب 80 دقيقه + 60 دقيقه مترو باص + 15 دقيقه للتلفريك + انتظار تليفريك + لف في السيتي سنتر يعني حتتفحت مشي
و علي فكره خد بالك التليفريك الطابور بتاعه ممكن يكون زحمه جدا و تقف ساعه او اكثر كمان فجهز نفسك للموضوع ده و خد معاك حاجه تسليك زي كتاب مثلا , و التليفرييك بيقف في النص و هو طالع و تنزل تاخد تليفريك تاني لان المسافه لفوق طويله جدا حوالي 9 كيلو و أطمن لما توصل فوق حتنسى كل التعب ده , لانك حتلاقي حاجات كثير قوي تشوفها زي قمه الجبل و غالبا بيكون علية ثلج , و كافتيريات و مطاعم و كم سوبر ماركت و طبيعه وغابات.
و ده لينك بتاع المركب للحجز :
/İstanbul Deniz Otobüsleri A.Ş.
/BUDO - Bursa Deniz Otobüsleri
و ده موقع التليفريك بالعربي :
https://www.teleferik.com.tr/bursa/?lang=ar
رحلة جزر الأميرات : و دي سعرها مع شركات السياحه في حدود 50 الى 60 دولار للفرد , تصدق أنك ممكن تطلعها لوحدك بسعر 4 دولار فقط, حقولك ازاي
بتركب بردوا مركب من كباتاش بجانب شركة budo وهتلاقي مكتوب بالعربي جزر الاميرات الموضوع سهل خالص سعر التذكرة 6 ليرة فقط للذهاب المركب بتعدي على 6 جزر بس مش بتقف غير في جزيرتين هتنزلوا اخر جزيرة اللي هي اكبر جزيرة وفيها كل الخدمات واللي انت هتحتاجه, ممكن تركب حنطور وده سعره 75 ليرة وبيشيل لغاية 5 افراد ممكن تركب مع حد او تركب لوحدك وفيه تاجير عجل الساعة ب 10 ليرة للفرد وبعد ما تقضي يومك الجميل هناك هترجع تقطع تذكرة ب 6 ليرة للعودة
الميزة في الرحلة انك مش هترتبط بمجموعة والانتقالات للفرد 12 ليرة فقط واعتقد الفرق واضح
رحلة مضيق البوسفور: تمنها في شركات السياحة 25 دولار , أنت تقدر تطلعها لوحدك بسعر 5 دولار يعني تكلفة الفرد من 10 ل 15 ليرة حسب شطارتك في الفصال
بتركب من تقسيم ل كباتاش مترو F1 وتطلع الشارع تعدي الناحية التانية هتلاقي الترام T1 هتركبه وتنزل محطة امينيونو تعدي الشارع الناحية التانية هتلاقي مراكب كتير وهتسمع اسعار واهم حاجة الفصال بس هي تمنها من 10 ل 15 ليرة بالكثير.
رحلة المتاحف والمساجد العثمانية : تمنها في شركات السياحة 50 دولار للفرد تقدر تعملها لوحدك بنص الثمن ده .
بتركب من تقسيم ل كباتاش مترو f1 وتطلع الشارع تعدي الناحية التانية هتلاقي الترام t1 هتركبه وتنزل محطة السلطان احمد هتزور اول حاجة المسجد الازرق و ده مجانا, وبعد كدة متحف اية صوفية والتذكرة تمنها 30 ليرة وبعد كدة متحف طوبا كابي سراي وده التذكرة ب 20 ليرة للفرد اجمالي بالمواصلات رايح جاي حوالي 60 ليرة يعني حوالي 22 دولار
أتمنى أن المعلومات دي تفيدكم في رحلتكم الجاية لأسطنبول , و أحب أشكر صديق الصفحة ahmed el dawey اللي ساعدنا في كتابة التقرير ده .
By: Amr & Bahaa
#وفر_75%_اسطنبول
#معا_للقضاء_على_استغلال_شركات_السياحة