T
Travel Secrets
:: مسافر ::
رحلتي الى جبال الهيمالايا رحلة على الاقدام نحو القمة :
تجربة صديق الصفحة محمد أحمد الرشيدي
في البداية انا واحد بيحب السفر والترحال لكن ماكنش في دماغي خالص اني اعمل مغامرة زي دي, الموضوع ابتدي اني زهقت من روتين ومثلث الحياة والشغل اليومي ( شغل - بيت - جيم ) وكان نفسي اعمل اي حاجه جديدة تطلعني من الضغط والملل اللي انا فيه
المهم اني كنت قاعد ع النت عادي وبالصدفة لقيت صور عن سلسلة الجبال الهيمالايا والطبيعة اللي موجوده هناك و انبهرت بالمناظر اللي هناك وكمان كان ليا واحد صاحبي طلع المغامرة دي قبل كدا وهو اللي شجعني عليها وهنا قررت اني اخوض المغامرة , طبعا السفر بيحب اللمة بس لما جيت عرضت الموضوع على اصحابي طبعا استغربوا من المكان ونوع الرحلة و طبعا اغلبهم إن ماكنش كلهم رفضوا الحوار لانهم شايفينه حاجة غريبة ( مش عارف ليه ) !!
ولما لقيت نفسي لوحدي دا زاد اصراري اني اطلع مغامرة زي دي و فعلا انطلقت نحو المجهول ......
بعد بحث رهيب على النت , حجزت التذكرة و سافرت و وصلت بالليل الى مطار كاتماندو وطبعا البلد فقيرة جدا وده اول حاجه حتلاحظها من المطار اللي تحس انه مبنى بالطوب الاحمر
والحمد لله البلد بتاخد تأشيرتها من المطار بحوالي ( 25 دولار ) , بعدها ركبت تاكسي لحد الفندق و حجزت اول ليلة في فندق في العاصمة كاتماندو ..
تاني يوم الصبح بدأت اجراءات التصاريح و حجز الباص و تنظيم الرحله , الموضوع اخد مني وقت و مجهود علشان أعرف حعمل ايه بالظبط و ايه الأوراق المطلوبه و ازاي حبدأ الرحله , لأن الموضوع متعدد جدا هناك و فيه أكتر من رحله بتطلع لكذا مكان في الهيمالايا , فلازم تبقى عارف بالظبط حتروح فين و تعمل ايه .و باقي اليوم قعدت اتمشى في البلد واللي كان اشهر المعالم فيه معبد القردة , بس كانت تجربة جديده بالنسبه لي اني اتعرف على ثقافات جديدة .
صحيت الصبح تاني يوم ركبت الباص الساعة 7 الصبح وطلعت على بوكرا في رحلة لمدة 6 ساعات مش حتحس بيهم من كتر المناظر الطبيعية اللي حتشوفها حواليك وبعدها وصلت الفندق بعد الظهر حطيت شنطي ونزلت اتمشى ف المدينة شوية , مدينة بوكارا مدينة رائعه و الطبيعه فيها خلابه و أحلى حاجه فيها بحيرة فيوا , اللي تقدر تاخد فيها مركب و تتفرج على جبال الهيمالايا و انعكاسها على البحيرة منظر في منتهى الروعة .
تاني يوم الصبح أجرت عربية تبع الفندق وصلتني لنقطة البداية في الجبل وهناك حتعدي على مكتب او زي مابيقولوا عليه ( check point ) حتطلع التصريح وحيختموا عليه وحيكتبوا ميعاد طلعوك للجبل ومسار طريقك ايه وابتدت المغامرة من النقطة دي .
طبعا احساسك انك لوحدك ومعاك شنطتك ع كتفك وماشي ومعاك خريطتك وعينك ع قمة الجبل البعيدة اللي المفروض تطلعها كان احساس لايوصف . احساس بالفخر اني قررت أخوض تجربة زي دي و احساس انك رحالة بجد والحماسة والادرينالين في كل جسمك وانت بتتحدى نفسك وبتشوف مناظر طبيعية ممكن ماتكونش شوفتها غير في خلفيات الويندوز بس
وكانت احلى حاجه في الرحلة وانت طالع الجبل لما تقابل ناس بالصدفة زيك في الطريق من مختلف الجنسيات تتعرف عليهم وتكون صداقات معاهم وخصوصا لما تقرروا انكم تكملوا الرحلة مع بعض وتعملوا جروب كل شوية بيزيد وناس تنضم لجروب معاكوا ( كنت انا الجنسية العربية الوحيدة اللي موجودة وقتها )
وكان لما بيجي الليل كنا بنبات في بيوت ع الجبل بدائية اسمها ( guest house ) وكنا بنقعد طول الليل حوالين النار من جميع الجنسيات كل واحد بيتعرف ع ثقافات التاني و كل واحد كان يعتبر فعلا سفير وواجه لبلده , بيحاول يوصل فكرة كويسة عنها ( يارب اكون عملت الصح معاهم )
وكانت من احلى اللحظات لما وصلنا لقمة Poon Hill على ارتفاع 3200 متر. وشوفنا شروق الشمس من فوق القمة في منظر خرافي يحبس الانفاس, فعلا ساعتها حتنسى كل تعب و ارهاق الرحلة و تعيش لحظة في صفاء مع النفس من أحلى لحظات حياتك ..
الخلاصة الرحلة كانت من اروع المغامرات والتحديات اللي عملتها واستفدت منها كتير , اصحاب من كذا جنسية , ثقافات جديدة اتعرفت عليها , حتحس ان مداركك اتفتحت كتير وخرجت من دايرة مغلقه انت كنت حاطط نفسك فيها, و بجد حتكتشف حاجات جديدة في نفسك مكنتش تعرفها لأنك خرجت بره دايرة الأمان اللي انت راسمها لنفسك .
نصيحة سافر شوف الدنيا اتعرف وشوف ناس جديدة جديدة خليك جرئ استمتع بكل لحظه حلوه واهم حاجه استمتع بالادرينالين
اخيرا نقط مهمه لازم تخلي بالك منها :-
1- البلد من غير تأشيرة يعني يدوبك بتملى ابلكيشن ولازم تاخد كذا صورة شخصية اكتر من 4 لانك حتحتاج صور وانت بتطلع تصريح التسلق كمان وكمان خد قلم معاك علشان ماتتحيرش في المطار زيي
2- حتحول العملة في المطار عادي ويفضل يكون معاك دولار تحول بيه وشباك الصرفة حتلاقيه جوا قبل ماتختم الباسبور للدخول
3- هات شنطة كبيرة بتاعه السفاراي اللي بتتلبس على الظهر ( زي مخلة الجيش ) وحاول ماتجيبش هدوم كتير علشان وزن الشنطة لو حتشيلها ولو حتجيب هدايا تذكارية خليها بعد ماتخلص الطلوع للجبل .
4- اعمل حسابك في هدوم تقيلة عشان درجه الحرارة بتوصل بالسالب وممكن تنزل تلج عادي جدا وكمان حاول يكون معاك كلسون تلبسه تحت البنطلون وكوفية وأيس كاب ونضارة شمس وجزمة كوتشي ( 2 احتياط عشان الجبل ) والبنطلون يكون رياضي او واسع لانك حتمشي بيه كتير ممكن في اليوم تمشي 6 او 7 ساعات ف ماينفعش تلبس جينز او ضيق ولو نسيت وماجبتش حاول تجيب بنطلون مخصص للجبل من كاتمندوا لانها ارخص من بوكارا وكمان ياريت تكون لابس فانلة من النوع البولستر عشان وانت ماشي حتعرق في الجو التلج دا , فنصيحة بلاش قطن والبس بولستر عشان مش بيمتص العرق
5- زي ماقلت البلد هناك فقيرة , الاكل والشرب مافيهومش أي مشكلة لكن طبعا بما اني مسلم فماكنش ينفع اكل اي لحوم هناك لانها اما لحم خنزير او مش مذبوحة تبع الشريعه فهناك تحولت الى كائن Vegetarian, أو ممكن تاخد معاك معلبات بسيطه.
6- ماتشيلش هم الاكل وانت طالع الجبل لانك حتلاقي في guest house انهم بيعملوا انواع اكل كتير وطازة كمان ونصيحة حاول تجرب الاكل الشعبي بتاعهم ( انت رايح تجرب كل حاجه جديدة ) وعندهم اشهر اكلة شعبية اسمها ماموا
7- حاول تجيب باور بانك معاك محترم علشان حتحتاج تشحن كتير .
8 - حاول وانت في كاتماندوا تروح تشوف المعابد اللي هناك وخصوصا معبد القردة ولما توصل بوكارا اجر قارب وانزل البحيرة اللي هناك حتعجبك جدا
9 - لما تشتري الهدايا ماتقبلش ب اول سعر يقولك عليه دور في كذا محل وفاصل في النص ع طول
10 - لما تبقا فوق في الجبل حتشوف وتتعرف على كذا جنسية من كذا بلد حاول تتصرف كأنك سفير وواجهة لبلدك وخصوصا انهم مش متعودين على العرب وخصوصا المصريين هناك
11- وانت طالع الجبل لازم حتعدي على ( check point ) عامل زي مكتب الشرطة فيه ضابط تختم منه التصريح
12- اهم انقطة قبل ماتطلع من البلد اتاكد انك حولت العملة بتاعتهم لدولارات لان العملة بتاعتهم مش حتقدر تغيرها في اي حتة تانية وكدا ممكن تلبس فيها.
دي تفاصيل رحلتنا القادمة للهيمالايا , لو حابب تعيش نفس التجربه دي و اقوى منها كمان أدخل على اللينك ده و اعرف التفاصيل : /Travel Secrets
#نيبال_2016 #سافر_بره_الصندوق #travel_secrets
تجربة صديق الصفحة محمد أحمد الرشيدي
في البداية انا واحد بيحب السفر والترحال لكن ماكنش في دماغي خالص اني اعمل مغامرة زي دي, الموضوع ابتدي اني زهقت من روتين ومثلث الحياة والشغل اليومي ( شغل - بيت - جيم ) وكان نفسي اعمل اي حاجه جديدة تطلعني من الضغط والملل اللي انا فيه
المهم اني كنت قاعد ع النت عادي وبالصدفة لقيت صور عن سلسلة الجبال الهيمالايا والطبيعة اللي موجوده هناك و انبهرت بالمناظر اللي هناك وكمان كان ليا واحد صاحبي طلع المغامرة دي قبل كدا وهو اللي شجعني عليها وهنا قررت اني اخوض المغامرة , طبعا السفر بيحب اللمة بس لما جيت عرضت الموضوع على اصحابي طبعا استغربوا من المكان ونوع الرحلة و طبعا اغلبهم إن ماكنش كلهم رفضوا الحوار لانهم شايفينه حاجة غريبة ( مش عارف ليه ) !!
ولما لقيت نفسي لوحدي دا زاد اصراري اني اطلع مغامرة زي دي و فعلا انطلقت نحو المجهول ......
بعد بحث رهيب على النت , حجزت التذكرة و سافرت و وصلت بالليل الى مطار كاتماندو وطبعا البلد فقيرة جدا وده اول حاجه حتلاحظها من المطار اللي تحس انه مبنى بالطوب الاحمر
والحمد لله البلد بتاخد تأشيرتها من المطار بحوالي ( 25 دولار ) , بعدها ركبت تاكسي لحد الفندق و حجزت اول ليلة في فندق في العاصمة كاتماندو ..تاني يوم الصبح بدأت اجراءات التصاريح و حجز الباص و تنظيم الرحله , الموضوع اخد مني وقت و مجهود علشان أعرف حعمل ايه بالظبط و ايه الأوراق المطلوبه و ازاي حبدأ الرحله , لأن الموضوع متعدد جدا هناك و فيه أكتر من رحله بتطلع لكذا مكان في الهيمالايا , فلازم تبقى عارف بالظبط حتروح فين و تعمل ايه .و باقي اليوم قعدت اتمشى في البلد واللي كان اشهر المعالم فيه معبد القردة , بس كانت تجربة جديده بالنسبه لي اني اتعرف على ثقافات جديدة .
صحيت الصبح تاني يوم ركبت الباص الساعة 7 الصبح وطلعت على بوكرا في رحلة لمدة 6 ساعات مش حتحس بيهم من كتر المناظر الطبيعية اللي حتشوفها حواليك وبعدها وصلت الفندق بعد الظهر حطيت شنطي ونزلت اتمشى ف المدينة شوية , مدينة بوكارا مدينة رائعه و الطبيعه فيها خلابه و أحلى حاجه فيها بحيرة فيوا , اللي تقدر تاخد فيها مركب و تتفرج على جبال الهيمالايا و انعكاسها على البحيرة منظر في منتهى الروعة .
تاني يوم الصبح أجرت عربية تبع الفندق وصلتني لنقطة البداية في الجبل وهناك حتعدي على مكتب او زي مابيقولوا عليه ( check point ) حتطلع التصريح وحيختموا عليه وحيكتبوا ميعاد طلعوك للجبل ومسار طريقك ايه وابتدت المغامرة من النقطة دي .
طبعا احساسك انك لوحدك ومعاك شنطتك ع كتفك وماشي ومعاك خريطتك وعينك ع قمة الجبل البعيدة اللي المفروض تطلعها كان احساس لايوصف . احساس بالفخر اني قررت أخوض تجربة زي دي و احساس انك رحالة بجد والحماسة والادرينالين في كل جسمك وانت بتتحدى نفسك وبتشوف مناظر طبيعية ممكن ماتكونش شوفتها غير في خلفيات الويندوز بس
وكانت احلى حاجه في الرحلة وانت طالع الجبل لما تقابل ناس بالصدفة زيك في الطريق من مختلف الجنسيات تتعرف عليهم وتكون صداقات معاهم وخصوصا لما تقرروا انكم تكملوا الرحلة مع بعض وتعملوا جروب كل شوية بيزيد وناس تنضم لجروب معاكوا ( كنت انا الجنسية العربية الوحيدة اللي موجودة وقتها )
وكان لما بيجي الليل كنا بنبات في بيوت ع الجبل بدائية اسمها ( guest house ) وكنا بنقعد طول الليل حوالين النار من جميع الجنسيات كل واحد بيتعرف ع ثقافات التاني و كل واحد كان يعتبر فعلا سفير وواجه لبلده , بيحاول يوصل فكرة كويسة عنها ( يارب اكون عملت الصح معاهم
)وكانت من احلى اللحظات لما وصلنا لقمة Poon Hill على ارتفاع 3200 متر. وشوفنا شروق الشمس من فوق القمة في منظر خرافي يحبس الانفاس, فعلا ساعتها حتنسى كل تعب و ارهاق الرحلة و تعيش لحظة في صفاء مع النفس من أحلى لحظات حياتك ..
الخلاصة الرحلة كانت من اروع المغامرات والتحديات اللي عملتها واستفدت منها كتير , اصحاب من كذا جنسية , ثقافات جديدة اتعرفت عليها , حتحس ان مداركك اتفتحت كتير وخرجت من دايرة مغلقه انت كنت حاطط نفسك فيها, و بجد حتكتشف حاجات جديدة في نفسك مكنتش تعرفها لأنك خرجت بره دايرة الأمان اللي انت راسمها لنفسك .
نصيحة سافر شوف الدنيا اتعرف وشوف ناس جديدة جديدة خليك جرئ استمتع بكل لحظه حلوه واهم حاجه استمتع بالادرينالين
اخيرا نقط مهمه لازم تخلي بالك منها :-
1- البلد من غير تأشيرة يعني يدوبك بتملى ابلكيشن ولازم تاخد كذا صورة شخصية اكتر من 4 لانك حتحتاج صور وانت بتطلع تصريح التسلق كمان وكمان خد قلم معاك علشان ماتتحيرش في المطار زيي
2- حتحول العملة في المطار عادي ويفضل يكون معاك دولار تحول بيه وشباك الصرفة حتلاقيه جوا قبل ماتختم الباسبور للدخول
3- هات شنطة كبيرة بتاعه السفاراي اللي بتتلبس على الظهر ( زي مخلة الجيش ) وحاول ماتجيبش هدوم كتير علشان وزن الشنطة لو حتشيلها ولو حتجيب هدايا تذكارية خليها بعد ماتخلص الطلوع للجبل .
4- اعمل حسابك في هدوم تقيلة عشان درجه الحرارة بتوصل بالسالب وممكن تنزل تلج عادي جدا وكمان حاول يكون معاك كلسون تلبسه تحت البنطلون وكوفية وأيس كاب ونضارة شمس وجزمة كوتشي ( 2 احتياط عشان الجبل ) والبنطلون يكون رياضي او واسع لانك حتمشي بيه كتير ممكن في اليوم تمشي 6 او 7 ساعات ف ماينفعش تلبس جينز او ضيق ولو نسيت وماجبتش حاول تجيب بنطلون مخصص للجبل من كاتمندوا لانها ارخص من بوكارا وكمان ياريت تكون لابس فانلة من النوع البولستر عشان وانت ماشي حتعرق في الجو التلج دا , فنصيحة بلاش قطن والبس بولستر عشان مش بيمتص العرق
5- زي ماقلت البلد هناك فقيرة , الاكل والشرب مافيهومش أي مشكلة لكن طبعا بما اني مسلم فماكنش ينفع اكل اي لحوم هناك لانها اما لحم خنزير او مش مذبوحة تبع الشريعه فهناك تحولت الى كائن Vegetarian, أو ممكن تاخد معاك معلبات بسيطه.
6- ماتشيلش هم الاكل وانت طالع الجبل لانك حتلاقي في guest house انهم بيعملوا انواع اكل كتير وطازة كمان ونصيحة حاول تجرب الاكل الشعبي بتاعهم ( انت رايح تجرب كل حاجه جديدة ) وعندهم اشهر اكلة شعبية اسمها ماموا
7- حاول تجيب باور بانك معاك محترم علشان حتحتاج تشحن كتير .
8 - حاول وانت في كاتماندوا تروح تشوف المعابد اللي هناك وخصوصا معبد القردة ولما توصل بوكارا اجر قارب وانزل البحيرة اللي هناك حتعجبك جدا
9 - لما تشتري الهدايا ماتقبلش ب اول سعر يقولك عليه دور في كذا محل وفاصل في النص ع طول
10 - لما تبقا فوق في الجبل حتشوف وتتعرف على كذا جنسية من كذا بلد حاول تتصرف كأنك سفير وواجهة لبلدك وخصوصا انهم مش متعودين على العرب وخصوصا المصريين هناك
11- وانت طالع الجبل لازم حتعدي على ( check point ) عامل زي مكتب الشرطة فيه ضابط تختم منه التصريح
12- اهم انقطة قبل ماتطلع من البلد اتاكد انك حولت العملة بتاعتهم لدولارات لان العملة بتاعتهم مش حتقدر تغيرها في اي حتة تانية وكدا ممكن تلبس فيها.
دي تفاصيل رحلتنا القادمة للهيمالايا , لو حابب تعيش نفس التجربه دي و اقوى منها كمان أدخل على اللينك ده و اعرف التفاصيل : /Travel Secrets
#نيبال_2016 #سافر_بره_الصندوق #travel_secrets