T
Travel Secrets
:: مسافر ::
رحلتنا الى تايلاند :
اليوم الثاني : رحلة جزيرة جيمس بوند :
رحلتنا النهارده كانت لجزيرة من أشهر و أجمل جزر بوكيت في خليج فانج نجا و أسمها جزيرة جيمس بوند او جزيرة تابو ( اتسمت بالاسم ده علشان فيلم من افلام جيمس بوند اتمثل عليها man with the golden gun ) , خليج فانج نجا يقع شمال جزيرة بوكيت و كله مسلمين و المراكب كمان بيكون الطاقم كله مسلمين اللي بيشتغلوا عليه و طبعا كل الأكل حلال.
بخصوص الرحله دي تقدر تروحها بكذا طريقه : المركب السريع أو المركب الكروز أو المراكب الخشبيه الطويل , أنا دائما بفضل في الرحله دي المركب الكروز للاستمتاع بالمناظر الطبيعية الرائعه على طول المسافه لحد ما توصل للجزر و كمان تنفع أوي هواة التصوير.
ملحوظة: فيه شركات كتير بتطلع للجزيرة دي و بأسعار مختلفه لكن نصيحه أختار شركة نظيفة و موثوق فيها علشان مستوى الخدمة و الأكل و المركب يكون نظيف
السواق وصل بالسياره حسب الاتفاق في الموعد الساعه 8 صباحا و المسافة الى الميناء حوالي ساعه , و بعد الوصول بتتحرك بالمركب الكروز ( مركب دورين ) علشان تستمتع بأحلى مناظر ممكن تشوفها لخليج فانج نجا ( زي ما حتشوف في الفيديو )
خلال الرحله بتزور أكثر من جزيرة و هم : باناك و هونق و جيمس بوند و لاوا و كل مره السفينه بتتوقف و بتنزل قوارب مطاطيه و كل اتنين بيركبوا مركب ( و بيكون معاهم فرد من الطاقم هو اللي بيجدف ) و يبدءوا يدخلوا داخل مغارات علشان يوصلوا للجزيرة , بجد مغامرة ممتعه , طبعا المناظر داخل المغارات حاجه خيال , بس متتخضش لو بصيت فوقك لاقيت خفافيش و لا حاجه هههههه .
المهم داخل المغارات دي بتشوف تكوينات للصخور من ملايين السنين لحد ما بتوصل لمنطقة محصورة بين الجبال اسمها غابات المانجروف بيكون الشجر فيها طالع من البحر و كل جذوره داخل البحر ( سبحان الله )
توقفنا مرتين بالمركب الكروز علشان ندخل المغارات دي و الثالثة كانت الى جزيرة جيمس بوند
ملحوظة : على جزيرة جيمس بوند حتلاقي أكشاك كتير و مسلمات بيحولوا يبيعوا لك منتجات زي اكسسوارات و تذاكارات , لو عجبتك حاجه فاصل كويس و لو حسيت انها تستاهل فعلا مافيش ماتع تنفعهم بردو و أعتبرها صدقة لأنهم غلابة جدا و عايشين على بيع الحاجات دي للسياح فقط .
بعد مارجعنا المركب كان وقت الغداء ( و ده بيكون على نفس المركب ) مع ملاحظة ان المشروبات و الفاكهة طوال الرحله كانت بتقدم على المركب مجانا , عبارة عن ( أسماك و رز و سلاطات و فراخ و اناناس محمر و أنواع فاكهة رهيبه و عصاير ) , الأكل كان جيد جدا و مكنش فيه أي مشاكل .
أخر جزيرة وصلنا ليها اسمها لاوا , و ده بيكون وقت حر تقدر تنزل البحر تسبح أو تعد على الجزيرة أو تاخد مرك و تجدف لوحدك .
الرحله رائعه بكل المقاييس و متتفوتش لأنك حتشوف مناظر للطبيعه سبحان الله عليها . و طبعا هواة التصوير مش حيشبعوا تصوير .
ملحوظة : و انت رايح حتكون لابس المايوة و تي شيرت , و تاخد صن بلوك , و الكاميرا طبعا و تكون مشحونه كويس و شنطة فيها منشفة صغيره ,
المكان مناسب جدا للعائلات و المحجبات
لو زرتوا جيمس بوند قبل كده ابعتولي أيه أكتر حاجه عجبتكم فيها
, و هل تتمنوا تزوروا مكان زي ده تاني .
البوست القادم حيكون رحلتنا الى جزيرة كورال و جزيرة رايا
By: Bahaa
#رحلة_تايلاند
#travel_secrets
اليوم الثاني : رحلة جزيرة جيمس بوند :
رحلتنا النهارده كانت لجزيرة من أشهر و أجمل جزر بوكيت في خليج فانج نجا و أسمها جزيرة جيمس بوند او جزيرة تابو ( اتسمت بالاسم ده علشان فيلم من افلام جيمس بوند اتمثل عليها man with the golden gun ) , خليج فانج نجا يقع شمال جزيرة بوكيت و كله مسلمين و المراكب كمان بيكون الطاقم كله مسلمين اللي بيشتغلوا عليه و طبعا كل الأكل حلال.
بخصوص الرحله دي تقدر تروحها بكذا طريقه : المركب السريع أو المركب الكروز أو المراكب الخشبيه الطويل , أنا دائما بفضل في الرحله دي المركب الكروز للاستمتاع بالمناظر الطبيعية الرائعه على طول المسافه لحد ما توصل للجزر و كمان تنفع أوي هواة التصوير.
ملحوظة: فيه شركات كتير بتطلع للجزيرة دي و بأسعار مختلفه لكن نصيحه أختار شركة نظيفة و موثوق فيها علشان مستوى الخدمة و الأكل و المركب يكون نظيف
السواق وصل بالسياره حسب الاتفاق في الموعد الساعه 8 صباحا و المسافة الى الميناء حوالي ساعه , و بعد الوصول بتتحرك بالمركب الكروز ( مركب دورين ) علشان تستمتع بأحلى مناظر ممكن تشوفها لخليج فانج نجا ( زي ما حتشوف في الفيديو )
خلال الرحله بتزور أكثر من جزيرة و هم : باناك و هونق و جيمس بوند و لاوا و كل مره السفينه بتتوقف و بتنزل قوارب مطاطيه و كل اتنين بيركبوا مركب ( و بيكون معاهم فرد من الطاقم هو اللي بيجدف ) و يبدءوا يدخلوا داخل مغارات علشان يوصلوا للجزيرة , بجد مغامرة ممتعه , طبعا المناظر داخل المغارات حاجه خيال , بس متتخضش لو بصيت فوقك لاقيت خفافيش و لا حاجه هههههه .
المهم داخل المغارات دي بتشوف تكوينات للصخور من ملايين السنين لحد ما بتوصل لمنطقة محصورة بين الجبال اسمها غابات المانجروف بيكون الشجر فيها طالع من البحر و كل جذوره داخل البحر ( سبحان الله )
توقفنا مرتين بالمركب الكروز علشان ندخل المغارات دي و الثالثة كانت الى جزيرة جيمس بوند
ملحوظة : على جزيرة جيمس بوند حتلاقي أكشاك كتير و مسلمات بيحولوا يبيعوا لك منتجات زي اكسسوارات و تذاكارات , لو عجبتك حاجه فاصل كويس و لو حسيت انها تستاهل فعلا مافيش ماتع تنفعهم بردو و أعتبرها صدقة لأنهم غلابة جدا و عايشين على بيع الحاجات دي للسياح فقط .
بعد مارجعنا المركب كان وقت الغداء ( و ده بيكون على نفس المركب ) مع ملاحظة ان المشروبات و الفاكهة طوال الرحله كانت بتقدم على المركب مجانا , عبارة عن ( أسماك و رز و سلاطات و فراخ و اناناس محمر و أنواع فاكهة رهيبه و عصاير ) , الأكل كان جيد جدا و مكنش فيه أي مشاكل .
أخر جزيرة وصلنا ليها اسمها لاوا , و ده بيكون وقت حر تقدر تنزل البحر تسبح أو تعد على الجزيرة أو تاخد مرك و تجدف لوحدك .
الرحله رائعه بكل المقاييس و متتفوتش لأنك حتشوف مناظر للطبيعه سبحان الله عليها . و طبعا هواة التصوير مش حيشبعوا تصوير .
ملحوظة : و انت رايح حتكون لابس المايوة و تي شيرت , و تاخد صن بلوك , و الكاميرا طبعا و تكون مشحونه كويس و شنطة فيها منشفة صغيره ,
المكان مناسب جدا للعائلات و المحجبات
لو زرتوا جيمس بوند قبل كده ابعتولي أيه أكتر حاجه عجبتكم فيها
, و هل تتمنوا تزوروا مكان زي ده تاني .البوست القادم حيكون رحلتنا الى جزيرة كورال و جزيرة رايا
By: Bahaa
#رحلة_تايلاند
#travel_secrets