T
Travel Secrets
:: مسافر ::
سافر من الألف الى الياء ( الحلقة الثانيه ) :
حنكمل موضوعنا عن الخطوة الاولي للسفر و ازاي تكون مسافر محترف و متترفضش في اي سفاره
..
خلينا نتفق مبدئيا أن الفيز بتنقسم 3 أنواع :
النوع الأول : دول نقدر ندخلها بدون فيزا تماما و مجانا كمان زي ماليزيا مثلا , و دول بناخد الفيزا في المطار بمبلغ رمزي زي نيبال مثلا و المالديف و أندونيسيا . و الدول دي أنصح الواحد بزيارتها أولا لو كان لسه عمره ما سافر أي دوله , لأنه مش حيلاقي اي صعوبة أنه يسافرلها و ده حيكسر جواه أول رهبة من السفر و مش حيدخله في مشاكل و أوراق الفيزا و طلباتها
النوع التاني : دول الفيزا بتاعتها سهله نسبيا , زي مثلا تايلاند و تركيا , و دي بتحتاج كشف حساب و ان الواحد يكون بيشتغل فأسهل شويه من النوع الأول و مش بتترفض يعني لو الورق موجود لازم تتقبل بدون مشكله .
النوع التالت و ما ادراك من النوع المنيل ده
: فيز بتكون فيها نسب الرفض أعلى كتير من نسب القبول زي مثلا شنجن ( أوروبا ) و أمريكا و بريطانيا . و دي محتاجه تمهيد لها و تظبيط أوراق علشان نضمن بنسبه كبيره ان شاء الله اننا نحصل عليها , و ده الهدف من الحلقات دي
قبل مكمل الموضوع بأكد ان أي سفارة من النوع التالت بتقيم طلب الفيزا بتاعك بنظام نقاط . ( افتراضي).. بمعني ان لو حد شاف نظام الهجرة لكندا او استراليا مثلا بيعتمد علي نقاط في الموافقة. . لو مثلا متجوز تاخد نقطتين ..عازب نقطة واحدة.. وهكذا..
ازاي نجمع اكبر عدد نقاط واحنا بنقدم طلب الفيزا .؟
اتكلمنا في الحلقة الاولي عن الجواز الابيض الخالي من التاشيرات وقلت ان فرصة الحصول علي فيزا من النوع التالت بتكون شبه مستحيلة لو جوازك ابيض.
واقترحنا السفر لدول فيزتها سهلة او بدون فيزا زي النوع الاول و التاني. فكرة السفر مش الهدف الاساسي منها انك تفير جو قد ما هدفها هو عمل cv كويسة ليك وانت بتقدم علي فيزا شنجن او امريكا و كمان أطمن حتسافر و تتبسط و تتعرف بردو على ثقافات جديده
لو عندك سابقة سفر لاي مكان حتجمع نقاط كويسة جدا . لانك ببساطة اثبت انك شخص محب للسفر والسياحة وانك طبيعي تزور بلد او اتنين كل سنة.
حساب البنك"
حساب البنك لازم يكون مر عليه 6 شهور ولازم يكون فيه عمليات سحب وايداع منطقية. مينفعش ابدا اودع 100 الف جنيه مرة واحدة بدون سبب مقنع. و ده بيعمل خط احمر وعلامات استفهام عند موظف السفاره .لازم اثبات واضح ومبرر . دي علامة سلبية جدا مثيرة الشبهات.
الايداعات تكون متسلسلة وحاول انك تشتري أغلب حاجتك ببطاقة البنك ( لو ينفع ) , طبيعة المشتريات كمان بتبين المستوي الاجتماعي للشخص . لو واحد من اصحابك حيشتري موبايل تروح معاه وتدفع انت ببطاقة البنك بتاعتك ( و تاخد منه الفلوس كاش طبعا ) . وهكذا يظهر كشف الحساب بشكل جيد. وبكده نكون جمعنا نقط كويسة بتقربنا لهدفنا.
اتفقنا ان الخطوات دي محتاجة لوقت ، لو قلت ان الموضوع صعب وطويل حتعدي السنة عليك وانت في مكانك ..ابدأ من بكره رتب نفسك وجهز حالك .
ولسه مكملين موضوعنا.. تابعونا.
ده لينك الحلقة الأولى : /Travel Secrets
By: Haitham & Bahaa
#سافر_من_الاف_الى_الياء #travel_secrets
حنكمل موضوعنا عن الخطوة الاولي للسفر و ازاي تكون مسافر محترف و متترفضش في اي سفاره
..خلينا نتفق مبدئيا أن الفيز بتنقسم 3 أنواع :
النوع الأول : دول نقدر ندخلها بدون فيزا تماما و مجانا كمان زي ماليزيا مثلا , و دول بناخد الفيزا في المطار بمبلغ رمزي زي نيبال مثلا و المالديف و أندونيسيا . و الدول دي أنصح الواحد بزيارتها أولا لو كان لسه عمره ما سافر أي دوله , لأنه مش حيلاقي اي صعوبة أنه يسافرلها و ده حيكسر جواه أول رهبة من السفر و مش حيدخله في مشاكل و أوراق الفيزا و طلباتها
النوع التاني : دول الفيزا بتاعتها سهله نسبيا , زي مثلا تايلاند و تركيا , و دي بتحتاج كشف حساب و ان الواحد يكون بيشتغل فأسهل شويه من النوع الأول و مش بتترفض يعني لو الورق موجود لازم تتقبل بدون مشكله .
النوع التالت و ما ادراك من النوع المنيل ده
: فيز بتكون فيها نسب الرفض أعلى كتير من نسب القبول زي مثلا شنجن ( أوروبا ) و أمريكا و بريطانيا . و دي محتاجه تمهيد لها و تظبيط أوراق علشان نضمن بنسبه كبيره ان شاء الله اننا نحصل عليها , و ده الهدف من الحلقات دي قبل مكمل الموضوع بأكد ان أي سفارة من النوع التالت بتقيم طلب الفيزا بتاعك بنظام نقاط . ( افتراضي).. بمعني ان لو حد شاف نظام الهجرة لكندا او استراليا مثلا بيعتمد علي نقاط في الموافقة. . لو مثلا متجوز تاخد نقطتين ..عازب نقطة واحدة.. وهكذا..
ازاي نجمع اكبر عدد نقاط واحنا بنقدم طلب الفيزا .؟
اتكلمنا في الحلقة الاولي عن الجواز الابيض الخالي من التاشيرات وقلت ان فرصة الحصول علي فيزا من النوع التالت بتكون شبه مستحيلة لو جوازك ابيض.
واقترحنا السفر لدول فيزتها سهلة او بدون فيزا زي النوع الاول و التاني. فكرة السفر مش الهدف الاساسي منها انك تفير جو قد ما هدفها هو عمل cv كويسة ليك وانت بتقدم علي فيزا شنجن او امريكا و كمان أطمن حتسافر و تتبسط و تتعرف بردو على ثقافات جديده
لو عندك سابقة سفر لاي مكان حتجمع نقاط كويسة جدا . لانك ببساطة اثبت انك شخص محب للسفر والسياحة وانك طبيعي تزور بلد او اتنين كل سنة.
حساب البنك"
حساب البنك لازم يكون مر عليه 6 شهور ولازم يكون فيه عمليات سحب وايداع منطقية. مينفعش ابدا اودع 100 الف جنيه مرة واحدة بدون سبب مقنع. و ده بيعمل خط احمر وعلامات استفهام عند موظف السفاره .لازم اثبات واضح ومبرر . دي علامة سلبية جدا مثيرة الشبهات.
الايداعات تكون متسلسلة وحاول انك تشتري أغلب حاجتك ببطاقة البنك ( لو ينفع ) , طبيعة المشتريات كمان بتبين المستوي الاجتماعي للشخص . لو واحد من اصحابك حيشتري موبايل تروح معاه وتدفع انت ببطاقة البنك بتاعتك ( و تاخد منه الفلوس كاش طبعا
) . وهكذا يظهر كشف الحساب بشكل جيد. وبكده نكون جمعنا نقط كويسة بتقربنا لهدفنا.اتفقنا ان الخطوات دي محتاجة لوقت ، لو قلت ان الموضوع صعب وطويل حتعدي السنة عليك وانت في مكانك ..ابدأ من بكره رتب نفسك وجهز حالك .
ولسه مكملين موضوعنا.. تابعونا.
ده لينك الحلقة الأولى : /Travel Secrets
By: Haitham & Bahaa
#سافر_من_الاف_الى_الياء #travel_secrets