T
Travel Secrets
:: مسافر ::
مواقع حجز الفنادق النصابة :
تحذير مهم جدا , مش كل المواقع الموجوده على النت بتكون اَمنه أنك تحجز معاهم أغلبهم نصابين للأسف , فلازم تتأكد 100 مره قبل ما تعمل عملية حجز و تدفع بالفيزا او الماستر.
طيب أزاي المواقع دي بتنصب عليك :
1- ممكن يتخصم المبلغ و بعد ما يتخصم ميجيلكش و لا تأكيد حجز و لا ايميل أنك دفعت و لا تعرف رقم الحجز و تدخل في دوامه من الاتصالات و الايميلات علشان تعرف تجيب حقك
2-ممكن المبلغ يتخصم و يتبعتلك تأكيد حجز و بعد ما تكون اطمنت , و تروح الفندق زي الباشا تلاقي مافيش حجز اصلا و الحجز اتلغى لوحده !!!
3- بعد ما تحجز و يجيلك تأكيد ان حجزك اوك , تلاقي قبل السفر بيومين جايلك ايميل ان الحجز اتلغى و مافيش غرف متوفرة
4- انك تحجز و تروح و تلاقي الغرفه بس للاسف تلاقي غرفه مختلفه خالص عن المواصفات اللي انت حجزتها .
5- ان يتخصم منك مبلغ أكتر من المبلغ المعروض على الموقع فعلا و يقولك أصل دي عمولة الموقع
6- أنك بعد ما تروح علشان تستلم الغرفه تفاجأ ان الفندق يقولك لازم تدفع تامين و تدفع ضرايب ممكن تصل ل 25% من سعر الغرفه علشان تستلمها
طرق النصب للأسف كتير أوي , و الفلوس ممكن ترجعلك و ممكن لأ , انت و نصيبك و لو الفلوس رجعت بتاخد 3 شهور علشان ترجع في الحساب , ده غير أن رحلتك أصلا بتكون باظت بسبب اختيارك الخطأ للموقع اللي حتحجز منه
علشان كده لازم قبل ما تحجز تتاكد من أكتر من موقع زي tripadvisor و trustpilot أو تحجز عند حد موثوق فيه , لأن بجد ممكن غلطه بسيطه زي دي تأثر على رحلتك بالكامل
ملحوظة : من احد المواقع الغير موثوق فيها موقع www.getaroom.com عن تجربة
#نصب_شركات_الحجز
#travel_secrets
تحذير مهم جدا , مش كل المواقع الموجوده على النت بتكون اَمنه أنك تحجز معاهم أغلبهم نصابين للأسف , فلازم تتأكد 100 مره قبل ما تعمل عملية حجز و تدفع بالفيزا او الماستر.
طيب أزاي المواقع دي بتنصب عليك :
1- ممكن يتخصم المبلغ و بعد ما يتخصم ميجيلكش و لا تأكيد حجز و لا ايميل أنك دفعت و لا تعرف رقم الحجز و تدخل في دوامه من الاتصالات و الايميلات علشان تعرف تجيب حقك
2-ممكن المبلغ يتخصم و يتبعتلك تأكيد حجز و بعد ما تكون اطمنت , و تروح الفندق زي الباشا تلاقي مافيش حجز اصلا و الحجز اتلغى لوحده !!!
3- بعد ما تحجز و يجيلك تأكيد ان حجزك اوك , تلاقي قبل السفر بيومين جايلك ايميل ان الحجز اتلغى و مافيش غرف متوفرة
4- انك تحجز و تروح و تلاقي الغرفه بس للاسف تلاقي غرفه مختلفه خالص عن المواصفات اللي انت حجزتها .
5- ان يتخصم منك مبلغ أكتر من المبلغ المعروض على الموقع فعلا و يقولك أصل دي عمولة الموقع
6- أنك بعد ما تروح علشان تستلم الغرفه تفاجأ ان الفندق يقولك لازم تدفع تامين و تدفع ضرايب ممكن تصل ل 25% من سعر الغرفه علشان تستلمها
طرق النصب للأسف كتير أوي , و الفلوس ممكن ترجعلك و ممكن لأ , انت و نصيبك و لو الفلوس رجعت بتاخد 3 شهور علشان ترجع في الحساب , ده غير أن رحلتك أصلا بتكون باظت بسبب اختيارك الخطأ للموقع اللي حتحجز منه
علشان كده لازم قبل ما تحجز تتاكد من أكتر من موقع زي tripadvisor و trustpilot أو تحجز عند حد موثوق فيه , لأن بجد ممكن غلطه بسيطه زي دي تأثر على رحلتك بالكامل
ملحوظة : من احد المواقع الغير موثوق فيها موقع www.getaroom.com عن تجربة
#نصب_شركات_الحجز
#travel_secrets