T
Travel Secrets
:: مسافر ::
سافر من الألف للياء :
بما أن هدفنا نساعدكم خطوة بخطوة علشان تحققوا حلمكم في السفر , فقررنا ننزل سلسلة على أجزاء تساعدكم في معرفة الخطوات من البداية , علشان تكونوا جاهزين ان شاء الله لو حبيتوا تقدموا على أي سفاره و متواجهوش أي رفض
.
أول خطوة : استخراج جواز السفر :
مطلوب منك الاتي لو حتطلع جواز سفر لأول مرة :
• بطاقة الرقم القومي سارية المفعول
• لو اكبر من 16 سنة حتقدم البطاقة لو أصغر من 16 سنة يكتفي بشهادة ميلاد مميكنة
• 3 صور خلفية بيضاء حديثة مقاس 6*4
• مستند التجنيد بالنسبة للذكور
• المؤهل الدراسي في حالة عدم ثبوته ببطاقة الرقم القومي أو شهادة قيد دراسي معتمده بالنسبه للطلبه
• مستند اثبات الحاله الإجتماعيه بالنسبه للإناث
• جواز السفر السابق فى حالة التجديد
و قيمة جواز السفر 135 جنيه و ممكن تستلمة بعد 3 أيام
تظبيط جواز السفر :
مشكلة طبعا بيواجهها أي حد بيقدم ع الفيزا لاول مرة وهي أنه مسافرش قبل كده ، وده أحد الأسباب الرئيسية للرفض من كل السفارات تقريبا ، بس حفظا لماء الوجه بيكون سبب الرفض الرسمي هو عدم وجود روابط قوية ،أو عدم وضوح سبب السفر وهكذا ،،
الحقيقة أن المصريين بالذات معروف حبهم للسفر ونسبة كبيرة للأسف بتكسر فيزا ومش بترجع، وده بيسبب مشكلة للناس اللي بتحب السفر فعلا، وبيخللي سمعتنا مش ولا بد حبتين،
دايما فيه (اول مرة ) ، وده موضوعنا النهارده، ازاي ورقك يكون قوي ومستحيل يترفض ، لو انت مش موظف في شركة معروفة وراتبك كبير بيتحول علي بنك بانتظام او مسافر تعليم او مسافر معرض خاص بالبزنس بتاعك، بدعوة تجارية )،،، لو انت مش الشريحة دي اقرا الموضوع ده كويس جدا، نتفق انك محتاج مده من سنة ل سنتين عشان تقدر تدخل اي سفارة وتاخد فيزتها بسهولة، حنعمل ايه في المدة دي ؟
●☆سافر دول فيزتها سهلة :
..تركيا ، اندونيسيا ، نيبال ، المالديف ، الهند، تونس ،لبنان ،تايلاند ،ماليزيا ،كوريا الجنوبية , جورجيا
شايف الدول دي ؟ دول سياحية من الدرجة الاولي مش بتحتاج فيزا زي نيبال ،اندونسيا، المالديف ، ماليزيا او دول فيزتها سهلة جدا زي الباقي، لازم يكون شكل جواز سفرك كويس، حتسافر دولتين ع الأقل تروح وترجع ،كده حلينا جزء من المشكلة وهو ، عقدة (الاول مرة ) والجواز الأبيض .
●☆عنوان السكن
عنوان السكن المذكور في الجواز عامل مهم جدا في أوقات كتير في تقييم الشخص المتقدم ، ازاي يعني ؟ اقولك ازاي ، لو حضرتك ساكن مثلا في منطقة شعبية في حارة مسعود متفرع من شارع النجدة دوران سونيا ، عندك حلين اتنين زي لانشون الحسن والحسين
الحل الاول: نغير العنوان لمكان أفضل ومعروف عند أي قريب مثلا ساكن في مكان أحسن ،يكون العنوان مثلا مصر الجديدة ش الميرغني، اغلب العاملين في السفارات عارفين المناطق الراقية من الشعبية ، وده طبعا لا يقلل ابدا من الشخص ،بس بيكون له تاثير في اوقات .
الحل التاني الاسهل : هو اختصار العنوان يعني مثلا ، ش النجدة رقم 30 , و حلو اوي كده
☆●المهنة في الجواز:
وحنقف هنا كتير اوي لحد ما رجلينا توجعنا ،،المهنة في جواز السفر يا جماعة موضوع مهم جدا جدا (حاصل علي ) دي مهنة نحاول نشيلها من الجواز ، والموضوع مش صعب ، لو محاسب حر او مهندس حر او موظف في شركة بيكون افضل بكتير،
ازاي اغير المهنة ؟ لو عايزين نسافر لازم نتعب شوية واتفقنا ان تظبيط الورق محتاج وقت ومجهود ، والموضوع طويل ومقسم ل 5 حلقات تقريبا حنكمل فيهم مع بعض كل التفاصيل ،
لو عجبك الموضوع وناوي تتابع ،الخطوة الاولي للسفر ، خلينا first seen عندك واعمل شير لاصحابك اللي حتسافر معاهم ان شاء الله ، للحديث بقية ....
By: Haitham Sleem
#المرحلة_الأولى_للسفر
#travel_secrets
بما أن هدفنا نساعدكم خطوة بخطوة علشان تحققوا حلمكم في السفر , فقررنا ننزل سلسلة على أجزاء تساعدكم في معرفة الخطوات من البداية , علشان تكونوا جاهزين ان شاء الله لو حبيتوا تقدموا على أي سفاره و متواجهوش أي رفض
.
أول خطوة : استخراج جواز السفر :
مطلوب منك الاتي لو حتطلع جواز سفر لأول مرة :
• بطاقة الرقم القومي سارية المفعول
• لو اكبر من 16 سنة حتقدم البطاقة لو أصغر من 16 سنة يكتفي بشهادة ميلاد مميكنة
• 3 صور خلفية بيضاء حديثة مقاس 6*4
• مستند التجنيد بالنسبة للذكور
• المؤهل الدراسي في حالة عدم ثبوته ببطاقة الرقم القومي أو شهادة قيد دراسي معتمده بالنسبه للطلبه
• مستند اثبات الحاله الإجتماعيه بالنسبه للإناث
• جواز السفر السابق فى حالة التجديد
و قيمة جواز السفر 135 جنيه و ممكن تستلمة بعد 3 أيام
تظبيط جواز السفر :
مشكلة طبعا بيواجهها أي حد بيقدم ع الفيزا لاول مرة وهي أنه مسافرش قبل كده ، وده أحد الأسباب الرئيسية للرفض من كل السفارات تقريبا ، بس حفظا لماء الوجه بيكون سبب الرفض الرسمي هو عدم وجود روابط قوية ،أو عدم وضوح سبب السفر وهكذا ،،
الحقيقة أن المصريين بالذات معروف حبهم للسفر ونسبة كبيرة للأسف بتكسر فيزا ومش بترجع، وده بيسبب مشكلة للناس اللي بتحب السفر فعلا، وبيخللي سمعتنا مش ولا بد حبتين،
دايما فيه (اول مرة ) ، وده موضوعنا النهارده، ازاي ورقك يكون قوي ومستحيل يترفض ، لو انت مش موظف في شركة معروفة وراتبك كبير بيتحول علي بنك بانتظام او مسافر تعليم او مسافر معرض خاص بالبزنس بتاعك، بدعوة تجارية )،،، لو انت مش الشريحة دي اقرا الموضوع ده كويس جدا، نتفق انك محتاج مده من سنة ل سنتين عشان تقدر تدخل اي سفارة وتاخد فيزتها بسهولة، حنعمل ايه في المدة دي ؟
●☆سافر دول فيزتها سهلة :
..تركيا ، اندونيسيا ، نيبال ، المالديف ، الهند، تونس ،لبنان ،تايلاند ،ماليزيا ،كوريا الجنوبية , جورجيا
شايف الدول دي ؟ دول سياحية من الدرجة الاولي مش بتحتاج فيزا زي نيبال ،اندونسيا، المالديف ، ماليزيا او دول فيزتها سهلة جدا زي الباقي، لازم يكون شكل جواز سفرك كويس، حتسافر دولتين ع الأقل تروح وترجع ،كده حلينا جزء من المشكلة وهو ، عقدة (الاول مرة ) والجواز الأبيض .
●☆عنوان السكن
عنوان السكن المذكور في الجواز عامل مهم جدا في أوقات كتير في تقييم الشخص المتقدم ، ازاي يعني ؟ اقولك ازاي ، لو حضرتك ساكن مثلا في منطقة شعبية في حارة مسعود متفرع من شارع النجدة دوران سونيا ، عندك حلين اتنين زي لانشون الحسن والحسين
الحل الاول: نغير العنوان لمكان أفضل ومعروف عند أي قريب مثلا ساكن في مكان أحسن ،يكون العنوان مثلا مصر الجديدة ش الميرغني، اغلب العاملين في السفارات عارفين المناطق الراقية من الشعبية ، وده طبعا لا يقلل ابدا من الشخص ،بس بيكون له تاثير في اوقات .
الحل التاني الاسهل : هو اختصار العنوان يعني مثلا ، ش النجدة رقم 30 , و حلو اوي كده
☆●المهنة في الجواز:
وحنقف هنا كتير اوي لحد ما رجلينا توجعنا ،،المهنة في جواز السفر يا جماعة موضوع مهم جدا جدا (حاصل علي ) دي مهنة نحاول نشيلها من الجواز ، والموضوع مش صعب ، لو محاسب حر او مهندس حر او موظف في شركة بيكون افضل بكتير،
ازاي اغير المهنة ؟ لو عايزين نسافر لازم نتعب شوية واتفقنا ان تظبيط الورق محتاج وقت ومجهود ، والموضوع طويل ومقسم ل 5 حلقات تقريبا حنكمل فيهم مع بعض كل التفاصيل ،
لو عجبك الموضوع وناوي تتابع ،الخطوة الاولي للسفر ، خلينا first seen عندك واعمل شير لاصحابك اللي حتسافر معاهم ان شاء الله ، للحديث بقية ....
By: Haitham Sleem
#المرحلة_الأولى_للسفر
#travel_secrets