T
Travel Secrets
:: مسافر ::
أول مقارنة حقيقية بين موقع Booking و Airbnb :
البوست ده يعتبر دليلك السريع للمقارنة بين الموقعين الأشهر حاليا لحجز مكان اقامة و انت مسافر. بس ايه الفرق بينهم و ايهم يصلحلي أكتر, الموقعين دول يعتبروا الأكثر استخداما على مستوى العالم و لكن فيه فرق بينهم كبير , ححاول أختصرلك الموقعين في كلمتين :
موقع booking: حيجيبلك غالبا أحسن سعر لغرفة فندقية
موقع Airbnb: حيديلك تجربة أحسن بكتير و انت مسافر
طيب أزاي ده بيتم , ايهم يناسبني أكتر ؟
خليني أحكيلكم شويه عن الفرق بين الموقعين لأن بجد الموضوع يهم كل واحد بيفكر يحجز أقامة في مكان معين قبل ما يسافر .
من حيث تأكيد الحجز : موقع بوكينج بيديلك حجز مؤكد بمجرد ما تحط بياناتك و مش بينتظر موافقة صاحب المكان بعكس Airbnb اللي لازم يكون عندك بروفايل شخصي و لازم تنتظر موافقة صاحب المكان علشان يؤكدلك الحجز.
من حيث عدد اماكن الاقامة : بوكينج فيه حوالي 805 الف مكان اقامة مختلف, أغلبهم منتجعات و فنادق و بعض شقق سكنية بس طبعا داخل كل مكان من دول مئات الغرف المتاحه يعني فيه ملايين الغرف اللي ممكن تحجز منها , بالمقارنة مع Airbnb فده لوحده فيه حوالي 1.2 مليون مكان مختلف للاقامة أغلبها شقق أو فلل أو حتى غرف خاصة.
من حيث مكان تواجد الوحدات : بوكينج بيغطي تقريبا كل مكان ممكن تتخيله على كوكب الأرض , في المقابل موقع Airbnb بيركز اكثر على المدن الأساسية زي باريس و روما مثلا ,و لكن بيقدم خيارات أكثر بكثير من موقع بوكينج في نفس المدينة .
بالنسبة للأسعار : تقريبا الأسعار متقاربه جدا بين بوكينج وAirbnb لنفس الوحدات
بالنسبه لطول مدة الاقامة : لو حتعد فتره طويلة في مكان واحد يبقى موقع Airbnb هو الاختيار الأمثل مقارنة بموقع بوكينج اللي بيكون أفضل لو حتعد فتره قصيره يومين أو 3 أيام فقط .
بالنسبة للخصوصية : موقع Airbnb بيقدم خصوصية أكبر كتير و خصوصا للعائلات الكبيرة, لأنك بتكون في شقه أو فيلا خاصه بيك , غير الفندق اللي بيكون ساعات زحمه و مساحات الغرف فيه صغيره جدا
من حيث التجربة المختلفة : فموقع بوكينج حيوفرلك غرفة في فندق زي أي موقع حجز فنادق , لكن موقع Airbnb ممكن يخليك تحجز شقة كاملة أو حتى غرفة مع عائلة و تعيش معاهم تجربة جديدة و تتعرف على عادتهم و تقاليدهم و اكيد حيعرفوك أسرار كتير في المكان اللى أنت فيه و ده مش حيقدر يوفره موقع بوكينج.
نصيحتي الأخيره ليك : أعمل بحث كويس أوي قبل ما تختار مكان اقامتك و أقرا كل التعليقات عليه سواء من موقع الحجز نفسه أو من Tripadvisor.com , و أعرف موقع المكان كويس و ايه الخدمات اللي قريبه منه , و سياسة الالغاء كمان .
من الاخر لو بتدور على غرفه رخيصه لفتره قصيره يبقى أحجز على Booking , لو بتدور على تجربة مختلفة بكل المقاييس و حتحجز في مكان فتره طويلة و عاوز خصوصية و خبره جديدة و انت مسافر يبقى تحجز مع Airbnb
اتمنى ان الكلام ده يفيدكم لما تحجزوا المره الجاية مكان أقامتكم,
لو الموضوع عجبك و عاوز تقرا مواضيع اكثر و تعرف أسرار أكثر شجعني بشير على الأقل
, علشان أقدر أفيد ناس أكثر 
By:Bahaa
#booking_vs_airbnb
البوست ده يعتبر دليلك السريع للمقارنة بين الموقعين الأشهر حاليا لحجز مكان اقامة و انت مسافر. بس ايه الفرق بينهم و ايهم يصلحلي أكتر, الموقعين دول يعتبروا الأكثر استخداما على مستوى العالم و لكن فيه فرق بينهم كبير , ححاول أختصرلك الموقعين في كلمتين :
موقع booking: حيجيبلك غالبا أحسن سعر لغرفة فندقية
موقع Airbnb: حيديلك تجربة أحسن بكتير و انت مسافر
طيب أزاي ده بيتم , ايهم يناسبني أكتر ؟
خليني أحكيلكم شويه عن الفرق بين الموقعين لأن بجد الموضوع يهم كل واحد بيفكر يحجز أقامة في مكان معين قبل ما يسافر .
من حيث تأكيد الحجز : موقع بوكينج بيديلك حجز مؤكد بمجرد ما تحط بياناتك و مش بينتظر موافقة صاحب المكان بعكس Airbnb اللي لازم يكون عندك بروفايل شخصي و لازم تنتظر موافقة صاحب المكان علشان يؤكدلك الحجز.
من حيث عدد اماكن الاقامة : بوكينج فيه حوالي 805 الف مكان اقامة مختلف, أغلبهم منتجعات و فنادق و بعض شقق سكنية بس طبعا داخل كل مكان من دول مئات الغرف المتاحه يعني فيه ملايين الغرف اللي ممكن تحجز منها , بالمقارنة مع Airbnb فده لوحده فيه حوالي 1.2 مليون مكان مختلف للاقامة أغلبها شقق أو فلل أو حتى غرف خاصة.
من حيث مكان تواجد الوحدات : بوكينج بيغطي تقريبا كل مكان ممكن تتخيله على كوكب الأرض , في المقابل موقع Airbnb بيركز اكثر على المدن الأساسية زي باريس و روما مثلا ,و لكن بيقدم خيارات أكثر بكثير من موقع بوكينج في نفس المدينة .
بالنسبة للأسعار : تقريبا الأسعار متقاربه جدا بين بوكينج وAirbnb لنفس الوحدات
بالنسبه لطول مدة الاقامة : لو حتعد فتره طويلة في مكان واحد يبقى موقع Airbnb هو الاختيار الأمثل مقارنة بموقع بوكينج اللي بيكون أفضل لو حتعد فتره قصيره يومين أو 3 أيام فقط .
بالنسبة للخصوصية : موقع Airbnb بيقدم خصوصية أكبر كتير و خصوصا للعائلات الكبيرة, لأنك بتكون في شقه أو فيلا خاصه بيك , غير الفندق اللي بيكون ساعات زحمه و مساحات الغرف فيه صغيره جدا
من حيث التجربة المختلفة : فموقع بوكينج حيوفرلك غرفة في فندق زي أي موقع حجز فنادق , لكن موقع Airbnb ممكن يخليك تحجز شقة كاملة أو حتى غرفة مع عائلة و تعيش معاهم تجربة جديدة و تتعرف على عادتهم و تقاليدهم و اكيد حيعرفوك أسرار كتير في المكان اللى أنت فيه و ده مش حيقدر يوفره موقع بوكينج.
نصيحتي الأخيره ليك : أعمل بحث كويس أوي قبل ما تختار مكان اقامتك و أقرا كل التعليقات عليه سواء من موقع الحجز نفسه أو من Tripadvisor.com , و أعرف موقع المكان كويس و ايه الخدمات اللي قريبه منه , و سياسة الالغاء كمان .
من الاخر لو بتدور على غرفه رخيصه لفتره قصيره يبقى أحجز على Booking , لو بتدور على تجربة مختلفة بكل المقاييس و حتحجز في مكان فتره طويلة و عاوز خصوصية و خبره جديدة و انت مسافر يبقى تحجز مع Airbnb
اتمنى ان الكلام ده يفيدكم لما تحجزوا المره الجاية مكان أقامتكم,
لو الموضوع عجبك و عاوز تقرا مواضيع اكثر و تعرف أسرار أكثر شجعني بشير على الأقل
, علشان أقدر أفيد ناس أكثر By:Bahaa
#booking_vs_airbnb