T
Travel Secrets
:: مسافر ::
رحلتنا الى تايلاند :
ان شاء الله حعملكم تقرير يومي عن رحلتنا اللي منظمنها من خلال الصفحه لاستكشاف تايلاند , من خلال التقارير حتعرفوا الرحلات و تفاصيلها و معلومات مهمه أوي عن تايلاند , خليكم متابعينا علشان في أحداث مش لازم تفوتكم
و ده حيكون مرجع لكل واحد مسافر تايلاند سواء رحلة شبابية أو شهر عسل
التقرير الأول :
وصلنا بسلامة الله الى بانكوك, عدد أفراد الرحله: 17 فرد ( ما بين شباب و بنات و أسر و شهر عسل كمان ,كل الأعمار معانا في الرحلة) السفر كان من مطار القاهره على متن طيران القطريه , ( طيران ممتاز الصراحة و مواعيده مظبوطة جدا و سافرنا على طيارة A380 أكبر طياره ايرباص في العالم ) , المهم وصلنا بانكوك و كان الاتفاق أن السفر حيكون مباشرة الى بوكيت و ده لكذا سبب : اولهم اننا منضيعش يوم في دخول بانكوك لأن المسافه من المطار الى وسط بانكوك حوالي ساعه , ثانيا : يوم السفر تعب بتعب فخلينا نوصل وجهتنا الى بوكيت على طول و منضيعش يوم تاني في السفر علشان نبدأ رحلتنا من بوكيت .
ملحوظة : الشركتين الوحيديتين اللي بتقلع من مطار بانكوك الدولي الى بوكيت هي بانكوك اير و التايلاندية و طبعا كان الحجز مسبق قبل السفر بفتره
وصلنا بوكيت و كان في انتظارنا 2 ميني فان حسب تنظيمي مع شركة السياحه , و تم توصيل الجروب بالكامل الى الفندق و تم استلام الغرف , اسم الفندق : Sira Grande Resort& Spa , الفندق نظيف جدا , 4 نجوم و الغرف واسعه و موقعه كويس خلف مجمع الجونسيلون.
ملحوظة : المسافة من مطار بوكيت الى شاطىء الباتونج حوالي 50 دقيقة , و لو حتاخد تاكسي من خارج المطار ممكن تكلف السياره لفردين حوالي 300 جنية , علشان كده بنصح بالحجز المسبق دائما مع شركة بتكون أوفر و بتنزل تلاقي السواق في انتظارك.
ملحوظة تانيه : بوكيت جزيرة كبيره أوي و فيها كذا شاطئ زي كاتا و كارون و كمالا و بانج تاو و لكن أهمهم طبعا شاطئ الباتونج علشان ده اللي فيه الحياة الليليه و المطاعم و المول و أغلب الرحلات بتطلع منه. شاطئ الباتونج مناسب أوي لو أنت من هواة الحياة الليلية الصاخبة أو لو عاوز تقضيها رحلات و جزر و مش عاوز فندق نظيف و مش مكلف أوي ( لأن أغلب اليوم حتكون بره الفندق ) , و لكن لو عاوز ريزورت و استجمام و حتقضيها فندق و بس فالباتونج مش الشاطئ المناسب لك و انصحك تعد في كمالا أو كارون بيتش لأن الريزورت هناك أفضل كتير من الباتونج بس أسعارهم أغلى طبعا .
بليل نزلنا لاستكشاف شاطئ الباتونج و العشاء في المطاعم هناك و حولنا دولارات الى بات تايلاندي .
ملحوظة : و أنت مسافر الى تايلاند تاخد معاك دولارات فقط و من هناك تقدر تحول زي ما انت عاوز من اي صرافة ( 1 دولار = 35 بات ) ,
بالنسبة للمطاعم العربية مش رخيصة و لكن مقبولة و فيه أختيارات كتير ما بين مطاعم السي فوود أو الفاست فوود أو محلات الشاورما العربية . ( سعر الوجبة في المطاعم العربية حوالي 100 جنيه تقريبا و مطاعم الفاست فوود حوالي 50 جنيه ) , أشهر المطاعم العربية هناك مطعم القاهره و دبي و الشرق بس أفضلهم مطعم القاهره طبعا ( علشان كله مصريين
)
ان شاء الله بكره موعدنا مع اول رحلة : رحلة جزيرة جيمس بوند . تابعونا علشان تعرفوا كل التفاصيل .
لو الموضوع عجبك أعمله شير و لو عاوز يوصلك كل جديد عن الرحله خلي الصفحه See First علشان ميضعش عليك و لا تقرير
By: Bahaa Aldeen Farouk
#رحلة_تايلاند
#travel_secrets
ان شاء الله حعملكم تقرير يومي عن رحلتنا اللي منظمنها من خلال الصفحه لاستكشاف تايلاند , من خلال التقارير حتعرفوا الرحلات و تفاصيلها و معلومات مهمه أوي عن تايلاند , خليكم متابعينا علشان في أحداث مش لازم تفوتكم
و ده حيكون مرجع لكل واحد مسافر تايلاند سواء رحلة شبابية أو شهر عسل التقرير الأول :
وصلنا بسلامة الله الى بانكوك, عدد أفراد الرحله: 17 فرد ( ما بين شباب و بنات و أسر و شهر عسل كمان ,كل الأعمار معانا في الرحلة
) السفر كان من مطار القاهره على متن طيران القطريه , ( طيران ممتاز الصراحة و مواعيده مظبوطة جدا و سافرنا على طيارة A380 أكبر طياره ايرباص في العالم ) , المهم وصلنا بانكوك و كان الاتفاق أن السفر حيكون مباشرة الى بوكيت و ده لكذا سبب : اولهم اننا منضيعش يوم في دخول بانكوك لأن المسافه من المطار الى وسط بانكوك حوالي ساعه , ثانيا : يوم السفر تعب بتعب فخلينا نوصل وجهتنا الى بوكيت على طول و منضيعش يوم تاني في السفر علشان نبدأ رحلتنا من بوكيت .ملحوظة : الشركتين الوحيديتين اللي بتقلع من مطار بانكوك الدولي الى بوكيت هي بانكوك اير و التايلاندية و طبعا كان الحجز مسبق قبل السفر بفتره
وصلنا بوكيت و كان في انتظارنا 2 ميني فان حسب تنظيمي مع شركة السياحه , و تم توصيل الجروب بالكامل الى الفندق و تم استلام الغرف , اسم الفندق : Sira Grande Resort& Spa , الفندق نظيف جدا , 4 نجوم و الغرف واسعه و موقعه كويس خلف مجمع الجونسيلون.
ملحوظة : المسافة من مطار بوكيت الى شاطىء الباتونج حوالي 50 دقيقة , و لو حتاخد تاكسي من خارج المطار ممكن تكلف السياره لفردين حوالي 300 جنية , علشان كده بنصح بالحجز المسبق دائما مع شركة بتكون أوفر و بتنزل تلاقي السواق في انتظارك.
ملحوظة تانيه : بوكيت جزيرة كبيره أوي و فيها كذا شاطئ زي كاتا و كارون و كمالا و بانج تاو و لكن أهمهم طبعا شاطئ الباتونج علشان ده اللي فيه الحياة الليليه و المطاعم و المول و أغلب الرحلات بتطلع منه. شاطئ الباتونج مناسب أوي لو أنت من هواة الحياة الليلية الصاخبة أو لو عاوز تقضيها رحلات و جزر و مش عاوز فندق نظيف و مش مكلف أوي ( لأن أغلب اليوم حتكون بره الفندق ) , و لكن لو عاوز ريزورت و استجمام و حتقضيها فندق و بس فالباتونج مش الشاطئ المناسب لك و انصحك تعد في كمالا أو كارون بيتش لأن الريزورت هناك أفضل كتير من الباتونج بس أسعارهم أغلى طبعا .
بليل نزلنا لاستكشاف شاطئ الباتونج و العشاء في المطاعم هناك و حولنا دولارات الى بات تايلاندي .
ملحوظة : و أنت مسافر الى تايلاند تاخد معاك دولارات فقط و من هناك تقدر تحول زي ما انت عاوز من اي صرافة ( 1 دولار = 35 بات ) ,
بالنسبة للمطاعم العربية مش رخيصة و لكن مقبولة و فيه أختيارات كتير ما بين مطاعم السي فوود أو الفاست فوود أو محلات الشاورما العربية . ( سعر الوجبة في المطاعم العربية حوالي 100 جنيه تقريبا و مطاعم الفاست فوود حوالي 50 جنيه ) , أشهر المطاعم العربية هناك مطعم القاهره و دبي و الشرق بس أفضلهم مطعم القاهره طبعا ( علشان كله مصريين
)ان شاء الله بكره موعدنا مع اول رحلة : رحلة جزيرة جيمس بوند . تابعونا علشان تعرفوا كل التفاصيل .
لو الموضوع عجبك أعمله شير و لو عاوز يوصلك كل جديد عن الرحله خلي الصفحه See First علشان ميضعش عليك و لا تقرير
By: Bahaa Aldeen Farouk
#رحلة_تايلاند
#travel_secrets