T
Travel Secrets
:: مسافر ::
يا سيدي انا اتنصب عليا والله
- الامريكاني عفريت الاسفلت
المخالفة اللي في الصورة دي اخدتها في دالاس احدي ولايات تكساس - الحكاية بدأت الصيف اللي فات وكنت رايح لادارة حكومية هناك عشان اخلص بعض الاوراق لموضوع عائلي
- اول مرة اسافر دالاس وطبعا كنت مؤجر عربية لبعد المسافة عن المدينة اللي كنت مقيم فيها - -المهم ماشي علي النافيجيشن لغاية ما وصلت للمكان - طبعا الباركنج مشكلة كبيرة في الداونتاون -لقيت موقف عمومي ببوابة والسعر بالساعة وحسب المدة - دخلت بالعربية ببص حواليا عشان افهم فين الجهاز والكلام ده لقيت واحد ابن حلال طلعلي من تحت الارض وبيظبطلي باركنج وارجع بضهرك وحضن بصدرك والجو ده - جالي لحد العربية وقالي كام ساعة قلتله 3 ساعات - وراح حاطط ورقة ع العربية وقالي تمام كده 15 دولار قلتله تسلم يا صاحبي يا ابن البلد يا اصيل
نزلت خلصت مشواري ورجعت بعد ساعة تقريبا وزي ما اكون بحلم -العربية متكلبشة !! يا نهار منيل - ولاقي مخالفة ملزوقة وومكتوب عليها اني خالفت شروط الباركنج ومش دافع تكت للوقوف- المخالفة بكام؟ 118 دولار !!
اتصلت علي الرقم وجمعت كل كلمات الشتايم اللي اعرفها وانا بحكي حكايتي واني ضحية برئ - قالولي موظف التحصيل حيجي عشان تدفع
وصل الموظف بعد نص ساعة والجو نار -تقريبا الصيف زي مصر في شهر 8 - وحكيت وشرحت -ومفيش الا كلمتين حتدفع يعني حتدفع
ميلت عليه وقتلتله انت شكلك ابن تاون ومصلحتك معايا -حدفعلك 50 دولار ليك انت وفك الكلابشات
•خدته علي جنب كده وقلتله بقولك ايه يا ابن بلدي انت شكلك موظف شقيان وواكلين حقك -انا حدفعلك 50 دولار وعفا الله عما سلف- بص حواليه وقالي انت حتدفع كاش -قلت اكيد وضحك ضحكة استاذ نجاتي في المجمع وقالي موافق بس مفيش ايصال طبعا !!
ملحوظة: البوست طبعا مش لتشجيع الرشوة و لا علشان نخليك تجرب , و لكن علشان تاخد حذرك قبل ما تدفع فلوس لأي حد
# كام_معلقة_شوجر
#رشا_في _امريكا
#أنا_اتكلبشت_يا_سعاد
تابعوا معانا حكايات امريكية كل اسبوع يوم الجمعة ويوم الاثنين
By: Haytham
- الامريكاني عفريت الاسفلت
المخالفة اللي في الصورة دي اخدتها في دالاس احدي ولايات تكساس - الحكاية بدأت الصيف اللي فات وكنت رايح لادارة حكومية هناك عشان اخلص بعض الاوراق لموضوع عائلي
- اول مرة اسافر دالاس وطبعا كنت مؤجر عربية لبعد المسافة عن المدينة اللي كنت مقيم فيها - -المهم ماشي علي النافيجيشن لغاية ما وصلت للمكان - طبعا الباركنج مشكلة كبيرة في الداونتاون -لقيت موقف عمومي ببوابة والسعر بالساعة وحسب المدة - دخلت بالعربية ببص حواليا عشان افهم فين الجهاز والكلام ده لقيت واحد ابن حلال طلعلي من تحت الارض وبيظبطلي باركنج وارجع بضهرك وحضن بصدرك والجو ده - جالي لحد العربية وقالي كام ساعة قلتله 3 ساعات - وراح حاطط ورقة ع العربية وقالي تمام كده 15 دولار قلتله تسلم يا صاحبي يا ابن البلد يا اصيل
نزلت خلصت مشواري ورجعت بعد ساعة تقريبا وزي ما اكون بحلم -العربية متكلبشة !! يا نهار منيل - ولاقي مخالفة ملزوقة وومكتوب عليها اني خالفت شروط الباركنج ومش دافع تكت للوقوف- المخالفة بكام؟ 118 دولار !!
اتصلت علي الرقم وجمعت كل كلمات الشتايم اللي اعرفها وانا بحكي حكايتي واني ضحية برئ - قالولي موظف التحصيل حيجي عشان تدفع
وصل الموظف بعد نص ساعة والجو نار -تقريبا الصيف زي مصر في شهر 8 - وحكيت وشرحت -ومفيش الا كلمتين حتدفع يعني حتدفع
ميلت عليه وقتلتله انت شكلك ابن تاون ومصلحتك معايا -حدفعلك 50 دولار ليك انت وفك الكلابشات
•خدته علي جنب كده وقلتله بقولك ايه يا ابن بلدي انت شكلك موظف شقيان وواكلين حقك -انا حدفعلك 50 دولار وعفا الله عما سلف- بص حواليه وقالي انت حتدفع كاش -قلت اكيد وضحك ضحكة استاذ نجاتي في المجمع وقالي موافق بس مفيش ايصال طبعا !!
ملحوظة: البوست طبعا مش لتشجيع الرشوة و لا علشان نخليك تجرب , و لكن علشان تاخد حذرك قبل ما تدفع فلوس لأي حد
# كام_معلقة_شوجر
#رشا_في _امريكا
#أنا_اتكلبشت_يا_سعاد
تابعوا معانا حكايات امريكية كل اسبوع يوم الجمعة ويوم الاثنين
By: Haytham