شوية #تنشيط عـ الليل !!! طبعا اكيدة الي...

[Aimen S K Fayad]

شوية #تنشيط عـ الليل !!!

طبعا اكيدة الي متأكدين منها أغلب أعضاء القروب متواجدين في ليبيا والي هما الخير والبركة ❤❤ ونبوهم يشاركو من أي مدينة ليبية ؟؟

نبو نشوفو عقاب اعضائنا الليبين وين #موجودين ،،،

فا لذلك يا تراڤلرز الموجودين خارج ليبيا اذكرولنا أماكن تواجدكم حاليا والغرض منها هل إقامة دائمة أو سياحة أو دراسة ولا مهاجر شرعي ، نبو نشوفو #أكثر بلاد متواجدين فيها التراڤلرز وين ؟؟

 

[Wewa Benghasher]

بنغازي واول تعليق هههههه

 

[Nour Al-Huda Šh]

بنغازي تاني تعليق والصراحه اقامه دارسه

 

[Arèèj H Mohammad]

اتعاير فينا انت اتعاير اه ههههههههههههههههه قاعدين منقبرين يا خيي في ليبيا

 

[Arèèj H Mohammad]

واقاممتي جبرية لان هلي المزيفين سارقيني من امريكا الشمالية وواخذين اوراقي الثبوتية وبس هذا سبب التتنيحه

 

[Ahmed AB]

بنغازي والسبب لوجوء حناني

 

[عهود الشريف]

اسطنبول ليا ثلاث سنوات

 

[Muftah Elteghe]

بريطانيا دراسة

 

[Rania El-Obydi]

بنغازي نبحث عن عمل ‍‍

 

[Esso Mîlaŋìstã]

بنغازي نستني ف الفرج

 

[Fatma Elbarghathi]

بنغازي. سياحة شتوية

 

[Areej Saleh]

حآلياً البريقة

 

[Mahmod Besha Bozawa]

أجدابيا ، و الغرض سياحه تبي تصدق صدق ما تبي تصدق علي كيفك

 

[Hajer M. Elagouri]

حالياً طرابلس الغرض دراسة بعد شهر بنغازي ولغرض السياحة
وبعدها حنرد لبلادي الأم إيطاليا "يوماً ما انا متأكدة"

 

[Sumia Abdallah]

البيضاء ☃ مهاجرة بسبب الأوضاع المزريه عندنا في سويسرا

 

[Fatoom BK]

شن بنقول بالله
مقيمة ف ليبيا وف جنوب ليبيا سبها
وان شاء الله يجي يوم ونراسلكم من برا ليبيا

 

[Otman Werfaly]

شوتزن فيج ستغسا

 

[Haitham Boumadian]

ليوبليانا ، إقامة دراسية بس في تخطيط للدائمة كان سخر الله ☺ .

 

[Esra Zeglam]

بنغازي و نتمنى نرجع كوالالمبور ف اقرب وقت و إقامة للأبد غادي

 

[Hanadi Alzway]

راس لانوف ❤