مساء الخير اعضاء قروبنا السمحين ديما نحكيلكم...

  • بادئ الموضوع بادئ الموضوع Ali Fakree Eldin ElSallabi
  • تاريخ البدء تاريخ البدء
عرض العطلة
A

Ali Fakree Eldin ElSallabi

:: مسافر ::
#1
مساء الخير اعضاء قروبنا السمحين
ديما نحكيلكم في قصص سفر من خارج الوطن بس اليوم نبي نحكيلكم قصه سفر صارت معايا علي ارض الوطن الحبيب <3 :)

المهم انه شهر 9 الي فات كنا ماشيين لزرده لللمنطقه الشرقيه ( شحات البيضاء براك نوط بحيره كليوباترا) انا و10 اصحاب :) مقسمين علي 3 سيارات
وفي الطريق مع الساعه 11 ونص وقفنا علي جامع في نص الطريق عشان الي يبي ايصلي ايصلي
الجامع كان مسكر طبعا بس الحمام بتاع الجامع مفتوح
والجامع جاي في منطقة مقطوعه مفيش يلاها لا بيوت لا محلات لا شي
المهم خليتهم خشو كلهم بالواحد للحمامات وانا قعدت اخر واحد عشان ناخذ راحتي
وبعد مطلعو كلهم خشيت
توضيت عشان انصلي العشاء
وكسدت اشويه قدام المرايه انششف في روحي :) :) وبعدها طلعت
ويارتني ما طلعت :)
لقيت الثلاث سيارات عدن
ومفيش مخلوق في المنطقه الا اصوات كلاب قاعدات اينابشن من بعيد
وظلام وجو مش تمام بكل
انا استغربت وضرب في راسي
ان الي راكب معاهم يسحابوني ركبت في سياره اخري وعدو وسيبوني
وقعدت دقيقتين مستك ومش فاهم شن اندير وانرن عليهم خارج التغطيه كلهم
ومرت من قدامي سياره تجري بحت فيا صاحبها واكيده قال في راسه
شن ايدير الهبل هذا بروحه ومفيش يلاه اي سيارات ايدلن علي كيف بيروح :(
المهم معش عرفت شن اندير والكلاب بدن ايقربن وحسيت اني بنتمعيل :) :) فقررت انرد انخش للحمام لعل وعسى اصحابي يذكروني او يفطنو وايردو عليا
وانا خاش للحمام
اتجيني ضربه علي راسي بالقوه ومعاها صوت عالي جدا :)
طبعا انا ركبني السكر والضغط وانفجعت فجعه مستحيل ننساها في حياتي
بحتت في صاحب الضربه
لقيته صاحبي الي ايسوق بينا
دررس سيارته بعيد وجا مخصوص ونط من سور الجامع عشان يفجعني :) :) :)
بعدها المكان كله انقلب ضحك واطلعو الباقيين الي معايا في السياره كل واحد كان كارس في مكان
وصوروني فيديو وانا مش فاهم شي ومفجوع
المهم اني قعدت عشر دقايق نستوعب في الفجعه بعدين بديت انرد في حقي :) :) خذيت عصا وضربت الي طقيت فيه منهم :)

#مشت_علي_راسي
#مقلب_في_شحات :(
#الأدمن_مفجوع :)
15965539_1281232268599960_729630408530973998_n.jpg
 
عرض العطلة
#8
صايرتلي من قبل في زردة طبعا ونحن مروحين بابا يخلي فينا نمشو علي كرعينا لعند نهاية الجبل وهو قدامنا بالسيارة المهم خوتي كانو معايا وكلهم غلبوني ومشو للسيارة وأنا مازلت علي أقل من مهلي
وصلت لعند النهاية بحتت يمين يسار مالقيت حد
يأست بكل طبعا وقعدت نبكي وحالتي حالة بعدين طلعو يتحنطو وخاشين بالسيارة في نص الشجر وانا قبل رحت فيها بسبب خفت دمهم
 
عرض العطلة
#11
انهار ابيض ماسدش خلعة المكان وليل و زادة حركتهم ، بايخة الصراحة فاتت حدود البصارة مرات الواحد في لحظة يجيه السكر من الرعشة
 
#13
اول حاجه درتها قسمت ال10 عال3 عشات نتخيل القصه بالتفصيل ... بس قول هو اساسا مقلب ودروحهم م فطنولكش والا صاح زي ما توقعت انت ؟
 
عرض العطلة
عرض العطلة
عرض العطلة
عرض العطلة
أعلى أسفل
عودة
قائمة