نبي نحكيلكم قصة حزينه تصيرلي كل ما نسافر ديما...

[Qassim Al-Aghory]

نبي نحكيلكم قصة حزينه تصيرلي كل ما نسافر
ديما حجز الكرسي يجي جنب الجناح مره يمين مره يسار بالضبط عند مخرج الطوارئ و ديما محروم من اني نشوف لون بلادنا الأشهب من السما

اول ما تطلع الطياره نقعد نفكر كيف حنزقب اول واحد لو صارت حاجه .. فرحان اني مش حنصبي في طابور اول مره في حياتي ... وكيف حنعيش في جزيرة بروحي نفس ما صار لتوم هانكس في فيلم كاست أوي وسط التفكير نلقي روحي في سابع نومه ما انوض الا علي صوت الركاب و هم يصفقو للكابتن عشان هبط بيهم بسلام

تهايالي التصفيق هذا يصير علي الطيارات الليبيه بس و لا حتي الاجانب برا يصفقو ؟؟ سؤال يشغل بالي و الله

 

[Reem Alkomaty]

ماعمرش ركبت في طياره بس ديما يحكولي عالتصفيق بس عاهدت نفسي لما نركب في طياره مستحيل نصقق

 

[Aziz Jado]

اني معمريش صارتلي متع تصفيق

 

[Alla Ahmed Allaghi]

لا الليبين بس لكن التصفيقه حاضره في كل الطيارات اللي فيها الليبين لان حضرتهم و هما يصفقوا ع الخطوط الاردنية

 

[Marwa Bent Elforjani]

أينما يتواجد الليبيين يتواجد ال وبالدات عاد كان دكروا اسم الكابتن وطلع عنده اقارب في الطيارة ، مرة عالأفريقية سموا اسم الكابتن جاب الله البوزيدي دورة نلقى الطيارة كلها اتصفق واتصفر (ايواااا بوزييييديييي) حسيت روحي في ملعب كورة

 

[Shahed Ben Jumayaa]

حتّى نا خاطري نعرف قصّة التّصفيقة

 

[Dede ALasbali]

هههههه قصة التصفيق فعلا عند الركاب الليبين

 

[Farah Boukshim]

أي رحله فيها عرب اعرف في جرتها تصفيق

 

[Koka Elhady]

والي عنده فوبيا من الطياره ياخد منوم ويرقد وميوعى الا ع تصفيق
مره ولد خالتي صغيره مسافر معانا في طياره شويه قعدت يصفقوا قعد هو يصفر يسحاب روحه يحضر في كوره

 

[Meme Bunk]

نفس المقلب ديما صايرلي
بس بعدها فطنت قعدت لما ناخذ
Boarding pass
انقوله ما نبيش عالجناح

 

[ESk Abdusalam]

تحسه لقطه عبيطه لما يصفقو نقعد نبحت فيهم ونضحك

 

[Tammy Sweet]

ههههههههههههه انا ماكنتش نعرف علي قصه التصفيق انصدمت لما لقيتهم يصفقو بس كانت السفرة في الشتاء ومطر وبرق ومطبات هوائية وتوقعت التصفيق في الرحلة هذي بس عشان هبوط جا حلو جديات

 

[Nama A. Karkara]

أول تصفيق سمعته بعد الهبوط كان على الخطوط السويسرية -رغم إنها ماكنتش أول رحلة ليا- و ماكانش فيها اي شخص ليبي غيرنا و لما سألت عليه قالولي هذه تحية للكابتن على مهارته و غالبا يتم بعد الهبوط يكون سلس و مريح مش إتنطر بيك الطيارة خمس مرات لعند أعضائك تخش على بعضها! و سمعتها أكثر من مرة على الخطوط البريطانية و معظم الركاب أجانب..
و بما إن نحن شعب يعشق التقليد الأعمى فتعلم حركة التصفيق هذه مؤخرا؛ توا بالعقل لو ماداروها الأجانب قبلنا شن حيخلينا نحن نصفقوا للكابتن؟

 

[Kheria Elammary]

التصفيق هذي تحيه للكابتن عشان هبط بسلام ورحله كانت مريحه هذي وحده من الحاجاات اللي تندار في طياره جميع العالم يديرها وحتي في منهج اولي ثانوي في درس يحكي علي طيران كيف اقلاع والهبوط وحاجاات علي طيران وطياره وحده منهن التصفيق

 

[حمدي الشيخي]

التصفيق عادة قديمة توا تصفيق مع تصفير واحتمال يولعوا شعلة فرحانين بنزول الطيارة

 

[Tootee la Mond]

كيف تصفيق ولا مره صارتلي ولا حتي الركاب صفقو

 

[Soad Albishari]

صايرلك زيي انا ديما عند الجناح ومنحبش بكل
وقصه التصفيق الليبيين يس

 

[Orayda S. Gaderbouh]

حتى عند الأجانب التصفيق

 

[HadOola Hn]

قريت كلمة جناح و طول تفكرت الدوشة متاعه لما حظي يجي هكي

 

[Orayda S. Gaderbouh]

بس الليبيين زيد عليهم زغاريت