T
Travel Secrets
:: مسافر ::
بمناسبة ان النهارده عيد الأم , ربنا يخلي كل الأمهات , و يخليلي أمي و يبارك فيها و يديها الصحة و طولة العمر بجد هي أغلى في حياتي و شريكة نجاحي , النهارده العيد عندي عيدين , عيد الأم و عيد ميلادها ( أم بتوفر على أولادها ) , بس و الله لو طلبت عنينا ما نتاخر عنها ,
بما اننا صفحه بتهتم بالسفر فالبوست ده هديه للأمهات بمناسبة عيد الأم
السفر خارج البلاد له متعة خاصة،و يبدأ المرح والإثارة بمجرد الوصول للمطار، ومع أطفالك فالموضوع سلاح ذو حدين، فالأطفال من الممكن أن يكونوا متحمسين بشكل زائد ومستمتعين على الطائرة وفي المطار، و ممكن يخلوا الرحله من أولها زي الكابوس اللي نفسك تصحي منه
طيب ازاي تتجنبي ده ؟ تخيلي انك في طياره في رحلة لمدة 10 ساعات مثلا , حتحسي انك قرفانه و زهقانه و حتولعي في اول مضيفه تيجي تقولك لحمه و لا فراخ , فالسفر اصلا على الكبير حاجه مملة فتخيلي بقى على طفل سريع الملل حيبقى عامل ازاي !!
طيب تعملي ايه ؟
أسرار السفر مع الأطفال في الطيارة :
• مواعيد الرحلة.. هل ستكون المواعيد مريحة لأولادك و لا حتزود الطين بله؟ حاولي تحجزي رحلات تكون الظهر مش الفجر مثلا .
• الترانزيت والوقت بين الرحلات. , اختاري ترانزيت يكون قليل
• لو معاكي طفل رضيع اطلبي انك تعدي في أول صف لأن فيه امامه مكان ممكن تحطي عليه سرير للبيبي.
• اشركي أبنائك في الإعداد والتخطيط للرحلة، عرفيهم ايه اللي حيحصل منذ وصولهم للمطار، وتكلمي معهم على السلوك اللي مستنياه منهم، عرفيهم أنه سيكون هناك العديد من الصفوف «الطوابير» وكثير من الانتظار والجلوس ، اسأليهم ممكن تعملي ايه علشان تساعديهم على مرور الوقت، عندما يعرف الأطفال ماذا سيحدث غالبا يتصرفون أحسن.
• خليهم يوضبوا حقيبة ظهرهم بأنفسهم، ليحضروا ما قد يسليهم ويشغلهم، فقط ذكريهم أن يبتعدوا عن الأشياء المزعجة التي تحدث فوضى.
• الفكره دي حلوة أوي: هاتلهم هديه مفاجأة زي لعبه جديدة أو كتاب تلوين حيسليهم طوال الرحلة
• متنسيش تاخدي وجبات خفيفة للعيال لأنهم لو فتحوا في العياط مش حيتسدوا
• شوية حفاظات كتير و أكل للبيبي و في حاجه مهمه , لبن البيبي لازم يكون بودره مش سائل علشان ينفع يطلع على الطياره .
• غيارات للأطفال علشان حيبهدلوا نفسهم و ياريت كمان واحد ليكي علشان حيبهدلوكي معاهم
• مصاصه أو بونبوني يمصوا فيه عند الاقلاه و الهبوط علشان الضغط
• متأكليش الأطفال حاجه في سكريات عاليه علشان الهيبره و بالذات الشوكلاتات
• بلاش ألعاب مزعجه
• أي سوائل أكتر من 100 مل زي عصاير أو غيرها ممنوع تطلعي بيها الطياره تماما
• ممكن تاخدي ايباد أو تاب للاطفال و تشغليلهم كارتون او لعبه يتسلوا فيها بس لابسيهم سماعات علشان مش لازم الطياره كلها تسمع هما بيتفرجوا على ايه
• في وقت الترانزيت خليهم يجروا و ينطلقوا و يطلعوا الكبت اللي جواهم
• أول ما تطلعي الطياره تقعدي ابنك في مكانه و تربطيله الحزام و تقلعيه الجزمه بس لازم يكون لابس شراب علشان البرد , و اديله لعبه يتسلى فيها و تدعي ان ربنا يهديه و ينام و بعد كده تدعيلي على شوية النصايح دي
أتمنى أن النصايح تفيدكم المره الجايه و انتوا مسافرين مع أطفالكم و كل عيد أم و كل الأمهات بخير
By: Bahaa
#بوست_عيد_الأم
#أسرار_السفر_مع_الأطفال
#travel_secrets
بما اننا صفحه بتهتم بالسفر فالبوست ده هديه للأمهات بمناسبة عيد الأم
السفر خارج البلاد له متعة خاصة،و يبدأ المرح والإثارة بمجرد الوصول للمطار، ومع أطفالك فالموضوع سلاح ذو حدين، فالأطفال من الممكن أن يكونوا متحمسين بشكل زائد ومستمتعين على الطائرة وفي المطار، و ممكن يخلوا الرحله من أولها زي الكابوس اللي نفسك تصحي منه
طيب ازاي تتجنبي ده ؟ تخيلي انك في طياره في رحلة لمدة 10 ساعات مثلا , حتحسي انك قرفانه و زهقانه و حتولعي في اول مضيفه تيجي تقولك لحمه و لا فراخ
, فالسفر اصلا على الكبير حاجه مملة فتخيلي بقى على طفل سريع الملل حيبقى عامل ازاي !!طيب تعملي ايه ؟
أسرار السفر مع الأطفال في الطيارة :
• مواعيد الرحلة.. هل ستكون المواعيد مريحة لأولادك و لا حتزود الطين بله؟ حاولي تحجزي رحلات تكون الظهر مش الفجر مثلا .
• الترانزيت والوقت بين الرحلات. , اختاري ترانزيت يكون قليل
• لو معاكي طفل رضيع اطلبي انك تعدي في أول صف لأن فيه امامه مكان ممكن تحطي عليه سرير للبيبي.
• اشركي أبنائك في الإعداد والتخطيط للرحلة، عرفيهم ايه اللي حيحصل منذ وصولهم للمطار، وتكلمي معهم على السلوك اللي مستنياه منهم، عرفيهم أنه سيكون هناك العديد من الصفوف «الطوابير» وكثير من الانتظار والجلوس ، اسأليهم ممكن تعملي ايه علشان تساعديهم على مرور الوقت، عندما يعرف الأطفال ماذا سيحدث غالبا يتصرفون أحسن.
• خليهم يوضبوا حقيبة ظهرهم بأنفسهم، ليحضروا ما قد يسليهم ويشغلهم، فقط ذكريهم أن يبتعدوا عن الأشياء المزعجة التي تحدث فوضى.
• الفكره دي حلوة أوي: هاتلهم هديه مفاجأة زي لعبه جديدة أو كتاب تلوين حيسليهم طوال الرحلة
• متنسيش تاخدي وجبات خفيفة للعيال لأنهم لو فتحوا في العياط مش حيتسدوا
• شوية حفاظات كتير و أكل للبيبي و في حاجه مهمه , لبن البيبي لازم يكون بودره مش سائل علشان ينفع يطلع على الطياره .
• غيارات للأطفال علشان حيبهدلوا نفسهم و ياريت كمان واحد ليكي علشان حيبهدلوكي معاهم
• مصاصه أو بونبوني يمصوا فيه عند الاقلاه و الهبوط علشان الضغط
• متأكليش الأطفال حاجه في سكريات عاليه علشان الهيبره و بالذات الشوكلاتات
• بلاش ألعاب مزعجه
• أي سوائل أكتر من 100 مل زي عصاير أو غيرها ممنوع تطلعي بيها الطياره تماما
• ممكن تاخدي ايباد أو تاب للاطفال و تشغليلهم كارتون او لعبه يتسلوا فيها بس لابسيهم سماعات علشان مش لازم الطياره كلها تسمع هما بيتفرجوا على ايه
• في وقت الترانزيت خليهم يجروا و ينطلقوا و يطلعوا الكبت اللي جواهم
• أول ما تطلعي الطياره تقعدي ابنك في مكانه و تربطيله الحزام و تقلعيه الجزمه بس لازم يكون لابس شراب علشان البرد , و اديله لعبه يتسلى فيها و تدعي ان ربنا يهديه و ينام و بعد كده تدعيلي على شوية النصايح دي
أتمنى أن النصايح تفيدكم المره الجايه و انتوا مسافرين مع أطفالكم و كل عيد أم و كل الأمهات بخير
By: Bahaa
#بوست_عيد_الأم
#أسرار_السفر_مع_الأطفال
#travel_secrets