T
Travel Secrets
:: مسافر ::
أسباب رفض الشنجن (الجزء التاني)
كنا أول صفحه اتكلمت عن اسباب رفض فيزا شنجن في أكتوبر 2015 , و لأهمية الموضوع عند ناس كتير عاوز أقولكم على شوية نصائح مهمة
1. اهم حاجه في كشف الحساب أن يكون عليه عمليات سحب و ايداع كتير خلال اخر 6 شهور , و ده اهم من المبلغ الموجود نفسه , بس كمان لازم تثبت انك قادر انك تعيش هناك و تصرف بدون مشاكل
2. الصورة اللي حتقدمها لازم تكون غير صورة الباسبور ( حتى لو حديثه ) المهم تكون غير صورة الباسبور
3. تأمين السفر لازم يغطي طوال فترة اقامتك هناك
4. بسبب ظروف البلد الاقتصاديه شباب كتير فعلا بتفكر تسافر و مترجعش تاني و ده من اكتر الأسباب اللي بتخلي نسب رفض الفيزا للمصريين عاليه جدا , فلو بتفكر أنك تسافر علشان تكوت و تكسر فيزا , فخلي بالك موظفين السفاره بيعرفوا ده كويس و فيزتك حتترفض ( عندهم قرون استشعار للناس دي )
5. لو حتسافر بدعوة من صديق او دعوة من واحده صاحبتك علشان تروح تتجوز هناك , فنسب رفض الفيزا حتكون كبيره جدا علشان ده حيثبت لهم أنك مش راجع تاني
6. للأسف السائح المصري مش مهم أوي للسياحه الأوربيه لأنهم عارفين أنهم مش حيستفيدوا منك أوي و عارفين أن أغلب الشباب بيروحوا عاوزين يلفوا أوروبا كلها بأقل التكاليف , و احنا عاملين الصفحات دي بالفعل علشان كده ( مش حنضحك على بعض يعني )
7. لازم تقنعهم انك مسافر فعلا علشان سياحة و ده بيتم أنك تقدم برنامج سياحي محترم لكل حاجه حتعملها هناك بالتفصيل , علشان يعرف أنك فعلا رايح للسياحه فقط مش حاجه تانيه . و لو رايح لمؤتمر مثلا يبقى يكون معاك دعوة رسمية من مؤتمر أو مكان ليه أسمه و محترم , مش مجرد انك تسجل اسمك في اي مؤتمر يعتبر دعوة من مؤتمر.
8. لو حتزور أكتر من بلد و ده اكيد حيحصل , حاول أنك تعمل البرنامج السياحي اللي حتقدمه للسفارة في البلد اللي انت مقدم عليها فقط , يعني لو حتقدم على فرنسا و حتزور 5 دول معاها يبقى تعمل برنامجك على فرنسا , لكن خليك لعيب متقدمش مثلا برنامجك أنك مسافر باريس و حتعد أسبوعين علشان محدش حيصدقك , لازم تنوع المدن اللي حتزورها , يعني تكتب انك حتزور مثلا كان و ليون و بوردو و نيس و هكذا
9. الأفضل ان تذكرتك تبقى للدوله اللي حتطلع منها الفيزا , حتى لو كانت الدول دي حتروحها بعدين خلال زيارتك و حتعد فيها اطول مده. المهم تكون هي وجهتك الأولى .
10. الصراحه كده , مافيش قواعد لرفض أو قبول الفيزا , العمليه خزعبليه شوية و ملهاش أي قواعد للرفض أو القبول , ناس عمرها ما سافرت باسبورها أبيض و حسابها فيه 5 الاف جنيه و خدتها , و ناس كان معاها شنجن 7 مرات و فيزا أمريكا و بتاع 12 فيزا تانيين و حسابها فيه 100 الف جنيه و أترفضت , فالعمليه مش مضمونه لأي حد.
11. أوعى تصدق أي شركة سياحه تقولك احنا حنطلعلك الفيزا الا لو بتحب يتنصب عليك , شركات السياحه بتساعدك فقط في أخذ موعد و ترتيب الأوراق و تعبئة الأبليكشن و حجز الطيران و الفندق , غير كده الشركه ملهاش أي علاقة بقبول أو رفض الفيزا.
12. في حالة رفض السفاره ليك فبيانتك بتفضل على سيستم شنجن خلال 6 شهور , و لازم اما تقدم في نفس السفاره اللي رفضتك تاني اذا حتسافر خلال ال 6 شهور , أو تنتظر بعد ال 6 شهور و تقدم على أي سفاره و في الحال دي كل بياناتك بتكون اتمسحت من على سيستم شنجن الموحد . و وجود ختم الرفض على الباسبور مش بيؤثر في حاجه اذا قدمت تاني
13. نصيحة أخوية : لو حتسافر أوروبا شهر عسل منصحكش , لأن أوروبا أغلبها مشي و زيارة متاحف و معالم أثريه و فرهده , و تجربة أنك تقدم على شنجن و تترفض قبل الفرح مع ترتيبات الجواز حتبقى تجربة مش لطيفه , فالأفضل أنك تسافر دوله فيزتها سهله أو بدون فيزا اصلا و خلي أوروبا بعدين .
أتمنى لكم التوفيق جميعا , و متخافوش العالم مش كله أوروبا , فيه دول تانيه كتييير تستاهل فعلا الزياره . أبدأ بالسهل الأول و جرب احساس السفر و المغامره و أطمن الصعب حيجي بعدين .
By: Bahaa
ملحوظه: الصورة في احدى حواري برشلونة
#الشنجن_مش_اخر_العالم #travel_secrets
.
كنا أول صفحه اتكلمت عن اسباب رفض فيزا شنجن في أكتوبر 2015 , و لأهمية الموضوع عند ناس كتير عاوز أقولكم على شوية نصائح مهمة
1. اهم حاجه في كشف الحساب أن يكون عليه عمليات سحب و ايداع كتير خلال اخر 6 شهور , و ده اهم من المبلغ الموجود نفسه , بس كمان لازم تثبت انك قادر انك تعيش هناك و تصرف بدون مشاكل
2. الصورة اللي حتقدمها لازم تكون غير صورة الباسبور ( حتى لو حديثه ) المهم تكون غير صورة الباسبور
3. تأمين السفر لازم يغطي طوال فترة اقامتك هناك
4. بسبب ظروف البلد الاقتصاديه شباب كتير فعلا بتفكر تسافر و مترجعش تاني و ده من اكتر الأسباب اللي بتخلي نسب رفض الفيزا للمصريين عاليه جدا , فلو بتفكر أنك تسافر علشان تكوت و تكسر فيزا , فخلي بالك موظفين السفاره بيعرفوا ده كويس و فيزتك حتترفض ( عندهم قرون استشعار للناس دي )
5. لو حتسافر بدعوة من صديق او دعوة من واحده صاحبتك علشان تروح تتجوز هناك , فنسب رفض الفيزا حتكون كبيره جدا علشان ده حيثبت لهم أنك مش راجع تاني
6. للأسف السائح المصري مش مهم أوي للسياحه الأوربيه لأنهم عارفين أنهم مش حيستفيدوا منك أوي و عارفين أن أغلب الشباب بيروحوا عاوزين يلفوا أوروبا كلها بأقل التكاليف , و احنا عاملين الصفحات دي بالفعل علشان كده ( مش حنضحك على بعض يعني )
7. لازم تقنعهم انك مسافر فعلا علشان سياحة و ده بيتم أنك تقدم برنامج سياحي محترم لكل حاجه حتعملها هناك بالتفصيل , علشان يعرف أنك فعلا رايح للسياحه فقط مش حاجه تانيه . و لو رايح لمؤتمر مثلا يبقى يكون معاك دعوة رسمية من مؤتمر أو مكان ليه أسمه و محترم , مش مجرد انك تسجل اسمك في اي مؤتمر يعتبر دعوة من مؤتمر.
8. لو حتزور أكتر من بلد و ده اكيد حيحصل , حاول أنك تعمل البرنامج السياحي اللي حتقدمه للسفارة في البلد اللي انت مقدم عليها فقط , يعني لو حتقدم على فرنسا و حتزور 5 دول معاها يبقى تعمل برنامجك على فرنسا , لكن خليك لعيب متقدمش مثلا برنامجك أنك مسافر باريس و حتعد أسبوعين علشان محدش حيصدقك , لازم تنوع المدن اللي حتزورها , يعني تكتب انك حتزور مثلا كان و ليون و بوردو و نيس و هكذا
9. الأفضل ان تذكرتك تبقى للدوله اللي حتطلع منها الفيزا , حتى لو كانت الدول دي حتروحها بعدين خلال زيارتك و حتعد فيها اطول مده. المهم تكون هي وجهتك الأولى .
10. الصراحه كده , مافيش قواعد لرفض أو قبول الفيزا , العمليه خزعبليه شوية و ملهاش أي قواعد للرفض أو القبول , ناس عمرها ما سافرت باسبورها أبيض و حسابها فيه 5 الاف جنيه و خدتها , و ناس كان معاها شنجن 7 مرات و فيزا أمريكا و بتاع 12 فيزا تانيين و حسابها فيه 100 الف جنيه و أترفضت , فالعمليه مش مضمونه لأي حد.
11. أوعى تصدق أي شركة سياحه تقولك احنا حنطلعلك الفيزا الا لو بتحب يتنصب عليك , شركات السياحه بتساعدك فقط في أخذ موعد و ترتيب الأوراق و تعبئة الأبليكشن و حجز الطيران و الفندق , غير كده الشركه ملهاش أي علاقة بقبول أو رفض الفيزا.
12. في حالة رفض السفاره ليك فبيانتك بتفضل على سيستم شنجن خلال 6 شهور , و لازم اما تقدم في نفس السفاره اللي رفضتك تاني اذا حتسافر خلال ال 6 شهور , أو تنتظر بعد ال 6 شهور و تقدم على أي سفاره و في الحال دي كل بياناتك بتكون اتمسحت من على سيستم شنجن الموحد . و وجود ختم الرفض على الباسبور مش بيؤثر في حاجه اذا قدمت تاني
13. نصيحة أخوية : لو حتسافر أوروبا شهر عسل منصحكش , لأن أوروبا أغلبها مشي و زيارة متاحف و معالم أثريه و فرهده , و تجربة أنك تقدم على شنجن و تترفض قبل الفرح مع ترتيبات الجواز حتبقى تجربة مش لطيفه , فالأفضل أنك تسافر دوله فيزتها سهله أو بدون فيزا اصلا و خلي أوروبا بعدين .
أتمنى لكم التوفيق جميعا , و متخافوش العالم مش كله أوروبا , فيه دول تانيه كتييير تستاهل فعلا الزياره . أبدأ بالسهل الأول و جرب احساس السفر و المغامره و أطمن الصعب حيجي بعدين .
By: Bahaa
ملحوظه: الصورة في احدى حواري برشلونة
#الشنجن_مش_اخر_العالم #travel_secrets
.