اليوم درت اعاده شمل مع اصحابي المفضلين الي...

[Ali Fakree Eldin ElSallabi]

اليوم درت اعاده شمل مع اصحابي المفضلين الي ديما انسافر معاهم وواحد منهم قاعد في الاردن .. درنا معاه جلسه تخطيط للسفر عن طريق الفيس تايم
انخططو لرحله جديده في الصيف الجاي
المهم سبب الاجتماع كلمني صاحبي قالي حليتلك موضوع الدولار وهوا كان العائق الوحيد عندي للسفر
بدينا انخططو
وبدن يطلعن المشاكل
اولا التاشيره الاوروبيه لازم من تونس او الاردن او مصر
ولازم تقعد داير الجواز الازرق
واحتمال يقبلوك ولا لا في السفاره
المهم بدن يطلعن الصعوبات بشويه بشويه بس مزلنا مصرين علي المشيه شهر 7 الجاي باذن الله وحتكون سفره اسطوريه بأذن واحد احد
ادعولنا

#لا_تفقد_الامل_في_السفر
#مهما_كانت_الصعاب_سأسافر

 

[Aziz Jado]

احسبنا معاك حتا بالكذب اعتبرني شفاف

 

[تامي المجبري]

ربي يسفركم

 

[Bushra Al-eman]

و التأشيرة المصريه او الأردنيه عشان تحصل الأوروبيه ،
رحلة ممتعه ان شاءالله

 

[Nora Ahmed]

رحلة موفقة ان شاء الله
ليش ماتغيروش وجهتكم لافريقيا ؟!

 

[Siraj Mahmoud]

لو تبوا حد يحكي ألماني يترجملكم في حالة مشيتوا لألمانيا أو النمسا أو سويسرا ،فأنا جاهز ...

ربنا يسهللكم

 

[Omar Albarghathi]

عندي فضول نعرف مشكلة الدولار كيف نحلت ؟

 

[Nonna Mokasabi]

ياريت يطلعنا معاك شوية دولارات صاحبك

 

[Hanyoa Alwarfly]

ربي يعطيكم مافي بالكم وربي يسرلكم اموركم وتسافروا وتغيرو جو

 

[Lavenderlibya Rana]

ربي يسهلكم ابدا في اجراءات الجواز الازرق من يوم ماقلت جددت الخضر استغربت مش داير الازرق

 

[Ňájãţ Âbüžåkûk]

ربي يسخرها لك و يسهلها ان شاء الله و اتسافروا و انسافروا حتى نحنا و يوعدنا يارب

 

[Eman Younis]

احجزو فالسفاره عالنت وخوذو موعد من توا وان شاء الله يسير منها وتكون رحله موفقه لكم جميعا

 

[Orayda S. Gaderbouh]

عادي الجواز الأخضر المهم مش اقل من سنة و يطيح مِن التقديم

 

[Tama Hadia]

ان شاء الله يارب يصير منها و تمشي للعالم كله

 

[Fouzia Elhassi]

ربي يسهل لكم كل الصعاب وما يجي شهر 7 الا والسفارات منفتحات والدولار نازل والامر تمام ان شاءالله

 

[Samira Faraj]

ربي يسفركم ويسفرنا

 

[Arèèj H Mohammad]

Keep going
احسبني معاك عليوة خيتك انا
بالتوفيق وان شاء الله تقعد سفرة سمحة وميسرة من عند ربي، توكل على الله ، ونستنوا فالصور ، فايتنغ

 

[Aya AlbarGhathi]

توا الدرجه هذي ماااااااالين من ليبيا يعني والله سمحه وتبي صبر بس

 

[Duni ElGzeeri]

سهفتونااااااا ، ربي يسخرلكم ويصير منها

 

[Sherihan Benghuzi]

ان شاءلله ربي ايسهلها لكم وتقعد احلى سفره❤